TË FUNDIT

​Shtatë vjet nga hyrja në fuqi e MSA-së ndërmjet BE-së dhe Kosovës

Sot mbushen shtatë vjet nga hyrja në fuqi e Marrëveshjes për Stabilizim Asociim ndërmjet Bashkimit Evropian dhe Republikës së Kosovës.
Marrëveshja është kulmi i përpjekjeve dhe përkushtimit në agjendën evropiane të më shumë se një dekade e gjysmë të institucioneve të Kosovës, dhe të njëjtën kohë paraqet një fillim të ri që i hap rrugë, përshpejton dhe e përforcon procesin të integrimit evropian me qëllim të anëtarësimit në BE.

Kjo ishte marrëveshja e parë kontraktuale midis BE-së dhe Kosovës, e cila u nënshkrua më 27 tetor 2015 dhe ka marrë pëlqimin e Parlamentit Evropian dhe është ratifikuar në Kuvendin e Kosovës. Marrëveshja hyri në fuqi më 1 prill 2016.

MSA sjell dobi të shumta që prekin rrafshet politike, ekonomike, të përafrimit të legjislacionit, që si rezultat do të përmirësojnë institucionet, dhe mjedisin e biznesit, dhe do të ndikojnë edhe në mirëqenien e të gjithë qytetarëve.

Sa i përket pjesës politike, ..

Parashikimi i motit për sot

Sipas Instituti Hidrometeorologjik të Kosovës, dita e shtunë parashihet të mbajë me mot me diell dhe vranësira të çrregullta. Vranësirat gjatë ditës parashihen të shoqërohen me reshje shiu dhe vende-vende edhe me shkarkime rrufesh.
Temperaturat do të shënojnë rritje sidomos në vlerat e minimaleve, derisa ato maksimalet priten të jenë tipike pranverore. Gjithashtu edhe presioni atmosferik do të ulet dukshëm nën vlerat e normales.

Të dielën parashihet të mbajë mot kryesisht i vranët por nuk do të mungojnë edhe intervalet me diell. Vranësirat vende-vende parashihen të sjellin riga shiu. Në fushat termike nuk do të ketë ndryshime, kryesisht në vlerat e temperaturave maksimale, ndërsa minimalet do të shënojnë ulje për 3-5 gradë celsius.

Gjatë këtyre dy ditëve parashihet të fryjë erë nga drejtimi i juglindjes me shpejtësi 1-12m/s.

​Prej sot shtrenjtohet energjia elektrike

Bordi i Zyrës së Rregullatorit për Energji (ZRrE) ka miratuar në mbledhjen e fundit tarifat e reja të energjisë elektrike, që do të jenë më të shtrenjta për 15.4 për qind.
Këto tarifa hyjnë në fuqi sot (e shtunë) dhe do të jenë të vlefshme deri më 31 mars të vitit 2024.

ZRrE nuk ka treguar se sa do të jetë çmimi i një kWh (kilovati) energji në tarifën e lartë dhe të ulët. Nga ky institucion kanë premtuar se tarifat do të publikohen në ueb faqe por një gjë e tillë ende nuk ka ndodhur.

Konsumatorët që konsumojnë 300 kWh rritja do të jetë 2.88 euro, prej 450 kWh fatura mujore do të rritet 4.18 euro. Ata që konsumojnë 600 kWh do të paguajnë 5.49 euro më shumë, ndërsa konsumatorët që harxhojnë deri 800 kWh rritja e faturës do të jetë 7.23 euro.

Për konsumatorët që shpenzojnë 1000 kWh do të paguajnë 10.51 euro më shumë dhe ata që harxhojnë 1200 kWh do të paguajnë 13.8 euro më tepër.

Rritjen e tarifave është arsyetuar me shmangien e reduktimeve ..

Arrestohen katër familjarë në Kamenicë, u rrahën për çështje pronësore

Katër persona janë arrestuar në Kamenicë, për shkak se dyshohet se janë përleshur fizikisht mes vete për çështje pronësore.
Të dyshuarit, të cilët janë familjarë në mes vete, dyshohet se kanë përdorur edhe mjete të forta gjatë përleshjes, shkruan lajmi.net.

Si pasojë e kësaj, të dyshuarit kanë pësuar lëndime dhe kanë pranuar tretman mjekësor.

Pas trajtimit, katër burrat janë dërguar në mbajtje. /Lajmi.net/

Ngjarjet e ditës së sotme në Kosovë

Lajmi.net ju sjell ngjarjet e ditës së sotme:
Dy ideatorët e platformës “Liria ka emër”, Ismail Tasholli dhe Eliza Hoxha mbajnë konferencë për media. (Hotel Sirius, Prishtinë, ora 13:00)

Federata Atletike e Kosovës, Klubi Atletik “Blinaja” në mbështetje të Kuvendit komunal të Lipjanit dhe familjes së heroit “Haradin Bajrami” organizon garën “Vrapimi shtigjeve të heroit – Haradin Bajrami”. (Shtigjet e ecjes mbrapa ETC-së, Lipjan, ora 17:00)

Gara e Kompozitorëve të Ballkanit do ta hap edicionin e 3-të të shtunën mbrëma me programin e koncerteve. Dyshja Daniela la Luz (elektronikë) dhe Natyra Elezi (piano) do të hapin këtë edicion i cili organizohet nga DAM Festival (Kosovë) dhe NEC (Zvicër). (Atelieja e Pallatit të Rinisë dhe Sportit në Prishtinë, ora 20:00)

Chollet takohet me Gjuriqin, ia përsërit rëndësinë e zbatimit të marrëveshjes së Ohrit

Këshilltari special në Departamentin Amerikan, Derek Chollet, ka bërë të ditur se sot është takuar me ambasadorin serb në ShBA, Marko Gjuriq.

