Author: admin

Kreu i OEK-ut, Lulzim Rafuna takohet me përfaqësuesit e Odës Ekonomike të Serbisë

Kryetari i Odës Ekonomike të Kosovës, Lulzim Rafuna, ka marrë pjesë në takimin e radhës të Bordit të Forumit Investiv të Odave (FIO) të Ballkanit Perëndimor, që po mbahet në Shkup.

Në margjina të këtyre takimeve në kryeqendrën e Maqedonisë së Veriut, delegacioni i Odës Ekonomike të Kosovës i kryesuar nga kryetari Rafuna është takuar sot pas dite me përfaqësuesit e Odës Ekonomike të Serbisë për të diskutuar për pengesat që bizneset e Kosovës, si dhe për të kërkuar zgjidhje ashtu që të eliminohen këto pengesa.

Lidhur me këto takime, kryetari Rafuna nuk ka dhënë shumë detaje për KosovaPress, por siç ka theksuar ai, ky takim nuk ka të bëjë asgjë me marrëveshjen e Ohrit, ndërmjet Kosovës dhe Serbisë.

“Kjo nuk ka të bëjë me marrëveshjen e Ohërit. Këto takime janë zhvilluar në kuadër të Bordit të Forumit Investiv të Odave (FIO) të Ballkanit Perëndimor, që është prej Procesit të Berlinit. Tani meqenëse unë e..

Kurti për cakërrimin e gotave me Haradinajn: Mendoj se bëra mirë, aty është shkruar historia

Kryeministri Kurti vijon të thur elozhe për Epopenë e Dukagjinit dhe ish-kryeministrin Haradinaj.
Ai tha se do të ishte e pakuptimtë që të mos cakërronte gotën me raki me të parin e AAK-së, pasi ai është dëshmitar i gjallë i asaj beteje, përcjell lajmi.net.

Ndër tjerash, Kurti e cilësoi si të jashtëzakonshme atë situatë.

“Nëse e ka fjalën për atë dollinë me kryetarin e AAK-së, ajo ishte në 25 vjetorin e Epopesë së Dukagjinit. Pra ishte një situatë e jashtëzakonshme. E aty zoti Haradinaj, që ka qenë edhe pjesëmarrës në luftë, ishte edhe i zoti i shtëpisë. Unë kam mundur edhe të mos shkoj por mendoj e do të ishte gabim. Nëse kam shkuar, atëherë është gabim nëse nuk cakërroj gotat”, tha ai në RTV Dukagjini.

Kujtojmë se Haradinaj, javëve të fundit i ka dalë goxha në mbështetje shefit aktual të ekzekutivit, sidomos në çështjen për planin evropian.

Pesë të lënduar nga një aksident rrugor në Gllarevë të Klinës

Pesë persona raportohet të jenë lënduar nga një aksident në fshatin Gllarevë të Klinës.
Këtë e ka konfirmuar zëdhënësi i Policisë së Kosovës për rajonin e Pejës, Fadil Gashi, përcjell lajmi.net.

Gashi ka pohuar se në aksident kanë qenë të përfshira dy vetura, ndërsa pesë persona kanë pësuar lëndime.

Fillimisht ata janë dërguar për trajtim në Klinë, e më pas edhe në spitalin rajonal të Pejës. Tutje bëhet e ditur se katër prej tyre janë liruar, ndërsa një nga ata po vazhdon trajtimin.

“Rreth orës 18:52, policia ka pranuar informatën se në fshatin Gllarevë ka ndodhur një aksident mes dy veturave. Pesë persona kanë pësuar lëndime trupore. Fillimisht janë dërguar për trajtim në QKMF në Klinë e më pas edhe në spitalin rajonal në Pejë. Katër persona janë liruar në shtëpi, njëri po trajtohet ende”, tha Gashi.

