TË FUNDIT

Marshi për Drejtësi/ Qytetarët përqafojnë e kërkojnë të realizojnë fotografi me djalin e Hashim Thaçit

Prishtina sot u duk shumë më ndryshe, e gjithë kjo falë njerëzve të shumtë të cilët dolën për të marshuar në përkrahje të ish-krerëve të Ushtrisë Çlirimtare të Kosovës të cilët po gjykohen në kuadër të Speciales në Hagë.
Marshit për Drejtësi iu bashkuan qytetarë nga të gjitha anët e Kosovës, por edhe më gjerë.

E padyshim se aty nuk munguan edhe fëmijët e ish-krerëve të UÇK-së të cilët gjenden në Hagë.

E aty ishte edhe djali i ish-presidentit të vendit, Hashim Thaçi, Endrit Thaçi. E në momentin kur qytetarët e takuan atë shumë prej tyre kërkuan që ta përqafonin e të realizonin edhe fotografi me të.

Duhet përkujtuar që Thaçi dhe ish-bashkëluftëtarët e tij mbeten ndër emrat më emblematik të luftës së UÇK-së në Kosovë./Lajmi.net/

Eliza Hoxha: Ky shesh do të buqojë sërish në ditën e kthimit të çlirimtarëve tanë

Deputetja e PDK-së Eliza Hoxha, si dhe njëra nga organizatoret e Marshit për Drejtësi e emocionuar ka falënderuar të gjithë pjesëmarrësit në këtë marsh.
“Gjatë këtyre dy javëve anë e kënd Kosovës e kamë përjetuar e ndjerë edhe një herë historinë tonë. E kam parë e ndjerë sa e hapur është plaga jonë.

Ju falënderoj nga zemra që jeni me ne sot. UÇK na bashkon të gjithëve, pa dallim, thirrja për drejtësi na bashkon, e unë jam e bindur se ky shesh do të buqojë sërish në ditën e kthimit të çlirimtarëve tanë”, u shpreh Hoxha.

Kujtojmë se ish-presidenti i Kosovës, Hashim Thaçi, ish-kryeparlamentarët Kadri Veseli, dhe Jakup Krasniqi, dhe ish-deputeti Rexhep Selimi, janë deklaruar të pafajshëm për akuzat e ngritura ndaj tyre.Jakup Krasniqi që nga 4 nëntori i vitit 2020 gjendet në qendrën e paraburgimit në Hagë.

Po ashtu, Selimi më 4 nëntor kishte njoftuar se kishte marrë konfirmimin për aktakuzën dhe ishte nis..

Tasholli: UÇK-ja, vlera më sublime që e kemi krijuar si komb

Njëri nga organizatorët e marshit për krerët e UÇK-së, Ismail Tasholli ka folur sot para të pranishmëve.
Tasholli ka treguar se si ishte në moshën 13 vjeçare kur kishte parë ushtarin e parë të UÇK-së, shkruan lajmi.ne.

“Si në filma epik, ishte një betejë mes të mirës dhe të keqës. Mes lirisë dhe robërisë. Mes jetës dhe vdekjes. Unë, sikurse të gjithë moshatarët e mi, e kam ndjerë në palcë pabarazinë. Ushtari i lirisë në sytë e mi e kishte marrë trajtën e një superheroi magjik. Luftëtari i së mirë, lirisë, se të tilla kanë qenë pjesëtarët e UÇK-së”, tha ai.

“UÇK-ja është vlera më sublime që e kemi krijuar si komb. Ne si komb, bashkë siç na ka hijë, marshojmë kundër ndryshimit të historisë. Ne sot u bëmë bashk, dhe siç e shihni doli dielli”, tha ai./Lajmi.net/

Ismail Tasholli: Liderët do të kthehen fitimtarë

Ismail Tasholli dhe Eliza Hoxha, të cilët janë dy nga ideatorët e marshit për drejtësi, mbajtën një fjalim para mijëra marshuesve, të cilët dolën në përkrahje të liderëve të UÇK-së, të cilët po mbahen në Hagë.

Tasholli tha se gjatë luftës e ka ndjerë në palcë pabarazinë e dëbimin.

“Unë kam qenë 13 vjeç kur për herë të parë kam pa në uniformë ushtarin e Ushtrisë Çlirimtare të Kosovës. Një gjë ishte e qartë për mua atë botë, ishte një betejë mes lirisë dhe robërisë, mes jetës dhe vdekjes.Unë sikur bashkëmosharatët e kam ndjerë në palcë, pabarazinë, dëbimin”, u shpreh ai.

“Marshojmë për drejtësi, ish-liderët nesër e fillojnë betejën për drejtësi, si gjithmonë do të na kthehen fitimtarë e faqebardhë”, tha ai.

Lushtaku në marsh: Ky është mesazh për Qeverinë e Kosovës

Ish-gjenerali i UÇK-së, Sami Lushatku, ka thënë se “ushtarët e Ushtrisë Çlirimtare të Kosovës nuk e kanë vendin e në Hagë”, por “vendin në burgje e kanë ata që kanë kryer krime në Kosovë”.
Ai ka pasur një thirrje për Qeverinë e Kosovës.

“Ky është një mesazh fillimisht për Qeverinë e Kosovës, që nuk është duke bërë asgjë për atë që kanë luftuar për Kosovën dhe mesazh për drejtësinë ndërkombëtare”, ka thënë Sami Lushtaku.

Ndërkohë ka kërkuar nga politika që kur është në pyetje UÇK-ja, të mos ketë dallime.

Pozhari kundër mbishkrimeve “UÇK” në Qeveri: Kurti ka qenë gjithmonë kundër Speciales

Analisti Xhevdet Pozhari ka dalë kundër mbishkrimeve “UÇK” në ndërtesën e Qeverisë.
Në një postim në Facebook, Pozhari ka thënë se Qeveria udhëhiqet nga një kryeministër që sipas tij gjithëherë ka qenë kundër Gjykatës Speciale, shkruan lajmi.net.

Postimi i plotë i Pozharit:

Marshues të shumtë në mbrojtje të luftës së UÇK-së. Përballë ndërtesa e Qeverisë që udhëhiqet nga një kryeministër i cili gjithmonë ka qenë kundër Gjykatës Speciale.
Rrjedhimisht, edhe dje, edhe sot, edhe nesër Albin Kurti ka qenë dhe mbetet në mbrotje të luftës së UÇK-së. /Lajmi.net/

Mërgimtari vjen nga Gjermania në mbështetje të ish-liderëve të UÇK-së

Shumë qytetarë nga Kosova po marrin pjesë në marshin për drejtësi, marsh i cili po mbahet si shenjë përkrahje për ish-liderët e e UÇK-së, ku nesër pritet të fillojë gjykimi i tyre në Hagë.

Por përveç shumë qytetarëve nga Kosova dhe rajoni, në këtë marsh po marrin pjesë edhe shumë qytetarë nga vendet e largëta.

një qytetar për Klan Kosovën tregoi se ka ardhur nga Gjermania, vetëm për të marrë pjesë në këtë marsh.

Ai tha se ka ardhur për të kërkuar liri për Thaçin dhe të tjerët dhe se gjithmonë beson në pafajësinë e tyre.