Author: admin

​Samiti i radhës i Procesit të Berlinit më 16 tetor në Tiranë

Samiti i radhës i Procesit të Berlinit të gjashtë vendeve të Ballkanit Perëndimor do të mbahet më 16 tetor në Tiranë të Shqipërisë.
Kjo u bë e ditur nga kancelari gjerman, Olaf Scholz, pas takimit me kryeministrin e Shqipërisë, Edi Rama në Berlin.

Ai tha se ky samit do të thellojë bashkëpunimin në rajonin ballkanik në drejtim të krijimit të tregut të përbashkët rajonal.

Në konferencën e përbashkët për medie me Ramën, kancelari gjerman tha se anëtarësimi i Ballkanit Perëndimor në Bashkimin Evropian ka rëndësi strategjike për shtetin e tij.

“Ballkani Perëndimor dhe integrimi i tij në Bashkimin Evropian janë shumë të rëndësishme për mua. Në shumë raste kam tërhequr vëmendjen se kjo është një nga detyrat shumë të mëdha që duhet të përmbush Evropa tani. Ballkani Perëndimor është pjesë e Evropës dhe familjes evropiane. Prandaj gëzohem që në tetor në Shqipëri do të organizohet samiti i radhës i Procesit të Berlinit, përgatitje..

Konjufca uron mësuesit për 7 Mars: Nuk janë vetëm simbol i edukimit por edhe heronj në rrugën e lirisë

Kryetari i Kuvendi Glauk Konjufca, ka uruar mësuesit me rastin e 7 marsit ditës së tyre, ai ka thënë se mësuesit nuk janë vetëm simbol i edukimit dhe arsimimit të brezave të tërë të kombit por edhe heronj e burim i frymëzimit në rrugën e lirisë.
Ai përmes një shkrimi në facebook ka thënë se vlera e mësuesit dhe pesha e qiellit nuk maten kurrë.

Postimi i plotë:

Sot është Dita e Mësuesit. Dita kur përkulemi me nderim dhe mirënjohje para forcës më përparimtare të shoqërisë sonë.

Mësuesit tanë, nga rilindasit e deri në ditët e sotme, nuk janë vetëm simbol i edukimit dhe arsimimit të brezave të tërë të kombit por edhe heronj e burim frymëzimi në rrugën e lirisë, dalzotës dhe vija e parë e qëndresës atdhetare përballë sfidave shekullore.

Vlera e mësuesit dhe pesha e qiellit nuk maten kurrë, thuhet për pishtarët e dijes.

Suksese në misionin tuaj të shenjtë dhe urime 7 Marsin!

Hulumtim: Serbët e Kosovës i besojnë më shumë Qeverisë së Serbisë, ndërsa shqiptarët e Luginës asaj të Kosovës

Qendra për Demokraci dhe Arsim nga Lugina e Bujanocit dhe OJQ AKTIV në Mitrovicën e Veriut kanë publikuar hulumtimin “Nga sfidat e përbashkëta tek zgjidhjet e përbashkëta”, për pozitën e komunitetit serb në katër komuna në veri të Kosovës dhe komunitetit shqiptar në jug të Serbisë, raporton Ekonomia Online.
Nga ky hulumtim është parë se serbët e Kosovës dhe shqiptarët e Serbisë kanë probleme të përbashkëta, por ka edhe nga ato probleme që theksohen më shumë në njërin komunitet. I tillë është problemi i sigurisë, i cili duket të jetë problemi më i madh në veri të Kosovës, por jo edhe në Luginë.

Ndërsa, sa i përket problemeve të përbashkëta, si për serbët ashtu edhe për shqiptarët, papunësia dhe ekonomia kanë qenë në krye të listës.

Kështu ka bërë të ditur, Miodrag Milićević nga OJQ AKTIV, i cili ka treguar se hulumtimi është bërë në bazë të etnisë, gjinisë dhe arsimimit.

M..

Scholz në konferencë me Ramën: Besoj që procesi i dialogut Kosovë-Serbi do të përfundojë me sukses

Kancelari gjerman, Olaf Scholz beson se procesi i dialogut mes Kosovës dhe Serbisë do të përfundojë së shpejti me sukses, për të arritur një marrëveshje gjithëpërfshirëse.
Gjatë konferencës së përbashkët për shtyp me kryeministrin e Shqipërisë Edi Rama në Berlin, Scholz u shpreh se plani-franko gjerman mbështetet nga Bashkimi Evropian dhe SHBA.

