Author: admin

​Hoti për të pagjeturit: Ndërkombëtarët duhet ta kushtëzojnë Serbinë për hapjen e arkivave

Kryesuesi i Komisionit Qeveritar për Personat e Zhdukur, Andin Hoti, ka kërkuar nga akterët ndërkombëtarë që ta kushtëzojnë Serbinë që t’i hapë arkivat, në mundësi që Kosova të ketë mundësi të ketë informacione të sakta në zbardhjen e fatit të të pagjeturve.

Hoti ka thënë se ka insistuar që për çështjen e personave të pagjetur të ketë një nen të veçantë në aneksin e Marrëveshjes Bazë, në mes të Kosovës dhe Serbisë të dakorduar në Ohër.

“Më 27 shkurt në takimin në Bruksel, çështja e personave të zhdukur ka qenë në nenin 6, ka qenë insistimi im që në aneks të ketë afate kohore dhe të ketë nen të veçantë për fatin e të pagjeturve. Afatet kohore Serbia i ka refuzuar kategorikisht, unë nuk i besoj Serbisë, kam arsye të mjaftueshme të mos i besoj Serbisë”.

Ai ka pohuar se Neni 6 thotë që të formohet një komitet i përbashkët dhe të monitorohet prej BE-së, për zbardhjen e fatit të të pagjeturve dhe ..

Kurti komenton sërish nenin 7: Vetëmenaxhim i komunitetit serb për një nivel adekuat vetëmenaxhimi

Kryeministri i Republikës së Kosovës, Albin Kurti, ka folur lidhur me procesin e liberalizimit të vizave për qytetarët e vendit, duke u shprehur i pakënaqur për pamundësinë e lëvizjes së lirë të kosovarëve në zonën shengen.

Në një intervistë në Top Channel, Kurti ka thënë se ky proces do të marrë fund më 1 janar të vitit 2024 pasi Kosova është vendi i fundit në Evropë që vazhdon të ketë regjim vizash për qytetarët, e që sipas tij, kjo po bëhet padrejtësisht.

“Nëse ka diçka që nuk jemi të kënaqur me çfarë kemi bërë deri më tani, është fakti që edhe më tej Kosova vazhdon të mos ketë liberalizim të vizave, por prapë lajm i mirë është që nga 1 janari i vitit të ardhshëm ky nuk do të jetë më rasti. Më në fund pra gati mbi 5 vite pasi që Komisioni Evropian për herë të parë tha që “Kosova i ka plotësuar 95 kritere të nevojshme, duhet t’i hiqen vizat”, nga 1 janari i vitit të ardhshëm kjo do ..

Brukseli, javën e ardhshme nikoqir i takimit të nivelit të lartë kryenegociatorësh

Javën e ardhshme në kryeqendrën evropiane do të mbahet takimi i nivelit të lartë kryenegociatorësh.
Këtë e ka konfirmuar zëdhënësi i Bashkimit Evropian, Peter Stano, përcjell lajmi.net.

Në një paraqitje mediatike, Stano falënderoi ish-kryeministrin e Malit të Zi, Dritan Abazoviç për gatishmërinë që të mirëpresin takimin e ardhshëm në kuadër të dialogut Kosovë – Serbi, por shtoi se Bruksel mbetet qendra e negociatave.

“Na vjen mirë se dialogu tash po bëhet kaq i popullarizuar në rajon dhe gjithnjë e më shumë vende po ofrohen që të jenë mikpritës të tij. Por, le të shkojmë hap pas hapi së pari, sepse dialogu është i bazuar në Bruksel”, ka thënë veç tjerash Stano.

Ai gjithashtu foli edhe për rëndësinë e zbatimit të marrëveshjes së arritur në Ohër, duke thënë se përkundër faktit që palët s’kanë nënshkruar asgjë, janë dakorduar.

