Author: admin

Avokati i Thaçit: Prokuroria nuk paraqet prova që Thaçi të ketë dhënë urdhra

Në deklaratën hyrëse të mbrojtjes para trupit gjykues në Hagë, avokati i ish-presidentit, Hashim Thaçit, Lluka Mishetiq tha se Prokuroria Speciale nuk paraqet prova që Thaçi të ketë dhënë urdhra ushtarëve të UÇK-së për të kryer krime.
Sipas mbrojtjes, ZPS nuk ka asnjë provë se ka pasur linja të raportimit mes Thaçit dhe njësive të UÇK-së.

“Prokuroria nuk paraqet prova që zotëri Thaçi t’u ketë dhënë urdhra ushtarëve të UÇK-së, apo si anëtar i shtabit të përgjithshëm, apo si kryeministër i kësaj qeverie të përkohshme, po kështu prokuroria nuk ka as prova të linjave të raportimit midis zotëri Thaçi dhe njësive të UÇK-së dhe kryesve. Nëse nuk ka urdhra të tillë dhe linja raportimi nga njësitet e UÇK tek zotëri Thaçi është e paqartë se si mendon prokuroria se mund të vërtetojë se ekziston një marrëdhënie epror-vartës midis zotëri Thaçi dhe kryesve të këtyre krimeve. Mbi të gjitha ishte e qartë që zotëri Thaçi nu..

Berisha: Rama derdh lot për ish-krerët e UÇK-së, por nuk lejon të votohet në Kuvend rezoluta kundër gjenocidit serb

Kryetari i Partisë Demokratike të Shqipërisë, Sali Berisha, deklaroi se të gjithë shqiptarët do të kenë të drejtë të mbajnë shtetësinë e Shqipërisë kur ai të vijë në pushtet.
Ai tha se do të nënshkruajë marrëveshje me Kosovën për të lejuar edhe ata shtetas të Shqipërisë të marrin shtetësinë e Kosovës.

Berisha thotë se Rama këto dy ditët e fundit ka derdhur lot por që në të njëjtën kohë nuk po lejon që në Kuvendin e Shqipërisë të votohet rezoluta kundër gjenocidit serb në Kosovë.

Këto deklarata Berisha i bëri në Tropojë gjatë prezantimit të kandidatit për Bashkësinë e Tropojës, Besnik Dushaj.

“Sapo të hiqen vizat për qytetarët e Kosovës, Shqipëria do firmosë marrëveshje me Kosovën për vendosjen e dyshtetësisë. Të gjithë shqiptarët do kenë të drejtë të mbajnë shtetësinë e Kosovës ose Shqipërisë, njërën ose tjetrën, ose të dyja së bashku. Ai kufi mbetet si një relike, d..

Avokati i Veselit demanton një nga një pretendimet e Prokurorisë, bën ndërlidhjen e jashtëzakonshme me rastin “Haradinaj”

Avokati i ish-kryeparlamentarit, Kadri Veseli, Ben Emmerson, ka vazhduar argumentimin e tij në Gjykatën Speciale.
Emmerson ka ritheksuar se Prokuroria e Specializuar nuk e ka asnjë provë ndaj Veselit, për asnjë krim të pretenduar që paraqitet në aktakuzë, shkruan lajmi.net.

“Roli i Shtabit të Përgjithshëm nuk ishte në formë konvencionale. Është qesharake të pretendosh këtë. Prokuroria do ta dëgjojë. Të kalosh nga kjo, në një pretendim të ksaj natyre, nuk është e logjikmshme dhe e pranueshme”, tha ai.

Sipas tij, ndaj Veselit s’ka asgjë më shumë se supozime.

Ai thotë se Veseli s’ka asnjë lidhje me komunikatat e madje

“Prokuroria s’ka asgjë tjetër, pos supozimeve. Një hamendësim kaq i thjeshtë që gjeneron të gjitha këto akuza që kaq shpesh pjesë e analizës së konfliktit në Kosovë. Mund të pyes dikush ku janë provat konkrete që Kadri Veseli ka qenë i përfshirë në ..

