Author: admin

Musliu-Shoshi për Kurtin: Veç me 1 këmishë në Bruksel pa marrëveshje finale, pa njohje nga Serbia

Deputetja nga radhët e PDK-së, Ariana Musliu Shoshi, përmes një fotoje të publikuar në Facebook, ka ironizuar kryeministrin Albin Kurti, për takimin që pritet të mbahet sot në Bruksel.
Musliu-Shoshi ndër tjerash, ka shkruar për Kryeministrin e vendit: Veç me 1 këmishë në Bruksel pa marrëveshje finale, pa njohje nga Serbia!

Takimi mes Kurtit dhe Vuciqit pritet të mbahet sot nga ora 15:00, në Bruksel.

Dalin detaje nga tërmeti i sotëm në Turqi, ka të vdekur dhe të plagosur

Një tërmet tronditi Turqinë juglindore të hënën, duke mbetur një person një i vdekur dhe 69 të plagosur. Kështu duke shkaktuar shembjen e disa ndërtesave, thanë autoritetet turke.
Ky tërmet goditi tre javë pas një tërmeti masiv që vrau më shumë se 50 mijë njerëz në Turqi dhe Siri, shkruan Reuters.

Yunus Sezer, kreu i Autoritetit të Menaxhimit të Fatkeqësive dhe Emergjencave të Turqisë (AFAD) tha në një konferencë shtypi se ekipet e kërkimit dhe shpëtimit ishin vendosur në pesë ndërtesa.

Tërmeti, i cili goditi provincën juglindore të Malatya, u vlerësua nga Qendra Sizmologjike Evropiane-Mesdhetare me magnitudë 5.2 ballë.

Raportet e mediave thanë se dy persona besohet të jenë të bllokuar në rrënojat e një ndërtese.

Peci: Të fala Parisit e të fala Berlinit, në përkrahje të Albinit

Ministri i Bujqësisë, Pylltarisë dhe Zhvillimit Rural, Faton Peci, duke cituar vargjet e një kënge, ka zgjedhur t’i dalë në mbështetje kryeministrit Albin Kurti i cili sot do të takohet me presidentin serb, Aleksandar Vuçiq.
Përmes një shkrimi në Facebook ka bërë të ditur se është rrugës për Paris, derisa ka postuar një fotografi ai e ka shoqëruar me mbishkrimin “Të fala Parisit e të fala Berlinit, në përkrahje të Albinit”.

Gjatë ditës së sotme disa anëtarë të Lëvizjes Vetëvendosje kanë postuar në rrjetet sociale statuse “me kryeministrin”./Lajmi.net/

Vuçiq: Nuk do të ketë as kapitullim, as kthim në vitet ‘90

Presidenti i Serbisë, Aleksandar Vuçiq, ka thënë të hënën, para udhëtimit të tij në Bruksel, se do ta veprojë ashtu siç është më së miri për vendin e tij.
“Atyre që paraprakisht po përgatiten të na sulmojnë – sepse do të nënshkruajmë diçka, se do të jemi tradhtarë, dhe paraprakisht e dinë se jemi fajtorë, dhe se po kthehemi në vitet ‘90 – mund t’iu them të mos shqetësohen. Nuk do të ketë as kapitullim, as kthim në vitet ‘90. Serbia do të ecë përpara sado e vështirë të jetë dhe ne do të arrijmë të luftojmë për të”, ka thënë Vuçiq përmes një postimi në Instagram.

Kurti para takimit me Vuçiqin: Marrëveshja mes Kosovës dhe Serbisë, e mundshme deri në fund të vitit

Kosova dhe Serbia synojnë të përfundojnë një marrëveshje historike për normalizimin e marrëdhënieve “këtë vit”, ka thënë kryeministri Albin Kurti, duke e bërë të qartë se nuk do të ishte pa probleme, pavarësisht angazhimit të shtuar perëndimor.
“Ne kemi nevojë për normalizim të marrëdhënieve dhe kjo mund të arrihet me njohjen reciproke si pikën kryesore. Beogradi ka qenë i bindur se nuk do ta njihte zyrtarisht pavarësinë e ish-krahinës, megjithëse mund të pajtohet për një njohje ‘de facto’”, tha Kurti në një intervistë me Euractiv.