Kica-Xhelili: Haxhiu nuk mund ta kontrollojë gjyqësorin – jemi shtet demokratik

Deputetja e Kuvendit të Kosovës nga radhët e LDK-së, Doarsa Kica-Xhelili ka hedhur kritika ndaj ministres së Drejtësisë, Albulena Haxhiu, pas akuzave të kësaj fundit nga gjyqtarëve të Kushtetueses.
Përmes një publikimi, Kica-Xhelili ka shtuar se nuk mund të kontrollohet gjyqësori, pasi jemi shtet demokratik dhe fatmirësisht për demokracinë, këtë s’mund ta bëjë as Albulena Haxhiu, përcjell lajmi.net.

“Por, ajo është ministre e kësaj demokracie parlamentare dhe duhet OSE ta respektoj këtë demokraci, ose të zhvendoset në një shtet autokratik që përkon me ideologjinë e saj”, ka thënë fillimisht ajo.

Tutje, ligjvënësja opozitare vlerësoi se dikush duhet t’ia kujtojë Haxhiut që ajo nuk është ministre e vazhdueshme e fushatës linquese.

“Dikush duhet t’ia kujtoj kësaj ministreje se është ministre e DREJTËSISË – e jo ministre e vazhdueshme e fushatës linquese. Se sundimi i ligjit që ajo e shndërron në mbiemër p..

Murati: Deficiti buxhetor zvogëlohet në rekord historik, thesi i shqyer është qepur

Ministri i Financave, Punës dhe Transfereve, Hekuran Murati, ka thënë se deficiti buxhetor në Kosovë është zvogëluar në një rekord historik.

Në një postim në llogarinë e tij në Facebook, ai tha se financat publike janë kthyer në drejtimin e duhur dhe që “thesi i shqyer është qepur.”

Murati shtoi se qeveria ka qenë e kujdesshme për të mos shkaktuar një barrë të paqëndrueshme financiare dhe për të mos rritur borxhin publik, edhe pse kishte pakot mbështetëse më të mëdha në rajon.

Shkelzen Gashi kishte premtuar se nuk do të dilte në TV, por nuk e mbajti fjalën edhe pse humbi bastin

Ish-këshilltari i Albin Kurti, Shkëlzen Gashi, në shtator të vitit të kaluar kishte vënë një bast publik.
Në “Pressing” ai fillimisht refuzoi të komentojë një draft të publikuar atëbotë nga AlbanianPost e që kishte të bënte me pikat e propozuara nga Bashkimi Evropian për marrëveshjen Kosovë – Serbi, përcjell lajmi.net.

Opinionisi nuk deshi t’i komentojë ato pika, duke vlerësuar se nëse ndodh njëmend që të nënshkruhet një marrëveshje mbi ato pika të publikuara nga siç e quajti ai, një portal i tillë me atë gazetar (duke iu referuar Baton Haxhiut), Gashi kishte thënë që nuk do të fliste më publikisht.

“Tash unë ty po ta garantoj sonte një send. Se di çka ka propozu ai drafti, s’e kam lexu. Nëse në fund del një marrëveshje nga diçka që e ka publiku ky drejtuesi i këtij mediumi, unë s’foli më publikisht. Edhe mos na humbni kohë, hajde debatojmë për çështje përmbajtësore”, kishte thënë..

Krasniqi nga Izbica fton qytetarët në marshin e drejtësisë dhe mbështetjes për ish-krerët UÇK-së

Kryetari i Partisë Demokratike të Kosovës, Memli Krasniqi, ka marrë pjesë në përvjetorin e 24-të të masakrës së Izbicës, për të kujtuar dhe nderuar 147 martirët të cilët u vranë brutalisht nga regjimi serb.
Gjatë fjalës së tij, Krasniqi ka folur edhe për procesin gjyqësor i cili pritet të filloj për ish-krerët e UÇK-së në Hagë.

“Si për ironi, sot, si popull e si komb, si qytetarë, po ballafaqohemi me një fakt i cili është sa absurd aq edhe joracional. Me faktin që pikërisht ata të cilët u ngritën kundër atij pushteti brutal dhe gjenocidal, ata që u ngritën në luftë për çlirim, ushtarët e lirisë, themeluesit dhe udhëheqësit e UÇK-së, sot po mbahen në bankën e të akuzuarvfe në hagë”, ka thënë Krasniqi.