Prokuroria tha se ai gënjeu në deklaratat e tij dhe u intervistua fshehtë, kështu u përgjigj Thaçi

Ish-presidenti i Kosovës, Hashim Thaçi ka folur në Gjykatën Speciale në lidhje me akuzat që po rëndojnë ndaj tij.
Ai ndër të tjera i është përgjigjur edhe Zyrës së Prokurorit të Specializuar i cili e akuzoi atë se ka dhënë deklarata të rrejshme dhe fshehurazi, shkruan lajmi.net.

Thaçi ka përmendur se pas EULEX, UNMIK, dhe Tribunalit për Ish-Jugosllavinë, kjo është instanca e katërt gjyqësore në të cilën po kërkohet të përgjigjen pjesëtarët e UÇK-së.

Çdo bashkëpunim i tij me Specialen, sipas Thaçit, ka qenë krejtësisht i hapur.

“Kjo është gjykata e katërt. Unë jam intervistuar nga të gjithë këta mekanizma. Çdo bashkëpunim imi me të gjithë këta akterë ndërkombëtarë ka qenë në interes të drejtësisë dhe transparent, qoftë në Prishtinë, qoftë në Hagë. Ky është çmimi i lirisë. Kam besim që ky proces do të jetë i drejtë, i shpejtë dhe transparent”, tha Thaçi. /Lajmi.net/

Sveçla në Slloveni: Sundimi i ligjit po vendoset në çdo pjesë të Kosovës

Ministri i Punëve të Brendshme, Xhelal Sveçla, me ftesë të Ministrit të Punëve të Brendshme të Republikës së Sllovenisë, Bostjan Poklukar mori pjesë sot në takimin e ministrave të Punëve të Brendshme në kuadër të procesit të Brdos që po mbahet në Portorozh të Sllovenisë.
Në takim, siç u bë e ditur në komunikatë, u diskutua lidhur me rëndësinë e bashkëpunimit rajonal si dhe identifikimin e veprimeve të ndryshme në luftën kundër kontrabandimit me migrantë dhe formave të tjera të krimit, si dhe menaxhimin e ri pranimit dhe kthimit.

Ministri Sveçla theksoi se Republika e Kosovës me vite të tëra e ka dëshmuar se i kushton një rëndësi të veçantë bashkëpunimit rajonal, si parakusht për stabilitet, zhvillim të qëndrueshëm, paqe dhe siguri.

“Institucionet tona të sigurisë kanë dëshmuar se janë partner serioz në nismat rajonale, shpeshherë duke u marrë dhe si shembull i praktikave të mira jo vetëm për rajonin, jo vetëm ..

Avokati: Kadri Veseli mbajti kontakte me shërbimet sekrete të NATO-s, në kohën që flet aktakuza ai ishte jashtë Kosovës

Në Gjykatën Speciale, në gjyqin ndaj krerëve të Ushtrisë Çlirimtare të Kosovës, sot ka folur avokati i Kadri Veselit, Ben Emmerson.
Në fjalën e tij, Emmerson ka thënë se Kosova po vazhdon të jetë vend ku ekzistojnë ende thashethemet e shumta për luftën, UÇK-në dhe formacionet tjera, shkruan lajmi.net.

“25 vjet pas traumës dhe trazirave, Kosova vijon të jetë një vend ku gëlon thashethemi ku qarkullojnë zëra dhe kundërzëra, e pretendime. Elementet e kësaj kulture kanë shekuj që ekzistojnë. Miti i trafikimi të organeve është një nga ato të shumta, që s’është i bazuar as në fakte. Historia e luftës është shkruar e rishkruar, në gazeta, libra e tjera, shpesh e shtrembëruar për t’u shërbyer protagonistëve të ndryshëm”, tha ai.

“Jo të gjithë personat e përfshirë në këto ngjarje janë historianë. Disa njerëz e kanë ekzagjeruar rolin që kishin në UÇK. Shpesh për qëllime të ..