​Kica-Xhelili: Ministrja Haxhiu po i shkel me të dyja këmbët rekomandimet e Këshillit të Evropës

Doarsa Kica Xhelili, deputete në Lidhjen Demokratike të Kosovës, ka thënë se ministrja e Drejtësisë, Albulena Haxhiu, është duke i shkelur me të dyja këmbët rekomandimet e Këshillit të Evropës.
“Është interesante që ministrja po i referohet një institucioni të Këshillit të Evropës, duke iu referuar si një institucion i lartë, në këtë rast Komisionit të Venecias, sepse befasia e saj vjen si rezultat që përderisa Komisioni i Venecias ka bërë të gjetura dhe qëndrim tjetër, tani Gjykata Kushtetuese ka tjetër. Por çka s’duhet të harrojmë është se ministrja e njëjtë po i shkel me të dyja këmbët rekomandimet e Këshillit të Evropës lidhur me gjuhën që guxon ekzekutivi ta përdorë karshi vendimeve gjyqësore me këto që po thotë”, ka thënë Kica.

Sipas Kicës, në rekomandimet e Këshillit të Evropës lidhur me pavarësinë e gjyqësorit thuhet se mundësia e vetme e komentimit është që ekzekutivi të thotë s..

Teksa Kurti flet në intervistë, reagon deputeti i VV-së: Në vend të rrenave të hijshme, duhet ta tregojmë të vërtetën

Albin Kurti, kryeministri i Kosovës sonte regjistroi një nga paraqitjet e rralla televizive në mediat vendore.
Ajo në një intervistë gati njëorëshe në Debat Plus, foli për dyvjetorin e qeverisjes, marrëveshjen e Ohrit dhe shumëçka tjetër rreth kësaj kohe në qeveri, përcjell lajmi.net.

Megjithatë, është parë një reagim interesant përderisa Kurti ishte në intervistë, reagoi deputeti që shihet çdo herë e më larg grupit parlamentar të VV-së, Eman Rrahmani.

Rrahmani, duke shfrytëzuar rrjetin social “Facebook”, shpërndau një thënie të Alija Izetbegoviç, në të cilën kërkohet që popullit t’i tregohet e vërteta, pavarësisht se sa e shëmtuar mund të jetë ajo.

Kjo shihet qartë se ishte e destinuar për Kurtin, duke aluduar kështu se marrëveshja e arritur në Ohër ka diçka tjetër në krahasim me atë se çka po proklamon shefi i ekzekutivit.

Gjithsesi, marrëveshja do duhet të kalo..

Arifi: Albin Kurti po do të bëhet si Tito

Kryetari i Preshevës, Shqiprim Arifi ka thënë se Kurti po do të bëhet sikur Tito.
Këto deklarime ai i bëri në Tëvë1, teksa hodhi kritika në drejtim të kreut të qeverisë kosovare, për mosangazhimin për çështjen e shqiptarëve të Luginës, përcjell lajmi.net.

Sipas tij, secila pakicë në Serbi ka dikë që përkujdeset. Bullgarët kanë Bullgarinë, hungarezët kanë Hungarinë ndërsa shqiptarët s’e kanë askë.

“Lugina e Preshevës ish dashur të trajtohet në mënyrë specifike, jo të gjeneralizuar me minoritetet tjera në Serbi. Pakicat tjera kanë qeveri që përkujdesen s’kanë nevojë për Kosovën.

Bullgarët e kanë Bullgarinë, hungarezët e kanë Hungarinë, boshnjakët e kanë Bosnjën, kroatët e kanë Kroacinë.

Çka po bën ky qetash? Ky si Tito qetash po do të bëhet. Unë për krejt po përkujdesem, rri këqyrna veç neve në Luginë mas pari”, ka thënë ndër tjerash Arifi.

Abdixhiku e krahasoi me Vali Corleonen, kryeministri Kurti i kundërpërgjigjet kreut të LDK-së

Kryeministri i Kosovës, Albin Kurti ka komentuar deklaratat e të parit të LDK-së, me këtë të fundit që thoshte se dy njerëzve në Kosovë, askush puna e mbarë nuk u ka thënë, e ata janë Vali Corleone e Albin Kurti.
Në anën tjetër, shefi i ekzekutivit u tregua shumë i rezervuar, duke u kundërpërgjigjur me shifra, ndërsa pohoi se edhe i kanë thënë puna e mbarë, përcjell lajmi.net.