Ai ka shtuar se propozimi është gjithëpërfshirës dhe “shumë i peshuar i Gjermanisë dhe Francës”.

Sipas kancelarit gjerman, propozimi “mbështetet nga BE, SHBA dhe që e gjeti pasqyrimin e tij edhe në vendimet e Këshillit Evropian në Bruksel, Në këtë kuadër, unë besoj që ky proces do të përfundojë së shpejt me sukses”.

Ndërkohë edhe Rama u shpreh se Shqipëria mbështet plotësisht planin evropian të paqes mes Kosovës dhe Serbisë si zgjidhja e vetme.

“Shqipëria, qeveria jonë, unë personalisht e mbështesim fuqimisht planin e paqes dhe normalizimit m..

Krasniqi viziton mësuesen e tij të parë: Puna nuk ka mbaruar, ata meritojnë më shumë e më mirë

Për këtë 7 mars, kryetari i PDK-së, Memli Krasniqi ka vizituar mësuesen e tij të parë për nder të Ditës së Mësuesit.
Krasniqi ka thënë se mësimdhënia nuk është vetëm profesion.

“Mësimdhënia nuk është vetëm një profesion – është një thirrje fisnike që kërkon durim, ndjeshmëri, patriotizëm dhe pasion, për t’ua përcjellë vlerat dhe virtytet më të larta gjeneratës së re”, ka thënë Krasniqi.

Në këtë aspekt, Krasniqi thotë se kontributi i mësimdhënësve tanë në frymëzimin e brezave të ri për lirinë dhe dashurinë ndaj atdheut, ka qenë vendimtar edhe në çlirimin e Kosovës.

“E tillë ka qenë edhe mësuesja ime, Igballe Haziri, të cilën, bashkë me Blerandin e vizituam sot ne ditën e saj. Është gjithmonë kënaqësi e madhe ta takoj dhe të bisedoj me të për një periudhë shumë të dashur për mua. Fjalët dhe zemra e saj nuk kanë ndryshuar asnjëherë gjatë 35 viteve të fundit. Mesazhi i saj është gjithmonë i ..

Pas SHBA-ve edhe ambasadori gjerman i reagon opozitës, ua kujton kush e solli Asociacionin

Ambasadori i Gjermanisë në Kosovë, Jorn Rohde, ka paralajmëruar opozitën që të mos e shfrytëzojë temën e Asociacionit për lojëra të brendshme politike.
Rohde u bëri thirrje partive opozitare që ta mbështesin planin franko-gjerman, duke ua kujtuar se partnerët më të ngushtë të Kosovës, qëndrojnë fuqishëm prapa këtij propozimi.

Rohde ka theksuar se Asociacioni i ka mbetur Qeverisë Kurti “trashëgimi” nga qeveritë e kaluara, që janë përbërë nga opozita e sotme.

“E di, të enjten kishte një debat parlamentar, që ka zgjatur deri pas mesnatës. I ndjek deklaratat e tyre dhe ajo që mund të them është se nuk ia vlen, pra është kot të flasë për të kaluarën, e kam fjalën për temën e diskutimit lidhur me Asociacionin e komunave serbe. Ekziston një obligim që është bartur nga qeveritë e kaluara tek kjo qeveri, pra nga qeveri të kaluara, që ishte përbërë nga opozita e sotme. Ajo qeveri e përbërë atëherë nga ..

Abdixhiku, vizitë zyrtare në Paris

Kryetari i Lidhjes Demokratike të Kosovës, Lumir Abdixhiku, me ftesë të autoriteteve franceze do të qëndrojë për vizitë zyrtare në Paris.
Në njoftimin e LDK-së thuhet se gjatë ditëve në vijim Abdixhiku do të takohet me zyrtarë institucionalë të shtetit të Francës, për të diskutuar lidhur me zhvillimet e fundit politike, dialogun dhe rrugën integruese të Kosovës në strukturat euroatlantike.