Chollet përmes një shkrimi në llogarinë e tij në Twitter, ka thënë se gjatë takimit kanë folur për rëndësinë e implementimit të zotimit për marrëveshjen që u arrit në Ohër.

Kjo sipas Chollet, është mënyra që të shënohet progres në rrugën e Serbisë drejt BE-së.

Po ashtu, zyrtari i lartë amerikan ka thënë së ka falenderuar Serbinë edhe për mbështetjen e Ukrainës.

“E mrekullueshme të takosh ambasadorin Marko Gjuriq, me të cilin sot bisedova mbi rëndësinë e zbatimit të zotimit për marrëveshjen e BE-së në Ohër, në mënyrë që të shënohet progres në ambiciet serbe drejt BE-së. Falënderova Serbinë për mbështetjen e Ukrainës.” – tha ai.

Great to see 🇷🇸 Amb @markodjuric today and discuss the importance of implementing EU Agreement commitments from Ohrid to advance ..

Senatori amerikan, Murphy: Marrëveshja s’është pa rrezik, por ky rrezik ia vlen të ndërmerret

Senatori amerikan, Chris Murphy ka thënë se kryeministri i Republikës së Kosovës, Albin Kurti dhe presidenti serb, Aleksandar Vuçiq ka bërë lëvizje të zgjuar duke arritur marrëveshje në Ohër.

Sipas tij, kjo marrëveshje mund të ketë rrezik politik, por është rrezik që ia vlen të përmendet, përcjell lajmi.net.

Në një intervistë dhënë Zërit të Amerikës, senatori shtoi se ka kaluar shumë kohë në Ballkan dhe thotë se ky rajon është shumë i rëndësishëm për Shtetet e Bashkuara të Amerikës.

“Mendoj se është një marrëveshje shumë e rëndësishme. Kam kaluar shumë kohë në Ballkan. Unë mendoj se është një rajon tepër i rëndësishëm për Shtetet e Bashkuara. Është një rajon ku nuk mund ta marrim paqen si të mirëqenë. Kam kaluar shumë kohë me Albin Kurtin dhe Aleksandar Vuçiçin dhe të dy kanë bërë, mendoj, lëvizje shumë të rëndësishme për normalizimin e marrëdhënieve mes dy vendeve.

Marrëveshja nuk ësht..

Faton Peci: Rrëzimi i Osmanit mund të jetë skenar i Serbisë

Ministri i Bujqësisë, Faton Peci, ka thënë se zërat e fundit për rrëzimin e Osmanit mund të jenë të orkestruara nga Serbia.
Këto deklarime i bëri sonte në T7, ndërsa shtoi se me këtë skenar synohet destabilizimi institucional i vendit, përcjell lajmi.net.

Tutje, njëri prej drejtuesve të Listës GUXO potencoi se kjo ka bëjë me mosgatishmërinë e Serbisë për të respektuar marrëveshjen e Ohrit dhe do të synojë çdo opsion të mundshëm për të krijuar çarje.

“Me këtë skenar synohet të krijohet një destabilitet institucional në Kosovë dhe lidhet me marrëveshjen e fundit në Ohër. Kjo marrëveshje nuk është e shkëlqyer, sic tha Kryeministri, por Beogradi zyrtar është në një ngërç.

Ky skenar mund të vijë edhe nga jashtë Kosovës. E thashë, atje ekziston një ngërç i madh në Serbi. Nuk ka vullnet te pala serbe që të zbatohet kjo marrëveshje”, tha veç tjerash Peci.

Në mesnatë nis heshtja zgjedhore në Mal të Zi

Në Mal të Zi, në mesnatë fillon heshtja zgjedhore, në prag të rundit të dytë të zgjedhjeve presidenciale, që do të mbahet të dielën, më 2 prill. Ajo është në fuqi deri në mbylljen mbylljen e qendrave të votimit, të dielën në orën 20:00.

Gjatë asaj periudhe është i ndaluar prezantimi mediatik i kandidatëve presidencialë, reklamimi politik, publikimi i vlerësimeve të rezultateve të votimit, sloganet apo simbolet e kandidatëve dhe rezultatet e sondazheve të opinionit publik, shkruan REL.

Në garën zgjedhore janë dy kandidatë për presidentë, të cilët fituan më shumë vota në raundin e parë zgjedhor të 19 marsit – kandidati i Partisë Demokratike të Socialistëve të Malit të Zi, Milo Gjukanoviq dhe Jakov Milatoviq, kandidati i Lëvizjes Evropa tani.

Këto janë zgjedhjet e katërta presidenciale që nga ripërtëritja e pavarësisë së Malit të Zi dhe të shtatat që nga futja e sistemit shumë-partiak, përcjell KosovaPress.

Të drejtë vote në rundin e dy..