TË FUNDIT

Kurti: Sivjet do të shtohet buxheti për strehimoret për viktimat e dhunës

Kryeministri i Kosovës, Albin Kurti u zotua sot se këtë vit do të shtohet buxheti për strehimoret për viktimat e dhunës.
Kështu u shpreh ai në lansimin e projektit “Përafrimi i ligjeve dhe politikave me Konventën e Stambollit”, me ç’rast, u shpreh se për vite me radhë ka qenë shqetësuese numri i grave të dhunuara.

Shefi i ekzekutivit theksoi se secila përpjekje për drejtësi hap shtigje për emancipim dhe solidaritet.

“Një hap i madh për drejtësi është rdhe ky traktat. Ne si qeveri kemi marrë përsipër obligimet që parasheh Konventa e Stambollit dhe ky angqzhim i yni mbështet në një synim që çdo vajzë të rritet, duke u ndjerë e sigurt. Përgjigje institucionale, mbrojtje dhe trajtim, shërbime të shpejta dhe cilësore si dhe llogaridhënie institucionale. Kemi mundësuar ndihmë juridike falas pavarësisht gjendjes së tyre ekonomike”, tha Kurti.

Derisa përmendi hapat e ndërmarrë, Kurti shtoi se këtë vit do të shtohet ..

Kryetari i Kamenicës mohon se ka shkurtuar orarin e punës për zyrtarët që agjërojnë

Kryetari i Komunës së Kamenicës, Kadri Rahimaj ka mohuar se kjo komunë ka marrë vendim për shkurtimin e orarit të punës për të gjithë zyrtarët që agjërojnë muajin e Ramazanit.
Gjatë ditës mediat lokale në këtë komunë kanë raportuar se komuna e Kamenicës ka shkurtuar orarin e punës për stafin e saj që agjërojnë.

Rahimaj ka thënë se asnjë vendim Zyra e Kryetarit për këtë çështje nuk e ka marrë. I njëjti shtoi se derisa nuk ka vendim për këtë çështje orari duhet respektuar.

Ndërkaq, së fundmi një vendim të tillë për shkurtimin e orarit të punës për zyrtarët që agjërojnë muajin Ramazan, ka marrë komuna e Gjilanit.

Kryetari i Komunës së Gjilanit, Alban Hyseni ka nxjerrë vendim që për muajin e Ramazanit, të gjithë zyrtarët që agjërojnë të punojnë një orë më pak.

Më vendimin e nxjerrë më 23 mars, Hyseni i ka obliguar drejtoritë që të mbajnë evidencë për stafin që agjërojnë.

Sipas vendimit, orari i punës..

Samiti i Dytë i Demokracisë në Shtëpinë e Bardhë, Osmani: Kosova ka bërë avancim të jashtëzakonshëm në avancimin e demokracisë

Presidentja Vjosa Osmani ka thënë se për Kosovën ishte dëshira e fortë për demokraci që siguroi rrugën drejt lirisë dhe pavarësisë.
Ajo, në paraqitjen e saj virtualisht në Samitin e Dytë të Demokracisë në Shtëpinë e Bardhë, ka thënë se demokracia do të hapë rrugën drejt një të ardhmeje më të ndritshme brenda institucioneve euroatlantike.

“Në vetë thelbin e saj, demokracia ka të bëjë me të drejtën për ta zgjedhur drejtimin, të ardhmen dhe fatin tuaj. Populli i Kosovës ka zgjedhur rrugën e vet. Samiti i këtij viti për Demokraci ka qenë sigurisht viti ynë i veprimit! Me forcë dhe entuziazëm të plotë kemi punuar për t`i zbatuar zotimet, të cilat i kemi përcaktuar vitin e kaluar”, ka thënë Osmani.

Deklarimi i plotë:

Demokracia është më shumë se thjeshtë një sistem qeverisjeje. Për Republikën e Kosovës, ishte dëshira jonë e fortë për demokraci që siguroi rrugën ..

Grabitja e armatosur në një argjendari në Prizren, Prokuroria ngrit aktakuzë ndaj katër personave

Prokuroria Themelore në Prizren, ka ngritur aktakuzë kundër të pandehurve L.L., A.A., E.G., dhe E.Sh., për shkak të dyshimit të bazuar se kanë kryer veprat penale “Grabitja në tentativë”, “Shkaktimi i rrezikut të përgjithshëm”.
“Mbajtja në pronësi, kontroll ose posedim të paautorizuar të armëve”, “Grabitja”, “Asgjësimi apo dëmtimi i pasurisë” dhe “Dhënia e ndihmës kryesve pas kryerjes së veprave penale” sipas Kodit Penal të Republikës së Kosovës (KPRK).

“Sipas aktakuzës, të akuzuarit L.L, A.A dhe E.G., me dashje ndërmarrin veprime për kryerjen e veprës penale të grabitjes, por vepra penale nuk është kryer tërësisht, në atë mënyrë që me datë 15.11.2021, rreth orës 17:02 minuta, në rrugën ”Adem Jashari”, në Prizren, duke vepruar në grup të armatosur dhe të maskuar me maska në kokë dhe dorëza në duar, përdorin forcën që rezulton me lëndim të rëndë dhe të lehtë trupor, asisoj që i pandehuri..

