Protesta studentore në Shqipëri zhvendoset para Kuvendit, digjet një kosh mbeturinash
Protesta e studentëve në Shqipëri, e mbajtur këtë të mërkurë, është zhvendosur para Kuvendit të Shqipërisë, pasi për disa orë demonstruesit qëndruan para objektit të Ministrisë së Arsimit.
Gjatë protestës, situata është tensionuar kur disa prej demonstruesve kanë djegur një kosh mbeturinash.
Pas kësaj, protestuesit kanë nisur marshimin drejt Kuvendit të Shqipërisë, ku po mbahet seanca plenare me diskutimet kryesore për buxhetin e vitit 2027.
Lëvizja e protestuesve drejt Parlamentit ka bërë që autoritetet të shtojnë masat e sigurisë në zonë.
Në terren janë angazhuar forca të shumta policore, ndërsa para objektit të Kuvendit është vendosur një kordon policor për të kontrolluar situatën dhe për të parandaluar incidente të mundshme.
Protesta ka nisur para Ministrisë së Arsimit, ndërsa zhvendosja e saj para Parlamentit ka përkuar me zhvillimin e seancës plenare për buxhetin e vitit të ardhshëm.
