LIVE: Votat me postë drejt fundit – LVV siguron ulësen e 53-të, LDK humb një mandat në Kuvend

Lëvizja Vetëvendosje ka arritur në 53 ulëse të siguruara në Kuvendin e Kosovës, ndërsa Lidhja Demokratike e Kosovës e ka humbur një ulëse.

LDK kishte më herët 19 deputetë, ndërsa tani ka 18.

Ulësja u sigurua me votat e mërgatës, saktësisht votat me postë, ku deri tani janë numëruar mbi 90% e këtyre votave.

Partia Demokratike ka ruajtur 22 ulëset të cilat i kishte më parë, ndërsa Aleanca për Ardhmërinë e Kosovës ka 7 ulëse.