“Ça të them unë. Unë po e menaxhoj qeverinë e Republikës së Kosovës në ditët më të mira që janë bërë nga kjo qeveri. Unë po flas me shifra, ndërkaq kush dëshiron të krijojë atmosferë negative, le ta bëjë. Deficiti buxhetor në vitin 2020 ka qenë mbi 500 milionë euro, ndërsa vitin e kaluar më pak se 50 milionë euro. Puna e mbarë mua më kanë thënë shumë qytetarë të vjetër”, tha Kurti në Debat Plus.

Veç tjerash, i pari i qeverisë ka folur edhe dialogun në Bruksel, duke thënë se në muajin prill do të ketë takim të nivelit..

​Gjeti portofolin me 470 euro, e dorëzoi në polici

Të mërkrën në Stacionin Policor Kllokot një qytetar me inicialet A.D. ka dorëzuar një portofol të cilin e kishte gjetur afër një qendre tregtare.
Në të kishte 470 euro dhe dokumente personale.

Pas verifikimit policia ka gjetur pronarin e portofolit i cili ishte nga qyteti i Ferizajt. Të njëjtin e kanë ftuar në stacion dhe ia kanë dorëzuar portofolin, paratë dhe dokumentet.

“Sot me datën 29.03.2023 në Stacionin Policor Kllokot një qytetar me inicialet A.D. ka dorëzuar një portofol të cilin e kishte gjetur afër një qendre tregtare në Kllokot, në të cilin kishte një shumë parash prej katërqind e shtatëdhjetë (470) euro dhe dokumente personale.

Pas verifikimit policia ka gjetur pronarin e portofolit i cili ishte nga qyteti i Ferizajt duke e ftuar në stacion dhe të njëjtit konform procedurave i është dorëzuar portofoli, paratë dhe dokumentet.

Duke çmuar këtë gjest human, falënderojmë të gjithë qytetarët për bashkëpunimin dhe besimin e..

Kurti: UÇK bëri luftë të drejtë, unë besoj në pafajësinë e tyre në Hagë

Shefi i qeverisë së Republikës, Albin Kurti, mes shumë çështjesh, gjatë paraqitjes së sontme në Debat Plus, komentoi edhe atë të ish-krerëve të UÇK-së që janë në Hagë.
Kurti ka thënë se UÇK bëri luftë të drejtë, ndërsa shtoi se beson në pafajësinë e tyre, përcjell lajmi.net.

“Ushtria Çlirimtare e Kosovës bëri luftë të drejtë. Unë besoj në pafajësinë e tyre në Hagë.

Ajo çka më dhemb më së shumti është fakti kur i drejtohen me organizatë e përbashkët kriminale dhe kur thonë se koha fillon nga marsi i vitit 1998, pikërisht në kohën e Epopesë.

Ndërkaq, sa i përket asaj se pse nuk jam takuar, është fakti se unë e kam konsideruar që vizita ime nuk ndihmon asgjë”, tha ndër tjerash Kurti.

Kurti refuzon të komentojë deklaratat e së kaluarës: Nuk jam makinë kohore, mos më ktheni vite pas

Kryeministri i Republikës së Kosovës, Albin Kurti për herë të parë pas një kohe të gjatë është paraqitur në një studio kosovare.
I ftuar në Debat Plus, zbarkim ky që derivoi nga takimi i kryeministrit me gazetarë, shefi i ekzekutivit tentoi të flasë për përgjigjet e së kaluarës, ose siç iu referua ai, nuk jam makinë kohore, përcjell lajmi.net.

“Si kryeministër i Kosovës, kam trashëguar disa marrëveshje, që mua më duhet të nxjerr më të mirën e mundshme. Por, mos më kërkoni të flasë për të kaluarën. Për vitin 2010. Ose për 2005. Çka është ky obsesion? Nuk jam makinë kohore unë. Mos më ktheni vite pas”, tha ndër tjerash Kurti.

Ky i fundit, para gazetarit tha se nuk ka ardhur për të komentuar marrëveshjen e Ohrit, por dyvjetorin e qeverisjes.