TË FUNDIT

Deputetja e LDK-së: Edhe për dy vjet, qytetarët kanë me u ngi Albin

Deputetja e Lidhjes Demokratike e Kosovës (LDK), Valentina Bunjaku, ka thënë se partia në pushtet po e ndjek avazin e vjetër duke punësuar familjarë në ndërmarrje e institucionet e tjera, ndonëse thotë se me kauzë të kundërt kanë ardhur në pushtet.
Sipas saj, Lëvizja Vetëvendosje po i përzgjedh ish-anëtarë të partisë nëpër pozitat kyçe.

Bunjaku ka thënë se qytetarët “kanë me u ngi Albin”, pasi kanë mbetur edhe dy vite deri në përfundim të mandatit.

“Kjo Qeveri ka ardhë në pushtet me kauzë se ‘ne do ta luftojmë nepotizmin dhe familjarizmin’ ndërsa gjithkund ka nepotizëm dhe familjarizëm. Në Komisionin për Ekonomi, kolegu im Pal Lekaj i tregoi me emra dhe mbiemra njerëzit e Lëvizjes, të cilët kanë qenë kandidatë nëpër lista zgjedhore dhe tani po mundohen me i caktu në pozita kyçe”.

“Krejt kohën kanë akuzuar partitë e tjera dhe absolutisht kjo qeveri nuk di tjetër, pos me u anku në 20-vjeçarin e kaluar, por harron që..

Një zyrtar i Komunës së Ferizajt në mesin e viktimave në aksidentin e rëndë në Shtime

Njëri nga viktimat në aksidentin e sotëm në rrugën Ferizaj-Shtime, ishte punonjës i Drejtorisë së Bujqësisë në Komunën e Ferizajt.
Kështu ka bërë të ditur kryetari i kësaj komune, Agim Aliu, i cili përmes një postimi në Facebook ju ka shprehur ngushëllime familjarëve të viktimave, shkruan lajmi.net.

“Pa fjalë, të tronditur nga aksidenti i sontëm në magjistralen Ferizaj-Shtime, ku humbën jetën 4 bashkëqytetarë, dy prej tyre nga fshati Dremjak i Ferizajt e dy nga Komuna e Shtimes, në mesin e tyre edhe një punonjës i Drejtorisë së Bujqësisë në Komunën e Ferizajt”.

Aliu ju ka uruar shërim të shpejtë edhe të lënduarve të tjerë nga ky aksident.

Postimi i plotë:

TELEGRAM NGUSHËLLIMI

Pa fjalë, të tronditur nga aksidenti i sontëm në magjistralen Ferizaj-Shtime, ku humbën jetën 4 bashkëqytetarë, dy prej tyre nga fshati Dremjak i Ferizajt e dy nga Komuna e Shtimes, në mesin e tyre edhe një punonjës i Drej..

Çitaku e quan Tomë Gashin “palaço”

Nënkryetarja e PDK-së, Vlora Çitaku e ka quajtur avokatin Tomë Gashi “palaço”.
Përmes një postimi në Facebook, Çitaku ka thënë se avokati Gashi është “një palaço dhe person abuziv”, shkruan lajmi.net.

Çitaku ka thënë se Gashin e trajtojnë seriozisht vetëm televizionet e Kosovës.

Postimi i plotë:

Tomë Gashi është një palaqo dhe person abuziv, të cilin vetëm TV e Kosovës e trajtojnë seriozisht. /Lajmi.net/

Kurti: Japonia vend mik dhe partner i vërtetë i popullit tonë

Kryeministri i Republikës së Kosovës Albin Kurti mori pjesë në Festën Kombëtare të Japonisë, me rastin e ditëlindjes së Madhërisë së Tij, Perandorit Naruhito, e cila u organizua nga Ambasada e Japonisë.
Më këtë rast, Kryeministri Kurti në fjalën e tij, në emër të Qeverisë së Republikës së Kosovës, i ka uruar ditëlindjen Madhërisë së Tij, Perandorit Naruhito, duke shtuar se ndihet i nderuar të festoi në këtë ditë të veçantë me kaq shumë miq të Japonisë dhe Kosovës në Prishtinë. Në të njëjtën kohë i uroi mirëseardhje shumë të ngrohtë ambasadorit Mizuuchi duke e përgëzuar për detyrën dhe përgjegjësitë e reja.

Kryeministri Kurti para të pranishmëve tha se këtë muaj u festua 15-vjetori i Pavarësisë së Republikës së Kosovës dhe së shpejti do të pasohet me 15-vjetorin e njohjes së Kosovës nga Japonia, më 18 mars. Ndërsa, vitin e ardhshëm do të shënhet 15-vjetori i vendosjes së marrëdhënieve diplomatike mes dy kombeve tona.

“Jap..