Ndryshe, kryeministri i Kosovës, Albin Kurti dhe presidenti serb, Aleksandar Vuçiq, në një takim të mbajtur më 27 shkurt kanë pranuar planin evropian në Bruksel, të titulluar “Marrëveshja drejt normalizimit Kosovë-Serbi”.

​Osmani: Mësuesit tanë janë dëshmuar në kohë shumë të vështira, ata janë heronj të dijes

Presidentja e vendit, Vjosa Osmani, ka thënë se mësimdhënësit shqiptarë janë dëshmuar në kohë shumë të vështira, andaj sipas saj ata janë heronj të dijes.
Ajo ka uruar 7 Marsin duke thënë se arsimi cilësor është bazamenti i një shteti dhe shoqërie të suksesshme.

Osmani ka shkruar se mësuesit nuk janë vetëm persona që japin dituri por mbeten edhe burim frymëzimi.

“136-vjet më parë, në Korçë nisi punën mësonjëtorja e parë shqipe, e cila trasoi rrugën e arsimit shqip gjithandej, duke luajtur rol qenësor në formimin e vetëdijes kombëtare që prej Rilindjes Kombëtare. Mësuese e mësues tanë janë dëshmuar në kohë shumë të vështira, ndaj ata janë heronj të dijes. Ata nuk janë vetëm persona që japin dituri, por edhe mentorë, udhëzues dhe burim frymëzimi. Në këtë ditë, të gjithë jemi mirënjohës për kontributin e çmuar të tyre në formësimin e të ardhmes sonë. Arsimi cilësor është bazamenti i një shteti dhe..

Nagavci uron 7 marsin: Misioni jonë mbetet këmbëngulja për të avancuar mësimdhënien

Ministrja e Arsimit, Shkencës, Teknologjisë dhe Inovacionit ka uruar 7 Marsin për të gjithë mësimdhënësit.
Ajo ka thënë se kjo është një ditë e rëndësishme e historisë kombëtare, e cila sipas saj shënon rrugëtimin e gjatë të zhvillimit të shoqërisë shqiptare. Ndërsa misioni sot, sipas Nagavcit, mbetët këmbëngulja për angazhim drejt avancimit të mësimdhënies.

Në një video-mesazh, Nagavci ka thënë se është bërë punë e jashtëzakonshme dhe përpjekje e pareshtur për të ndriçuar rrugën e brezave të tërë.

“Të dashur mësimdhënës. Po shënojmë sot një ditë të rëndësishme të historisë tonë kombëtare, 7 Marsin-Ditën e Mësuesit dhe të shkollës shqipe. Dita që simbolikisht shënon rrugëtimin e gjatë të zhvillimit dhe të avancimit të shoqërisë shqiptare. Të një pune të jashtëzakonshme dhe një përpjekje të pareshtur për të ndriçuar rrugën e brezave të tërë. Mësimdhënia mbi të gjitha është një mision, sidomos në rret..

Rriten çmimet e çajit, kafesë e shumë produkteve të tjera

Trendi i rritjes së çmimeve në Kosovë ka vazhduar edhe në ditët e para të muajit mars. Këtë e dëshmon ASK-ja përmes përditësimit të tabelave, ku tregon për çmimet mesatare të disa prej produkteve në vend.
Siç shihet në tabelën e Agjencisë së Statistikave të Kosovës (ASK), këto ditë ka pasur rritje të çmimit të makaronave, miellit, kafes, çajit dhe produkteve të tjera.

Nga 94 centë sa kushtonin 500 gram të makaronave, çmimi i tyre është rritur në 1 euro e 2 centë. Çmimi i miellit të grurit nga 3 euro e 54 centë sa ishte ditë më parë, është rritur në 3 euro e 81 centë.

Po ashtu pati rritje edhe të çmimit të kafes, nga 6 euro e 10 centë në 6 euro e 32 centë. Edhe çmimi i çajit është rritur mjaftë shumë këto ditë. 800 gram të çajit nga 9 euro e 46 centë u bënë 9 euro e 73 centë.

Çmimi i detergjentit për enë u rrit për 3 centë. Nga 2 euro e 28 centë u ngrit në 2 euro e 31 centë. Po ashtu edhe çmimi i shamponit për flok u rrit në..