‘Çështja bëhet serioze’ pasi dy kuaj hipën në autobusin publik në Detroit – tani janë publikuar edhe pamjet e kamerave të sigurisë

Pamjet e publikuara së fundmi nga kamerat e sigurisë tregojnë momentin kur dy kuaj hipin në një autobus të transportit publik në Detroit të SHBA-së, në një ngjarje që u bë virale në rrjetet sociale.

Ngjarja ndodhi pak ditë më parë, kur autobusi ndaloi në një stacion ku ndodheshin dy burra të ulur mbi kuaj të shaluar.

Dy kuajt u futën në autobusin pothuajse të zbrazët dhe dolën menjëherë nga dyert e pasme, ndërsa njëri prej burrave dëgjohet duke falënderuar shoferin për udhëtimin.

Pronari i kuajve, Jordan Williams, nga grupi “Urban City Cowboys”, tha se qëllimi ishte të tërhiqej vëmendja te kaubojët me ngjyrë në Detroit.

Detroit bus drivers are getting additional training after two men brought their horses onto a public bus, briefly surprising passengers and amusing the driver.Newly released security footage from November 7 shows the horses walking through the bus as the driver asks one rider if his horse is a “service animal.” “Yep,” the man replies.One of the riders was identified as a co-founder of Urban City Cowboys, a group that offers horseback riding experiences to Detroit families. The city’s transportation department said the stunt raised safety concerns for passengers and the horses. — CBS News (@CBSNews) November 13, 2026

Megjithatë, autoritetet e transportit në Detroit deklaruan se kuajt lejohen të udhëtojnë në autobusë “vetëm kur plotësohen kriteret”.

Sipas tyre, në këtë rast kuajt ishin futur për arsye të tjera dhe incidenti paraqiste rrezik për sigurinë e udhëtarëve dhe vetë kafshëve.

Departamenti njoftoi se do të ndërmarrë masa dhe do të trajnojë sërish shoferët për të shmangur raste të tilla. / Telegrafi /