Author: admin

Haradinaj: Plani evropian përfshin edhe njohjen dhe do ta ketë votën e AAK-së

Kryetari i AAK-së, Ramush Haradinaj, është shprehur i bindur se në planin evropian përfshihet edhe njohja e Kosovës, teksa ka thënë se subjekti politik që ai drejton do të votojë pro kësaj marrëveshjeje.
Tutje, ai ka thënë se koha është faktor kyç për Kosovën, e nëse marrëveshja arrihet brenda këtij muaji, do të mbahen edhe zgjedhjet e rregullta në veri, ashtu siç është paraparë.

“Besoj që pasi ka dakordim për planin, për aneksin për implementim, është në përfundim puna. Pra, pritet që në ditët që vijnë shumë shpejt që të arrihet dakordimi edhe për aneksin për implementim”.

“Me rëndësi për Kosovën është që të fitohet në kohë për shkak se nëse marrëveshja arrihet gjatë këtij muaji atëherë do të mund t’i mbajmë zgjedhjet e rregullta në veri ashtu siç është paraparë”.

Sipas Haradinajt në marrëveshjen evropiane, është edhe njohja nga Serbia.

“Nuk qëndron konstatimi se ka njohjen, e ka njohjen marrëveshja, e..

KEDS-i kërkah hiç me kërkesa: Deshi 50% shtrenjtim të rrymës, krejt tjetër çka propozuan Qeveria e Presidenca

Nga 1 prilli, qytetarët e Kosovës do të paguajnë me shumë gjasë për 14% më shumë energjinë elektrike të cilën ata e shfrytëzojnë.
Kjo pasi që rekomandimet e ZRRE-së, sygjerojnë që kjo rritje të jetë në fuqi nga muaji i ardhshëm, në përputhshmëri me situatën aktuale dhe vlerësimet e bëra të situatës aktuale të çmimeve, shkruan lajmi.net.

Por ndryshe po mendon Qeveria e Kosovës. Në komentet e dërguara në ZRRE, Qeveria thotë se barrën e tarifave të shtrenjtuara duhet ta marrin bizneset, nisur edhe nga fakti se vitin e kaluar ka pasur rritje për amvisëritë.

“Mbulimi i hendekut për HLM për 2023 të bëhet kryesisht nga bizneset: Në shqyrtimin e ndodhur vitin e kaluar, përkundër propozimeve nga MFPT por edhe nga palë tjera siç është Sekretariati i Komunitetit të Energjisë, ZRRE la të pandryshuara tarifat për bizneset, duke ndryshuar vetëm tarifat për amvisëritë me shtimin e bllokut..

Publikohet fotografia e serbit që u arrestua për krime lufte në Kamenicë

Një serb është arrestuar dje si i dyshuar për krime lufte kundër shqiptarëve.
Sipas njoftimit të Prokurorisë Speciale të Kosovës, ai dyshohet se se në mars të vitit 1999, në stacionin policor në Kamenicë, si person zyrtar, së bashku edhe me policë të tjerë serbë, fillimisht kishin rrahur “me shufra gome dhe shqelma” dhe më pas kishin torturuar “në mënyrë çnjerëzore” të dëmtuarin me iniciale B.M.

Sipas Prokurorisë, i dëmtuari kishte pësuar lëndime të rënda dhe i ishte “kanosur seriozisht jeta” gjatë dhunës së ushtruar që thuhet se ka zgjatur për një orë e gjysmë.

Po ashtu, ai dyshohet se në periudhën shkurt-mars 1999, ka marrë pjesë në “dëbimin dhe shpërnguljen me dhunë të qytetarëve të Kamenicës me rrethinë, pastaj ka filluara të bëjë plaçkitjen e shtëpive, e më pas me qëllim të dëmtimit të pronës së shqiptarëve, ai ka vënë zjarrin, si dhe ka marrë pjesë në keqtrajtimin e civilëve shqiptarë”.

Ndërkohë e ashtu..

