TË FUNDIT

Aksident i rëndë në rrugën Prishtinë-Gjilan, rrugë kjo e harruar nga Ministria e Infrastrukturës

Një aksident tejet i rëndë trafiku ka ndodhur sonte në rrugën Prishtinë-Gjilan.
Si shkak i këtij aksidenti ende nuk është raportuar për të lënduar, por dëmet e shkaktuara janë tejet të mëdha.

Duhet përkujtuar që pikërisht në këtë rrugë brenda dy ditëve janë shkaktuar katër aksidente mjaftë të rënda trafiku.

Rruga Prishtinë-Gjilan ndër të tjerash është shndërruar në një rrugë vështirë të kalueshme dhe gjendja e saj është thënë qartë e mjerueshme.

Pavarësisht ankesave të vazhdueshme, nga Ministria e Infrastrukturës nuk janë “lodhur” fare të merren me të.

Kësisoj kjo rrugë shpesh herë po bëhet shkaktare e lëndimeve të shumta trupore tek njerëzit, dëmeve të mëdha në vetura e deri edhe tek fatalitetet./Lajmi.net/

Tahiri: Gjatë seancës së sotme nuk u dëgjua asnjë pretendim i Dick Marit për trafikim të organeve

Kryetar i Grupit Parlamentar të PDK-së, Abelard Tahiri ka reaguar me nja shkrim në Facebook, ku ka thënë se I tërë procesi i letërkëmbimeve, ligjit dhe ndryshimit të Kushtetutës për të mundësuar themelimin e Gjykatës Speciale, është bërë për shkak të pretendimeve të Dick Martit, për trafikim organesh nga UÇK-ja.

Tutje Tahiri ka thënë se gjatë gjithë ditës së sotshme, nga salla e gjyqit dëgjova pretendimet Prokurorisë, por askund në asnjë rresht e as fjalë, nuk u përmend trafikimi i organeve, e as Dick Marti!

I tërë procesi i letërkëmbimeve, ligjit dhe ndryshimit të Kushtetutës për të mundësuar themelimin e Gjykatës Speciale, është bërë për shkak të pretendimeve të Dick Martit, për trafikim organesh nga UÇK-ja.

Gjatë gjithë ditës së sotshme, nga salla e gjyqit dëgjova pretendimet Prokurorisë, por askund në asnjë rresht e as fjalë, nuk u përmend trafikimi i organeve, e as Dick Marti!

Besnik Bislimi udhëton në Bruksel, nesër takimi në kuadër të dialogut

Zëvendëskryeministri Besnik Bislimi ka udhëtuar drejt Brukselit.
Kjo është bërë e ditur nga Qeveria e Kosovës, përmes një njoftimi për media.

Në të është theksuar se zv/kryeministri i parë për Integrim Evropian, Zhvillim dhe Dialog i Kosovës, Besnik Bislimi, ka udhëtuar sot drejt Brukselit, ku do të marrë pjesë në takimet e radhës në kuadër të procesit të dialogut.

Ndryshe ky takim në mes Bislimit dhe përfaqësuesit të palës serbe, Petar Petkoviq vie pikërisht pas zhvillimeve të kaluara nga takimet e kryeministrit Albin Kurti dhe presidentit serb, Aleksandar Vuciq me ndërmjetësim të BE-së në Ohër.

Pas marrëveshjes së Ohrit dhe dakordimeve të rëna atje, ky është takimi i parë në kuadër të dialogut.

Nga Bashkimi Evropian veçse kanë konfirmuar takimin ndërsa u theksua se nesër bisedohet mbi hapat e parë për implementimin e marrëveshjes Kosovë-Serbi.

Dyshja pritet që të diskutojnë në lidhje me zhvillimet e fundit s..

A është presidenti i ri i Malit të Zi agjent i “botës serbe”?

Vetëm tri vite më parë, Jakov Milatoviq ishte një emër krejtësisht i panjohur për publikun malazez. Mbrëmë, megjithatë, ai festoi një fitore bindëse në zgjedhjet presidenciale ndaj liderit të gjatë malazez Milo Gjukanoviq, i cili më në fund po largohet nga pushteti pas tre dekadash.
Milatoviq ishte kandidati presidencial i Lëvizjes “Evropa Tani”, por fitorja e tij u festua në Podgoricë duke valëvitur flamujt serbë, duke ngritur tre gishtat në ajër dhe duke kënduar këngë për Kosovën. Është gjithashtu ilustrimi më i mirë i profilit politik të Milatoviqit.

Një biografi mbresëlënëse
Kjo shihet edhe në biografinë profesionale të Milatoviqit. I lindur më 7 dhjetor 1986 në Podgoricë, ai u diplomua në Fakultetin Ekonomik në Podgoricë si student i gjeneratës, magjistroi në Oksford dhe ishte bursist i qeverisë amerikane, austriake dhe britanike. Si bursist i qeverisë amerikane, ai kaloi një vit akademik në Universitetin Shtetëror t..

Aliu: Gjenerata që e çliroi Kosovën po përballet me padrejtësinë e radhës, por UÇK-ja është e shenjtë

Ministri i Infrastrukturës, Liburn Aliu është deklaruar në lidhje me seancën gjyqësore të zhvilluar sot në Hagë ndaj ish-krerëve të Ushtrisë Çlirimtare të Kosovës.
Aliu tha se brez pas brezi luftëtarët tanë janë përballur me padrejtësitë.

Ai tha se qysh kur kemi qenë fëmijë, jemi rritur me ta, jemi angazhuar krah për krahë dhe kemi ndarë sfidën e sakrificën me ta.

Ministri Aliu tha se sot luftëtarët e lirisë, gjenerata që e çliroi më në fund Kosovën, po përballet me padrejtësinë e radhës.

