Author: admin

Emisari i SHBA-së, për Ballkanin Perëndimor, Gabriel Escobar, ka bërë një koment rreth takimit të sotëm disaorësh, mes kryeministrit Albin Kurti me presidentin serb, Aleksandër Vuçiq në Bruksel.

Teksa me të dalë nga objekti ku zhvillohen punimt në Bruksel, ai është shprehur shkurtimisht, se ”ende ka shumë punë për të bërë”, rreth çështjes së marrëveshjes drejt normalizimit mes Kosovës dhe Serbisë.

Ai për Kanal10 bëri të ditur më tej se më shumë detaje do jepen në një konferencë të nesërme të aranzhuar nga Departamenti i Shtetit Amerikan, të njëjtën të cilën e kanë bërë të ditur edhe Ambasada Amerikane përmes një njoftimi për media.

Escobar kujtojmë se qe sot në Bruksel dhe u takua ndaras, me Kurtin dhe Vuçiqin, para përballjes së takimit trepalësh që do niste nga ora 17.15 por që rezultoi pa një marrëveshje të zyrtarizuar përveç miratimit gojor të propozimit evropian.

Dje në Bruksel, Kryeministri i Republikës së Kosovës, Albin Kurti me ftesë të Përfaqësuesit të Lartë të Bashkimit Evropian, zhvilloi takimin e gjashtë të nivelit të lartë në kuadër të procesit të dialogut.

Para fillimit të takimit zyrtar me Përfaqësuesin e Lartë të BE-së, Borrell, Kryeministri Kurti realizoi një takim me zëvendës Ndihmës Sekretarin e Shteteve të Bashkuara për Çështje Evropiane dhe Euroaziatike dhe njëherësh të dërguarin e posaçëm të Shteteve të Bashkuara të Amerikës për Ballkanin Perëndimor, Gabriel Escobar. Me të bisedoi për pritjet nga takimi. Kryeministri e falënderoi z. Escobar për mbështetjen dhe angazhimin e Shteteve të Bashkuara të Amerikës në procesin e dialogut.

Gjatë ditës, pas takimit bilateral me Përfaqësuesin e Lartë, Borrell, dhe emisarin e BE-së Miroslav Lajçak, u zhvillua takimi trilateral.

Kryeministri Kurti shprehu gatishmërinë për nënshkrimin e Marrëveshjes Bazë ndërmjet Kosovës dhe Serbisë, ashtu siç është propozuar nga Bashkimi Evropian dhe mbës..

Deputetja e VV-së, Fitore Pacolli thotë se kryeministri Albin Kurti ka detyruar Serbinë që Kosovës t’ia njohë pasaportën.

Sipas Pacollit, “politikanët e së shkuarës vetëm i jepnin Serbisë; tash jetojmë në kohë kur Serbisë nuk i japim më asgjë”.

“Dje, Përfaqësuesi i Lartë i Bashkimit Evropian, Joseph Borrell, në Zyrat e Shërbimit të Jashtëm, ndër të tjera tha që me Propozimin e BE-së, Serbia do t’ia pranojë Republikës së Kosovës pasaportën e saj.

A më thotë dikush se kush është njeriu që e detyroi Serbinë që t’ia njohë Republikës sonë pasaportën, e cila është dokumenti simbolik më i rëndësishëm i një shteti të pavarur në marrëdhëniet me jashtë?

Natyrisht, Kryeministri Kurti.

Politikanët e së shkuarës vetëm i jepnin Serbisë; tash jetojmë në kohë kur Serbisë nuk i japim më asgjë. Nga negociata për çështje të brendshme tash bëjmë negociata për pranim të shtetësisë e raporte të barabarta në marrëdhëniet ndërkombëtare”, thotë ajo.

Përderisa gazetarët Kushtrim Sadiku dhe Arben Ahmeti raportonin nga Brukseli, një gjë e pazakontë ka ndodhur.

Një qytetar u është afruar me agresivitet që të dyve, duke bërtitur. Madje, në një moment, qytetari bën edhe kontakt fizik me gazetarin Sadiku.

Nuk dihen motivet e rrebelimit të tij ndaj gazetarëve nga Kosova, që shkuan ta përcillnin takimin e kryeministrit Albin Kurti me president Aleksandar Vuçiq.

Presidenti i Serbisë, Aleksandar Vuçiq në profilin e tij në Instagram ka paralajmëruar fjalimin e tij sonte, ku siç thotë ai do të shpjegojë se çfarë ka ndodhur gjatë ditës së djeshme në Bruksel.

“Të dashur qytetarë të Serbisë, ju falënderoj për kujdesin dhe mbështetjen tuaj gjatë një dite të vështirë të djeshme. Arritëm në Beograd në orët e hershme të mëngjesit dhe tani po analizoj se çfarë ka ndodhur. Ne luftuam dhe, sa më shumë që ishte e mundur në kushte të vështira, luftuam për të ardhmen e Serbisë në paqe, për vazhdimin e investimeve në vendin tonë, për të mbajtur betimin tim dhe Kushtetutën e Serbisë dhe Kosovën si pjesë të Serbisë”, ka shkruar Vuçiq pas kthimit nga Brukseli.

Siç bën të ditur ai “mediat manjate, por edhe RTS dhe Tanjug” përhapin gënjeshtra për të, ndaj ai do t’u drejtohet qytetarëve sonte në orën 21:00 për të sqaruar se çfarë ka ndodhur në Bruksel”, shkruan Danas.

“Sonte po i përgjigjem të gjithë manipuluesve politikë dhe mediatikë që do të shkelnin vendin e ..