Komentet e Kurtit erdhën përpara një takimi të nivelit të lartë në Bruksel sot, ku liderët e Serbisë dhe Kosovës pritet të miratojnë një marrëveshje për normalizimin e marrëdhënieve të tensionuara.

Propozimi i përditësuar i BE-së, i marrë nga të dyja palët përpara fillimit të një samiti BE-Ballkani Perëndimor në Tiranë dhjetorin e kaluar, por që nuk është..

Një tjetër tërmet ka goditur Turqinë

Një tërmet i ri me magnitudë 5.2 Rihter është shënuar sot në zonën lindore të Turqisë.
Sipas Institutit Euro-Mesdhetar epiqendra e tërmetit ndodhet 8 kilometra në jugperëndim të Malatisë.

Thellësia e tërmetit vlerësohet të jetë 5 kilometra. Aktualisht nuk ka raportime për dëme.

Dy të vdekur nga koronavirusi në Kosovë

Situata me koronavirus në Kosovë po ashpërsohet ditët e fundit, pasi rastet kanë nisur të rriten mjaft shumë.

Instituti Kombëtar i Shëndetësisë Publike të Kosovës ka bërë të ditur që në 24 orët e fundit kanë vdekur dy persona nga ky virus, shkruan lajmi.net.

Sipas Institutit, Brenda ditës janë konfirmuar edhe 12 raste të reja më koronavirus, ndërkohë që 204 pacientë janë aktivë me këtë virus.

Ndër të tjera, IKSHPK njofton se gjatë ditës së fundit janë shëruar 8 pacientë, të cilët kishin rezultuar pozitiv me koronavirus.

Sarrazin për planin evropian: Do të zgjidhë një pjesë të madhe të problemeve mes Kosovës dhe Serbisë

I dërguari special i Gjermanisë për Ballkanin Perëndimor, Manuel Sarrazin, sheh në planin e paraqitur një shans për Kosovën dhe Serbinë.
“Propozimi evropian që bazohet në iniciativën gjermane dhe franceze është në gjendje të zgjidhë një pjesë të madhe të problemeve mes dy vendeve. Ai do të hapë rrugën për integrimin rajonal në BE”, shprehet Sarrazin.

Pranimi i këtij plani është një hap thelbësor për të dyja vendet në drejtim të BE.

Tani është mundësia që të dyja palët të tregojnë fleksibilitet dhe të pranojnë propozimet e paraqitura.

Ky do të ishte edhe një sinjal i rëndësishëm pozitiv për të gjithë rajonin e Ballkanit Perëndimor në një situatë kritike ndërkombëtare, thekson Sarrazin në bisedë me DW.

Pranimi i planit nuk do të zgjidhë të gjitha problemet, beson Sarrazin, por ai do të “hapte një shteg pozitiv”, që më në fund për Serbinë dhe Kosovën t’ia vlejë konstruktiviteti.

Po ..

Analisti “zhvishet” nga analiza, i dërgon një mesazh kryeministrit Kurti para takimit me Vuçiqin: Qëndro i fortë vëlla

Gazmir Raci shumë shpesh del në debate televizive dhe jep analiza të cilat mundohet t’i paraqes edhe objektive. Mirëpo, sot u “zhvesh” nga objektiviteti.

Ndonëse nga analistët politik pritej ndonjë përspektivë se çfarë mund të ndodh atje, analisti Raci ka dalë haptazi në mbështetje të kryeministrit Kurti, shkruan lajmi.net.

“Qëndro i fortë vëlla”, ka shkruar Raci në gjuhën angleze.

Sidoqoftë, përveç analistit pro qeveritar, edhe militantët e partisë në pushtet kanë nisur mesazhet mbështetëse për kryeministrin Kurti.

Kujtojmë se kryeministri Kurti do të takohet sot në Bruksel me presidentin serb Vuciq, pas një kohe tensioni e deklaratash populiste. Sipas raportimeve në media dhe deklarimeve të aktorëve politikë, sot pritet të jetë një ditë e rëndësishme për Kosovën, pasi Kurti do të pranojë ose jo Asociacionin.