Kurti: Kosova mbase është vendi më i rëndësishëm në historinë e NATO-s

Kryeministri i Kosovës, Albin Kurti në 24-vjetorin e themelimit të Organizatës së Traktatit të Atlantikut Verior (NATO) sot deklaroi se Kosova mbase është vendi më i rëndësishëm në historinë e NATO-s.
Kurti u shpreh se ky kapitull historie duhet kujtuar veçanërisht në datën historike të 4 prillit, “sikur sot, kur shënohet përvjetori i 74-të i themelimit të NATO-s”.

Kryeministri potencoi se 24 vjet më parë, në prag të përvjetorit të 50-të të themelimit të NATO-s, më 24 mars 1999, NATO ka nisur operacionin ushtarak më të madh në historinë e kësaj aleance deri atëherë.

“Deri më 10 qershor, për 78 ditë rresht, trupat e NATO-s e bombarduan nga ajri Jugosllavinë, me qëllim që të ndalonin spastrimin etnik dhe gjenocidin e ushtruar nga Serbia e Sllobodan Millosheviqit mbi shqiptarët në Kosovë. Ato ditë, për shkak të thirrjes në ndihmë NATO-s, shqiptarët e Kosovës janë mbase populli i vetëm që është vrarë edhe si hakmarr..

Bislimi dhe Petkoviq në Bruksel, Lajçak deklarohet pak para takimit të përbashkët

Zëvendëskryeministri i Kosovës, Besnik Bislimi ka udhëtuar dje drejt Brukselit.
Ndërsa përfaqësuesi Special i Bashkimit Evropian për dialogun Kosovë-Serbi, Miroslav Lajçak ka njoftuar se tashmë ka takuar në takime të ndara, Bislimin si dhe përfaqësuesin e palës serbe, Petar Petkoviq.

Ai gjithashtu tha se është duke pritur një takim në kuadër të dialogut, në nivel të negociatorëve për të diskutuar për marrëveshjen drejt normalizimit.

“Sot jam duke pritur një takim dialogu në nivel të kryenegociatorëve në Bruksel për të diskutuar zbatimin e Marrëveshjen për rrugën drejt normalizimit si dhe çështjet aktuale urgjente”,tha Lajçak.

Në takim pritet të diskutohet zbatimi i neneve të marrëveshjes bazë si dhe formimi i komisionit të përbashkët mbikëqyrës për implementimin e ujdisë.

Gjatë së hënës, zëdhënësi i Bashkimit Evropian, Peter Stano deklaroi se presin nga Kosova dhe Serbia që të të kontribuojnë në kri..

Lista Serbe takon delegacionin gjerman, kërkojnë që Asociacioni të themelohet sa më parë

Përfaqësuesit e Listës Serbe, Goran Rakiq dhe Igor Simiq kanë zhvilluar takim me delegacionin gjerman të prirë nga ambasadori i Gjermanisë në vendin tonë, Jorn Rohde.

Tema kryesore e takimit ka qenë themelimi i Asociacionit të Komunave me Shumicë Serbe.

Kjo është bërë e ditur përmes një njoftimi nga Lista Serbe.

Sipas krerëve të kësaj partie, “në këtë takim u theksua edhe nevoja që sipas tyre të ndalet shtypja e popullit serb”.

Theksojmë se ky delegacion gjerman po ashtu gjatë ditës së sotme ka zhvilluar takim edhe me kryeministrin e Kosovës, Albin Kurti.

Po ashtu sot në Bruksel po mbahet takimi i radhës midis Kosovës dhe Serbisë.

Ndërsa përfaqësuesi Special i Bashkimit Evropian për dialogun Kosovë-Serbi, Miroslav Lajçak ka njoftuar se tashmë ka takuar në takime të ndara, Bislimin si dhe përfaqësuesin e palës serbe, Petar Petkoviq.

Ai gjithashtu tha se është duke pritur një takim në kuadër..