“Brez pas brezi luftëtarët tanë janë përballur me padrejtësitë. I kemi dëgjuar historitë e tyre prej më të vjetërve, qysh kur kemi qenë fëmijë, jemi rritur me ta, jemi angazhuar krah për krah, dhe kemi ndarë sfidën e sakrificën bashkë me ta.Sot luftëtarët tanë të lirisë, Jakup Krasniqi, Hashim Thaqi, Kadri Veseli e Rexhep Selimi, gjenerata që e çliroi më në fund Kosovën, po përballet me padrejtës..

Finlanda anëtarësohet të martën në NATO

Shteti i Finlandës nga dita e marte pritet ti bashkohet NATO-s.
Finlanda do të bëhet të martën anëtarja e 31-të e NATO-s, ka bërë të ditur aleanca veri-atlantike.

Aplikimi për anëtarësim është nxitur nga lufta e Rusisë në Ukrainë, e nisur më 24 shkurt 2022.

Suedia, po ashtu, ka aplikuar për anëtarësim në NATO, në të njëjtën kohë me Finlandën, mirëpo edhe atë shtet Turqia është duke e bllokuar për arsye të njëjta.

Çdo zgjerim i vendeve të NATO-s duhet të bëhet me mbështetjen e të gjitha vendeve anëtare.

“Ne, në selinë e NATO-s, do ta ngremë lart flamurin finlandez për të herë të parë. Do të jetë ditë e mirë për sigurinë e Finlandës, për sigurinë nordike, dhe për NATO-n si tërësi”, ka thënë Sekretari i Përgjithshëm i NATO-s, Jens Stoltenberg nga Brukseli, raporton REL.

Theksojmë se Finlanda ndan një kufi të gjatë, mbi 1.000 kilometra, me Rusinë./Lajmi.net/

Prokurori në Speciale godet edhe komandantin legjendar: Përmes Adem Jasharit UÇK-ja filloi të sulmonte bashkëpunëtorët serbë

Përveç Hashim Thaçit, Kadri Veselit, Jakup Krasniqit dhe Rexhep Selimit, prokurori i specializuar ka përmendur edhe Adem Jasharin si një nga komandantët e Ushtrisë Çlirimtare të Kosovës, i cili ka ndërmarrë veprime kundër serbëve dhe bashkëpunëtorëve të Serbisë.
Aksionet e tyre, për prokurorinë speciale, përbëjnë prova kundër të akuzuarve.

“Përmes Adem Jasharit, UÇK filloi të sulmojë në mënyrë të vazhdueshme ushtrinë, policinë dhe bashkëpunëtorët serbë përgjatë viteve 90-të.

Deklarimin për Jasharin e ka bërë prokurori i specializuar, Matthew Halling.

Ndryshe tashmë ka përfunduar seanca ndaj ish-krerëve të Ushtrisë Çlirimtare të Kosovës të akuzuar për krime lufte nga Gjykata Speciale.

Seanca do të vazhdojë të martën me 4 prill me deklaratat e ekipit mbrojtës.

Duke filluar nga ushtruesi i detyrës së kryeprokurorit special, Alex Whiting, e tek fjalët e prokur..

Fillon peticioni kundër rritjes së çmimit të energjisë elektrike

Sot ka filluar një peticion kundër shtrenjtimit të energjisë elektrike nga Zyra e Rregulaltorit të Energjisë (ZRrE)

Fatmir Kabashi është iniciues i këtij peticioni dhe tashmë ka mbledhur disa nënshkrime kundër shtrenjtimit të energjisë elektrike.

“Shtrenjtimi i energjisë elektrike në nivelin 15,4 përqind nuk vlenë për të gjithë qytetarët e Kosovës, dhe kjo përbën shkelje të Ligjit kundër diskriminimit, dhe shkelje të Kushtetutës së Kosovës. Diskriminimi i qytetarëve në baza etnike është në kundërshtim të plotë me të drejtat e njeriut, dhe për më tepër përbën vepër penale, dhe kjo po ndodhë në Kosovë, sepse shqiptarët dhe komunitetet tjera joserbe janë të detyruar që t’i paguajnë të gjitha faturat, kurse komuniteti serb këtë nuk e bëjnë që nga përfundimi i luftës e deri më tani”, thuhet ndër tjerash në reagim.

Energjia elektrike pritet të rritet 15 për qind, për herë të dytë brenda dy viteve.

Më poshtë e gjeni arsyet..

Pritet proces i gjatë gjyqësor në rastin ndaj Thaçit dhe të tjerëve

Përfundoi seanca e parë e hapjes së gjykimit kundër ish-krerëve të Ushtrisë Çlirimtare të Kosovës, proces ky i cili pritet të zgjasë disa vjet.
Hulumtuesi nga Fondi për të Drejtën Humanitare, Amer Alija, i cili e monitoroi prej afër seancën e sotme tha se Zyra e Prokurorit të Specializuar foli më shumë për strukturën organizative të UÇK-së dhe pretendimet e kësaj zyre, të ngritura në aktakuzë.

Ai pret që ky proces gjyqësor të zgjasë tri apo katër vjet.

“Shqyrtimi kryesor ka me qenë i gjatë, sigurisht ndoshta tre ose katër vite do të zgjasë procesi për arsye se është një numër shumë i lartë i dëshmitarëve i propozuar nga prokuroria, diku më shumë se 300 dëshmitarë prokuroria i ka propozuar dhe nëse një dëshmitar dëgjohet mesatarisht nje ditë, pastaj i kemi edhe palët tjera që kanë të drejtë me marrë në pyetje, atëherë mund të zgjasë ky proces”, tha ai.

Sipas tij, edhe vetë trupi gjykues e ka të vështirë te parashik..