Banesë, shtëpi, dy vetura: Kjo është pasuria e drejtorit të ri të Policisë së Kosovës

Gazmend Hoxha nga sot do të jetë Drejtor i Ri i Policisë së Kosovës. Kjo pasi që Qeveria vendosi për emërimin e tij.
Si drejtor i departamentit të operacioneve në Policinë e Kosovës, Hoxha e kishte deklaruar vitin e kaluar pasurinë e tij në Agjencinë Kundër Korrupsion, shkruan lajmi.net.

Siç shihet në deklarimin e tij në AKK, Hoxha posedon një banesë në vlerë 55 mijë euro, një shtëpi të cilës ia ka vënë vlerën 35 mijë euro si dhe tokë dhe mal në vlerë 200 mijë euro. Këto pasuri të paluajtshme, Hoxha i ka deklaruar në pronësi të përbashkët.

Tutje, Hoxha ka thënë se ka dy vetura, një në vlerë 2 mijë e 800, tjetra në vlerë 5 mijë e 500 euro.

Si para të gatshme në bankë, Hoxha ka deklaruar se ka 2 mijë e 700 euro. /Lajmi.net/

Hill: Asociacioni është test për seriozitetin ndërkombëtarë, herët për të dhënë vlerësime për takimin e radhës Kurti-Vuçiq

Ambasadori i Shteteve të Bashkuara të Amerikës në Serbi, Christopher Hill ka deklaruar se është ende herët për të vlerësuar rezultatin e takimit në mes kryeministrit të Kosovës, Albin Kurti dhe presidentit serb, Aleksandar Vuciq.
Ai theksoi se për të pasur një vlerësim, duhet pritur edhe për bisedime të reja.

“Unë mendoj se po shkon në drejtimin e duhur, por duhet të presim dhe të shohim sepse askush nuk ka rënë dakord për asgjë ende. Nuk do të doja të flas për çështje konkrete dhe afate, mendoj se është e rëndësishme që çështjet të zgjidhen, që pas 10 vitesh përfundimisht të formohet Asociacioni i Komunave me shumicë serbe dhe që shumë njerëz e shohin këtë si një test nëse Bashkësia Ndërkombëtare është seriozisht e interesuar për të zgjidhur këtë çështje dhe mund të them se është. Na duhet vetëm durim”,deklaroi Hill, transmeton lajmi.net.

Ai tha se marrëdhënie..

Zgjatet edhe për dy vjet afati për aplikim për statusin e viktimës së dhunës seksuale në luftë

Qeveria e Kosovës, në mbledhjen e 132-të, ka miratuar zgjatjen edhe për dy vjet të aplikimit për njohje të statusit të viktimës së dhunës seksuale të luftës.
Kreu i ekzekutivit, Albin Kurti, me këtë rast u bëri thirrje viktimave të dhunës seksuale në luftë që të aplikojnë dhe të realizojnë të drejtën e tyre të garantuar me ligj.

“Të mbijetuarit e dhunës seksuale kanë nevojë për drejtësi e përkrahjen tonë shoqërore për ta luftuar stigmën me të cilën ende përballen”, tha Kurti.

Mes tjerash, ai përsëriti se procesi i aplikimit është konfidencial.

Qeveria merr vendim: Çmimi i një bari do të jetë njësoj në çdo barnatore

Në mbledhjen e sotme të Qeverisë së Kosovës është marrë vendim për caktimin e çmimit tavan për barëra.
Ministri i Shëndetësisë, Arben Vitia ka deklaruar se Kosova dhe Bjellorusia nuk kanë pasur një ligj të tillë.

“Kosova tashmë po hiqet nga kjo listë. Projektligji ka për qëllim rregullimin e kostos që barnave që ajo të jetë e përballueshme dhe edhe më lirë sesa në vendet e rajonit”, është shprehur Vitia.

Tutje ai tha se “Sipas projektligjit çmimi në çdo barnatore do të jetë i njëjti”.

“Përcaktimi i çmimit krijohet nga sistemi rregullativ në Republikën e Kosovës dhe buron nga prioriteti I qeverisë për të siguruar barna të nevojshme”, ka thënë Vitia para miratimit.