Kurti: Ekziston një marrëveshje dhe është e qartë, fjala urgjencë në të bie pikërisht tek çështja e të pagjeturve

Kryeministri i vendit, Albin Kurti është deklaruar sërish në lidhje me marrëveshjen e arritur me Serbinë, në kuadër të dialogut.
Ai tha se takimi i radhës që do të zhvillohet në Bruksel, e që është në kuadër të kryenegociatorëve do të ketë për qëllim diskutimin e çështjes së zbatimit të kësaj marrëveshje.

“Takimi në javën e parë të prillit që do të mbahet në Bruksel, s’do të jetë takim ndërmjet meje dhe presidentit serb, por ndërmjet kryenegociatorëve. Me 4 prill në Bruksel do të diskutojnë çështjen e zbatimit të marrëveshjes, që tashmë është dakorduar pra ka marrëveshje, ekziston marrëveshja ajo është shumë e qartë dhe publike për të gjithë dhe kemi nevojë për zbatim të saktë dhe të shpejtë të saj, prandaj edhe do të organizohet një takim ndërmjet kryenegociatorëve. Nga ana e Kosovës është zv/kryeministri Besnik Bislimi”,tha Kurti, shkruan lajmi.net.

Tutje ai shtoi se ..

Pjetër Shala kërkon që dëshmitarët të dëgjohen në seanca publike

Avokati mbrojtës i Pjetër Shalës, Jean-Louis Gilissen, ka kërkuar që seancat në këtë proces gjyqësor të jenë sa më shumë publike. Sipas tij, një gjykim duhet të publik për të qenë i drejtë, por duke mos përjashtuar kujdesin e sigurisë për të dhënat identifikuese të dëshmitarëve.
Në fillim të seancës, Gilissen ka folur rreth vendimit të Shalës për të mos marrë pjesë fizikisht në gjykatore dhe sipas tij një gjë e tillë po ndodh për shkak se pjesa më e madhe e dëshmive po mbyllen për publikun.

Sipas tij, Pjetër Shala kishte kontaktuar të martën me disa të njohur në Belgjikë e të cilët kishin thënë se nuk po kuptojnë asgjë nga ajo çfarë po ndodh në sallën e gjyqit, për shkak të dëshmia po dëgjohet në seancë private.

“E takova dje në mbrëmje në objektin e paraburgimit, ishte shumë e vështirë të flisje me të, dhe dje humbëm, Shala nuk e ndoqi seancën, mund të them që sistemi gjyqësor po ashtu e humbi zotin Shala, është e dë..

Zgjedhjet në veri, frikë për tensione dhe pjesëmarrje të ulët të qytetarëve

Mbajta e zgjedhjeve në katër komunat veriore më 23 prill ka ngjallur frikë për krijimin e tensioneve të reja, përkundër gatishmërisë së institucioneve të Kosovës për të ofruar një proces zgjedhor të qetë dhe pa incidente.
Mospjesëmarrja e Listës Serbe në zgjedhje po konsiderohet si mundësi që strukturat paralele në veri të pengojnë procesin zgjedhor dhe t’iu bëjnë trysni qytetarëve që mos të dalin në zgjedhje.

Pavarësisht mundësive për kontestim të legjitimitetit të procesit zgjedhor në veri, pushteti dhe opozita e shohin të domosdoshme mbajtjen e këtyre zgjedhjeve, sidomos pas përkrahjes së shteteve të QUNIT-it. Mirëpo, monitoruesit e proceseve zgjedhore, ngrehin shqetësime se mund të ketë pengesa të organizimit të zgjedhjeve ne qendrat e votimit nga zyrtarët serbë lokalë atje. Në anën tjetër, nga Komisioni Qendror Zgjedhor, nuk kanë treguar nëse ka pengesa teknike për organizimin e zgjedhjeve në veri dhe s..

Bislimi dhe Petkoviq takohen më 4 prill në Bruksel

Takimi i kryenegociatorëve të Kosovës dhe Serbisë, është caktuar për të martën, 4 prill, kanë konfirmuar zyrtarët e Bashkimit Evropian.
Zëvendëskryeministri i Kosovës, Besnik Bislimi dhe shefi i Zyrës për Kosovën në Qeverinë e Serbisë, Petar Petkoviq, do të shkojnë javën e ardhshme në Bruksel për të “diskutuar për hapat e ardhshëm në zbatimin e Marrëveshjes për rrugën drejt normalizimit të marrëdhënieve ndërmjet Kosovës dhe Serbisë”, kanë thënë zyrtarët evropianë.

Të hënën, më 28 mars, zëdhënësi i BE-së, Peter Stano, ka thënë se ky takim do të organizohet me ftesë të ndërmjetësuesit të dialogut, Miroslav Lajçak.

Takimi i negociatorëve kryesorë është i pari pas takimit në Ohër, ku kryeministri i Kosovës, Albin Kurti, dhe presidenti serb, Aleksandar Vuçiq, kanë arritur pajtueshmëri për zbatimin e Marrëveshjes për normalizim të marrëdhënieve.

Kurti dhe Vuçiq janë pajtuar për tekstin e Marrëveshjes për normalizim të marrëdhënieve, më ..