​Aliu: Ditë e kobshme për komunën e Shtimes

Katër persona humbën jetën sonte rreth orës 19:15 në një aksident trafiku në magjistralen Shtime-Ferizaj.
Kryetari i komunës së Shtimes, Qemajl Aliu me këtë rast ka shprehur ngushëllime për humbjen e katër të rinjëve.

“Me keqardhje dhe pikëllim të madh po ndjek lajmet për aksidentin tragjik të ndodhur në hyrje të komunës së Shtimes, ku humbën jetën katër të rinj. Familjarëve të viktimave iu shpreh ngushëllimet më të sinqerta kurse lutemi që të lënduarit të shërohen sa më shpejt”, ka shkruar kryetari Aliu.

Edhe kryetari i PDK-së, Memli Krasniqi ka shprehur ngushëllime me rastin e vdekjes tragjike të katër të rinjëve.

“Jashtëzakonisht i dhembshëm lajmi për vdekjen tragjike të katër të rinjve në aksidentin rrugor në aksin Ferizaj – Shtime. Në këto orë të rënda, bashkëndjej me familjarët e viktimave, të cilëve u shpreh ngushëllimet më të sinqerta”, ka shkruar Krasniqi.

Një 26-vjeçare në gjendje të rëndë si pasojë e aksidentit në Shtime, i lënduari tjetër jashtë rrezikut për jetë

Katër persona kanë ndërruar jetë si pasojë e një aksidenti të rëndë në rrugën Ferizaj-Shtime.
Zëdhënësi i Policisë së Kosovës për rajonin e Ferizajt, Kanun Veseli, ka deklaruar për lajmi.net se në aksident janë përfshirë tri vetura me targa vendore.

Ndërkaq, edhe dy persona të tjerë janë duke marrë trajtim mjekësor si pasojë e lëndimeve nga aksidenti që ndodhi në dalje të Shtimes.

Nga QKUK-ja kanë deklaruar për lajmi.net se dy persona të lënduar në aksident janë duke marrë trajtim në Klinikën Emergjente në QKUK.

“Një femër e datëlindjes 1996, është në gjendje të rëndë, ekipet mjekësore po bëjnë maksimumin, kurse personi tjetër që po merr trajtim ka lëndime më të lehta!”, kanë bërë të ditur nga QKUK.

Policia e Kosovës ka nisur hetimet rreth rastit. /Lajmi.net/

Tahiri: Ne mund ta ngrehim Kurtin zhag nga Kuvendi, por nuk mund ta ndalojmë me hapa legal

Shefi i Grupit Parlamentar të PDK-së, Abelard Tahiri, ka deklaruar se partia e tij nuk ka mundësi legale ta ndalë kryeministrin Albin Kurti nëse tenton ta bëjë marrëveshje të dëmshme.
Pasi moderatori ia kujtoi Tahirit rezistencën e bërë nga Lëvizja Vetëvendosje për Asociacionin, duke i thënë se ata kanë hedhur edhe gaz lotsjellës për të, është kundërpërgjigjur edhe ky i fundit.

“Ne edhe mund ta ngrehim zhag nga Kuvendi, po për ta ndalur prej këtij angazhimi nuk kemi mundësi, hapa legalë nuk kemi mundësi të bëjmë. Mund të jemi ende më të vrazhdë se ai”, ka deklaruar Tahiri.

Tutje, ai tha se në rast se nënshkruhet marrëveshja, Kurti nuk do ta sjellë atë në Kuvendin e Kosovës.

“Nuk besoj që Kurti do ta sjellë këtë marrëveshje në Kuvend, ashtu si nuk është votuar marrëveshja e Uashingtonit. Kurti po merr zotime dhe po merr veprime pa i sjellë në Kuvend”, ka thënë ai.

Tahiri tha se PDK ka shpreh..

​Policia Kufitare parandalon kontrabandimin e deleve nga Serbia

Policia Kufitare e Kosovës ka bërë të ditur se ditën e sotme, në orët e pasdites në fshatin banjë, komuna e Zubin Potokut, kanë vërejtur dy persona të dyshuar që kanë sjellur disa dele nga territori i Serbisë në territorin e Republikës së Kosovës.
“Njësitet policore kufitare kanë ndërmarrë veprime të menjëhershme për trajtimin e këtij rasti të dyshuar të kontrabandës. Megjithëse kafshët e kontrabanduara janë lokalizuar nga Policia, personat e dyshuar duke shfrytëzuar terrenin malor në atë zonë kanë depërtuar dhe janë larguar në territorin serb. Policia e Kosovës ka informuar autoritetet doganore dhe AVUK-un lidhur me rastin për procedura të mëtejme, përderisa në bashkëpunim me Prokurorinë është iniciuar edhe rasti “ kontrabandim me mallra”, thuhet në njoftimin e policisë Kufitare.

Njoftimi i plotë nga policia:

Policia Kufitare e Kosovës, konkretisht zyrtarët policor në teren, gjatë realizimit të detyrave dhe autorizim..