Me këtë rast pa asnjë votë kundër dhe abstenim është miratuar propozim-vendimi./Lajmi.net/

Gazmend Hoxha emërohet Drejtor i Përgjithshëm i Policisë së Kosovës

Që nga muaji gusht i vitit të kaluar, Policia e Kosovës është nën drejtimin e një ushtruesi detyre.
Policia e Kosovës, si një prej institucioneve më të rëndësishme të sigurisë në vend është ishte pa Drejtor të Përgjithshëm, pas dorëheqjes që kishte bërë ish-drejtori Samedin Mehmeti.

Dorëheqja e ministrit të Punëve të Brendshme, Xhelal Sveçla, i cili pati deklaruar se ka pranuar kërkesën për dorëheqje nga Mehmeti. Madje sipas Sveçlës, dorëheqja e Samedin Mehmetit erdhi për arsye personale dhe ndërgjegje personale, pas rastit të dhunimit të 11 vjeçares në Prishtinë.

Pas gjithë kësaj, kryeministri i Kosovës, Albin Kurti në mbledhjen e sotme të Qeverisë së Kosovës ka emëruar zyrtarisht drejtorin e ri, emër ky i propozuar nga ministri i Brendshëm, Xhelal Sveçla.

Drejtori i ri i Policisë së Kosovës është Gazmend Hoxha.

Kabineti qeveritar ka miratuar propozim-vendimin për emërimin e Gazmend Hoxhës, pa asnjë votë kundër ..

Rendi i ditës në mbledhjen e Qeverisë, pritet emërimi i drejtorit të Policisë së Kosovës

Qeveria e Kosovës do të zhvillojë sot mbledhjen e radhës.
Në kuadër të mbledhjes së 132-të me radhë do të shqyrtohen disa pikë të rendit të ditës.

Në mesin e 13 pikave është edhe emërimi i drejtorit të ri të Policisë së Kosovës.

Po ashtu në këtë mbledhje do të shqyrtohet kërkesa për shpronësim për interes publik të pronave të paluajtshme të cilat preken nga projekti i zgjerimit të rrugës Kijevë-Zahaq.

Rendi i ditës:

Shqyrtimi i Propozim-vendimit për aprovimin e kritereve, kushteve për shpalljen e konkursit si dhe procedurat e aplikimit të përzgjedhjes së Projektit për Kompleksin Memorial “Adem Jashari” në Prekaz

Aprovimi i Ekstraktit të Procesverbalit dhe Transkriptit nga mbledhja e 127 dhe ekstrakteve të procesverbaleve nga mbledhjet 125 dhe 126 elektronike/korrespoduese të Qeverisë së Kosovës

Shqyrtimi i Projektligjit për ndryshimin dhe plotësimin e Ligjit Nr.04/L-054 për Statusin dhe të ..

Kush është Gazmend Hoxha, drejtori i ri i Policisë së Kosovës?

Kabineti qeveritar ka zhvilluar sot mbledhjen e radhës.
Me këtë rast, si pikë e gjashtë e rendit të ditës ishte edhe miratimi i propozim-vendimit për emërimin e drejtorit të ri të Përgjithshëm të Policisë së Kosovës.

Qeveria e Kosovës ka emëruar sot Gazmend Hoxhën, si drejtorin e ri të Policisë së Kosovës.

Kabineti qeveritar ka miratuar propozim-vendimin për emërimin e Gazmend Hoxhës, pa asnjë votë kundër apo abstenim.

Zv/ministri i Punëve të Brendshme, Bardhyl Dobra ka propozuar para kryeministrit Kurti emrin e Hoxhës, për të parin e Policisë së Kosovës.

“Në konkursin e shpallur kanë aplikuar gjithsej pesë kandidatë, katër prej tyre kanë hyrë në listë të ngushtë dhe janë ftuar për të marrë pjesë në intervistë.Pas vlerësimit profesional, ministrit të Brendshëm i janë rekomanduar tre kandidatë me vlerësimin më të lartë sipas radhës. Gazmend Hoxha, Granit Fetah dhe Bahri Shala. MPB i propozon Qeverisë z.Gazmend Hoxha. D..