Author: admin

Bora në Kosovë, disa rrugë vështirë të kalueshme

Reshjet e dendura të borës në Kosovë kanë bërë që sot rrugët të jenë vështirë të qarkullueshme.
Magjistralja Prishtinë-Podujevë ishte vështirë e kalueshme nga bora e dendur që po vazhdon të bie.

Kjo rrugë deri në orën 9:00 nuk ka qenë e pastruar nga kompanitë e pastrimit.

Megjithatët, zyrtarë të Ministrisë së Infrastrukturës thonë se të gjitha rrugët nacionale, rajonale dhe autostradat janë kalueshme.

Sipas kësaj ministrie, rruga Podujevë-Kërpimeh, është e kalueshme, por qarkullimi po zhvillohet me vështirësi

“Pas reshjeve të fundit të borës në vendin tonë, të gjitha rrugët Nacionale, Rajonale dhe Autoudhët janë të kalueshme. Sa i përket rrugës Podujevë-Kërpimeh, është e kalueshme por qarkullimi po zhvillohet me vështirësi. Kontraktorët nga Ministria e Mjedisit dhe Planifikimit Hapësinor dhe Infrastrukturës, kanë qenë aktive pothuajse gjatë tërë natës, menaxheret e MMPHI gjithashtu janë në terren dhe duke e menaxhuar me mjaft sukse..

Ish këshilltari i Thaçit: Specialja po tenton të devijojë të vërtetën e luftës së UÇK-së

Ish këshilltari i Hashim Thaçit, Adil Behramaj e ka kritikuar gjykimin që po mbahet në Hagë ndaj Thaçit, Veselit dhe të tjerëve duke e quajtur një gjykim që më së paku është juridik.
Behramaj përmes një statusi ka thënë se Prokuroria e Gjykatës Speciale në vazhdimësi po e devijon të vërtetën e luftës së UÇK-së, duke tentuar të deformojë historinë.

Ai tha se populli i Kosovës ka jetuar një të vërtetë tjetër gjatë luftës së fundit, dhe kjo e vërtetë do e shpartallojë aktakuzën ndaj ish komandantëve të UÇK-së.

Postimi i plotë i Behramajt:

Prokuroria e Speciales e ka devijuar të vërtetën e luftës së UÇK-së dhe e deformuar historinë tonë. Beteja në Hagë më së paku është juridike. Kjo aktakuzë filloi të shpartallohet qysh sot me të vërtetën e popullit tonë, që të gjithë ne e kemi jetuar. /Lajmi.net/

Policia e Kosovës shpallë në kërkim një person të dyshuar për sulm seksual

Policia e Kosovës ka shpallur në kërkim një person që dyshohet se ka kryer veprën penale ‘’Sulm Seksual’’.
‘’Policia e Kosovës, mbështetur në autorizimin e nxjerrë nga Prokuroria Themelore – Departamenti i Përgjithshëm, në mbështetje të nenit 77, paragrafit 2, të KKP-së, lidhur me zbatimin e nenit 71, pika 3.1, 3.12, si dhe në përputhje me nenin 8, të KEDNj-së, paraqet para jush fotografinë e të dyshuarit të shpallur në kërkim, i dyshuar për implikim në veprën penale: “Sulm Seksual” në bashkëkryerje, konform nenit 229 të KPRK-së’’, thuhet në njoftimin e PK-së.

Me qëllim të zbatimit efikas të procedurës, Policia ka kërkuar nga publiku i gjerë kontributin qytetar që me informacionet e tyre të ndihmojnë në drejtim të identifikimit të personit të dyshuar./Lajmi.net/

Pas avokatëve edhe Hashim Thaçi pritet të deklarohet në seancën e sotme

Është duke u zhvilluar seanca gjyqësore ndaj ish-krerëve të Ushtrisë Çlirimtare të Kosovës, në kuadër të Dhomave të Specializuara në Hagë.
Pas përfundimit të fjalëve hyrëse të dy mbrojtësve të tij, Gregory Kehoe dhe Luka Misetiç, edhe ish presidenti i Kosovës, Hashim Thaçi ka vendosur që të marrë fjalën dhe ta japë qëndrimin e tij lidhu me akuzat e Prokurorisë në nisje të procesit gjyqësorë ndaj tij, Kadri Veselit, Jakup Krasniqit si dhe Rexhep Selimit.

Fjala e ish-presidentit Thaçi pritet të zgjasë rreth 5 minuta, ashtu siç deklaroi avokati i tij , Misetiç.

Kurse krejt në fund të seancës pritet që gjykatës t’i drejtohet sërish avokati mbrojtës, Kehoe për të përmbyllur fjalën hyrëse të mbrojtjes së Hashim Thaçit, e cila zgjatë rreth tri orë.

Duhet përkujtuar që sot po vazhdon seanca gjyqësore e nisur dje ndaj ish-krerëve të Ushtrisë Çlirimtare të Kosovës, Hashim Thaci, Kadri Veseli, Jakup Krasniqi dhe Rexhep S..

“Pë 30 minuta, avokati i Thaçit shkatërroi komplet punën 15-vjeçare të prokurorëve, serbëve e rusëve”

Gazetari dhe analisti i njohur Berat Buzhala ka reaguar në lidhje me gjykimin që po mbahet ndaj ish krerëve të UÇK-së.
Përmes një statusi në rrjetin social Facebook, Buzhala tha se si argumente kundër Hashim Thaçit po i përdor rastet e sulmit kundër rektorit siç e quajti ai fashist, Papovi­ç dhe kundër stacioneve policore serbe, shkruan lajmi.net.

Në anën tjetër sipas Buzhalës, si argumente pro Thaçit, avokati i tij i citon deklaratat e Albright, Clark dhe amerikanëve.

Buzhala e quajti këtë si një kontrast të madh duke thënë se “Jemi tuj jetu në dy universe paralele”.

Madje sipas tij, për 30 minuta, avokati i Thaçit “shkatërroi” komplet punën 15 vjeçare të prokurorëve, serbëve e rusëve.

Postimi i plotë i Buzhalës:

Per 30 minuta avokati i Thacit e shkaterroi komplet punen 15 vjecare te prokuroreve, serbeve dhe ruseve.

Dokumentari i BBC’se, libri i Hill, intervista e Albright, ci..

Jehona Lushtaku Sadriut: Secili qytetar që ka pagë nga shteti e ka kuptuar se është varfëruar, pagat e tyre janë zvogëluar

Kryetarja e Gruas në Lidhjen Demokratike të Kosovës, Jehona Lushtaku- Sadriu ka hedhur akuza të rënda në drejtim të Qeverisë së Kosovës.
Sipas Lushtakut, në fillim të këtij muaji secili qytetar që ka pagë nga shteti e ka kuptuar se është varfëruar.

‘’Në këtë fillimmuaji, secili qytetar që ka pagë nga shteti e ka kuptuar se është varfëruar; pagat e tyre janë zvogëluar duke ua hequr edhe shtesat’’, ka thënë Lushtaku-Sadriu.

Më tutje ka thënë se Qeveria nuk po merr asnjë masë për të përmirësuar ekonominë.

‘’Çmimet e produkteve janë ngritur dhe gjërat esenciale po bëhen të papërballueshme për shumicën. Çdo ditë, mbijetesa po bëhet sfidë në Kosovë, e në anën tjetër, Qeveria nuk po merr asnjë masë për të përmirësuar ekonominë’’, thotë Lushtaku-Sadriu.

“QEVERI E KOSOVËS një pyetje po e shtroj çdo ditë për ju. A jeni të vetëdijshëm që me paaftësinë e juaj i keni varf..