Protestat kundër qeverisë Rama, qytetarët marshojnë drejt Kryeministrisë

Qytetarët janë mbledhur sërish në Tiranë në kuadër të protestave kundër qeverisë së kryeministrit Edi Rama. Në ditën e 17-të të protestës, pjesëmarrësit kanë nisur marshimin në drejtim të Kryeministrisë.

Protestuesit janë grumbulluar për të shprehur pakënaqësinë e tyre ndaj qeverisë, ndërsa marshimi po vijon drejt godinës së Kryeministrisë, në bulevardin “Dëshmorët e Kombit”.

Protesta zhvillohet në kuadër të tubimeve të njëpasnjëshme të qytetarëve, të cilët kërkojnë të bëjnë të dëgjueshme qëndrimet dhe shqetësimet e tyre.