Më tej, ai ka thënë se është fakt i pamohueshëm që e dijmë të gjithë, se lufta e UÇK-së ka qenë e drejtë, mbrojtëse dhe luftë e secilit qytetar të Kosovës.

“Prandaj, jemi të bindur që ky p..

LDK e kritikon pushtetin për mosrealizimin e premtimit të 4000 banesave për çiftet e reja

Paris Guri nga LDK ka kritikuar pushtetin për mosrealizimin e premtimit të 4000 banesave për çiftet e reja. Kryetari i Forumit të Rinisë së LDK-së ka folur për premtimet që pushteti ua bëri të rinjve të vendit. Ai ka pyetur pse po e lëshojnë Kosovën të rinjtë.

“Nëse qeveria është duke e bërë një punë aq të mirë sa po e thonë, pse kaq shumë të rinj po e lëshojnë vendin?” – tha Guri në një video të publikuar në faqen zyrtare të LDK-së në Facebook.

Guri i LDK-së sidomos kritikoi pushtetin për premtimet që ka bërë dhe nuk i ka realizuar, duke përfshirë premtimin për ndërtimin e 4000 banesave për çiftet e reja.

“Pushteti ka bërë premtime të njëpasnjëshme. Po në vitin e tretë të qeverisjes nga ky pushtet: të rinjtë nuk janë në qendrat e premtuara të inovacionit e as të start up-eve. Nuk janë në fakultetin e premtuar për teknologji informative. Madje, nuk janë as në 4000 banesat e premtuara për çift..

Raporti vjetor i AGK-së: Rritet numri i sulmeve ndaj gazetarëve

Asociacioni i Gazetarëve të Kosovës publikoi sot raportin vjetor “Treguesit e nivelit të lirisë së mediave dhe sigurisë së gazetarëve” për vitin 2022.

Siç ka informuar AGK, raporti që është hartuar nga hulumtuesja, Getoarbë Mulliqi Bojaj, në kuadër të platformës rajonale Safe Journalists përshkruan më gjerësisht situatën e legjislacionit dhe çështjet socio-ekonomike e politike në raport me lirinë e medieve dhe sigurinë e gazetarëve në Kosovë.

Raporti fokusohet në tre tregues; kornizën ligjore, pozitën e gazetarëve në dhomën e lajmeve, si dhe sigurinë e gazetarëve.

Në konferencë u prezantuan gjetjet e raportit nga hulumtuesja Getoarbë Mulliqi Bojaj, Eksperti Ligjor i raportit, Yll Zekaj, si dhe kryetari i Bordit të AGK-së, Xhemajl Rexha.

Sipas gjetjeve të këtij raporti, gjendja e sigurisë së gazetarëve vazhdon të jetë e rëndë, numri i sulmeve në drejtim të gazetarëve ka shënuar rritje nga 29 në vitin 2021, ka shkuar n..

Hasiani kanos gruan me jetë, ajo lajmëron policinë dhe tregon se burri i saj posedon armë

Një burrë ka kanosur me jetë bashkëshorten e tij, teksa kjo e fundit ka njoftuar policinë, pasi është ndier e kërcënuar.

Kështu ka bërë të ditur para pak çastesh Policia e Kosovës përmes një njoftimi të para pak çasteve, përcjell lajmi.net.

Tutje, është thënë se policia me këtë rast ka sekuestruar një armë të llojit “zastave” me 39 fishekë.

“Me datë 27 Mars 2023, rreth orës 19:00 pasi qe policia ka marr nje ankes nëper mes telefonit nga një ankuese femer nga fshati Lukinj, KK Prizren, patrulla policore e Stacionit Policor Prizren ka shkuar në vend ngjarje dhe ka kontaktuar ankuesen, ajo ankohej se burri i saj e ka kanosur me jetë dhe e njëjta ka informuar se i dyshimti, burri i saj , posedon edhe një armë zjarri”, thuhej ndër tjerash.

Më poshtë edhe njoftimi i plotë: