TË FUNDIT

DASH: Propozimi i BE-së, mundësi për popullin e Kosovës dhe atë të Serbisë

Departamenti amerikan i Shtetit, ka thënë se propozimi i Bashkimit Evropian për normalizimin e marrëdhënieve në mes të Kosovës dhe Serbisë paraqet mundësi për popujt e të dyja vendeve, për të rritur sigurinë dhe stabilitetin në Ballkanin Perëndimor.
Duke cituar bllokun evropian, një zëdhënës i Departamentit amerikan të Shtetit ka thënë për Radio Evropa e Lirë se pranimi i kësaj marrëveshjeje do të përshpejtonte rrugën e të dyja shteteve në BE.

“Pranimi i kësaj marrëveshjeje do të ndihmojë në avancimin e qëllimeve tona kyçe për rajonin e Ballkanit Perëndimor përfshirë arritjen e paqes dhe stabilitetit për të gjithë njerëzit në rajon”.

Këshilltari i lartë i këtij departamenti, Derek Chollet, ka thënë një ditë më parë se Shtetet e Bashkuara presin përparim të dukshëm në takimin që do të zhvillohet të hënën në mes të kryeministrit të Kosovës, Albin Kurti dhe presidentit serb, Alekesandar Vuçiq, nën ndërmjetësimi..

Mësohet çfarë e shkaktoi zhurmën e mbrëmshme në Prishtinë

Mbrëmë gjatë natës në Prishtinë është dëgjuar një zhurmë e madhe, e cila kishte ngjallur reagime të shumta të banorë të kryeqytetit.
Gjithashtu, janë shpërndarë edhe disa videot ku dëgjohen këto zhurma.

Lajmi.net mëson se këto zhurma kanë ardhur nga një avari në njërën nga termocentralet e Korporatës Elektroenergjetike të Kosovës.

Një zyrtar i KEK’ ut ka treguar se rreth orës 00:00 ka pasur një prishje në Termocentralin B dhe si shkak i saj ka ndodhur shpërthimi i metanit.

“Rreth ores 00:00 ka ndodhur shpërthim i metanit në Termocentralin Kosova B. Këto avari ndodhin shpesh, por kësaj radhe ka shpërthy”, ka thënë punëtori i KEK-ut për lajmi.net.

Nga ky shpërthim nuk ka pasur asnjë të lënduar, sepse nuk kishte asnjë njeri afër.

Po ashtu, është shprehur se nuk është hera e parë që ndodhin shpërthime të tilla, por jo në këtë masë./Lajmi.net/

Vrasje në tentativë në Prishtinë

Një burrë ka raportuar në Policinë e Kosovës, se një njeri i panjohur ka shtënë në drejtim të tij tri herë.
Rasti ka ndodhur të premten në Prishtinë, përcjell lajmi.net.

PK njofton se njësitë relevante policore kanë dalur në vendin e ngjarjes ku kanë gjetur dhe sekuestruar 3 (tre) gëzhoja.

Njoftimi i plotë:

VRASJE NË TENTATIVË

Rr. Hilmi Rakovica, Prishtinë, 24.02.2023 – 22:50.Viktima mashkull kosovar ka raportuar se një i dyshuar, deri më tani i panjohur, ka shtënë 3 (tre) herë me armë zjarri në drejtim të viktimës por i njëjti nuk ka pësuar lëndime. Njësitë relevante policore kanë dalur në vendin e ngjarjes ku kanë gjetur dhe sekuestruar 3 (tre) gëzhoja. Në lidhje me rastin është konsultuar prokurori i shtetit, rasti vazhdon të hetohet./Lajmi.net/

Sot shqyrtohen emrat për guvernator të BQK-së

Komisioni për Buxhet, Punë dhe Transfere, në mbledhjen që do të mbajë sot, e hënë, do të shqyrtojë listën e kandidatëve për pozitën e guvernatorit të Bankës Qendrore të Kosovës (BQK).
Paneli për përzgjedhjen e guvernatorit të ri kishte intervistuar më 25 janar 2023 kandidatët dhe në fillim të shkurtit, emrat e 4 prej tyre i kishte dërguar në Qeveri dhe Kuvend.

Sipas BQK-së, pas përfundimit të veprimeve procedurale, kandidatët e vlerësuar më së miri janë: Ahmet Ismaili, Nexhat Kryeziu, Lulzim Ismajli e Shkëndije Himaj.

Nga paneli intervistues, Ismaili ishte vlerësuar me 35.3 pikë nga 40 pikët maksimale, ndjekur nga Kryeziu me 34 pikë; zëvendësguvernatori aktual, Ismajli, ka marrë 33 pikë dhe Himaj është vlerësuar me 26 pikë.

Guvernatori do të zgjidhet për një mandat pesëvjeçar dhe pritet të fillojë punën më 29 mars 2023.

Në bazë të Ligjit për BQK-në, guvernatori si kryeshef ekzekutiv i këtij institucioni është pjesë e Bordit dhe kryesu..

Aksident afër QKUK-së, rrokulliset njëra nga makinat (FOTO)

Një aksident trafiku ka ndodhur mbrëmë në mesnatë në Prishtinë.
Aksidenti raportohet të ketë ndodhur në afërsi të Qendrës Klinike Universitare të Kosovës, përcjell lajmi.net.

Nuk dihet nëse ka të lënduar nga ky aksident.

Deri më tani nuk kemi detaje tjera nga ana e policisë.

Mirëpo nga pamjet që ka siguruar lajmi.net, shihet se njëra nga veturat është rrokullisur dhe është në gjendje të keqe.

Lajmi.net do të ju mbajë të informuar edhe në vazhdim./Lajmi.net/

IHK paralajmëron se në disa zona mund të ketë vërshime të shpejta

Instituti Hidrometeorologjik i Kosovës ka njoftuar se reshjet e intensitetit të ulët të cilat kanë filluar gjatë ditës së djeshme, në pjesën perëndimore dhe jugore, gradualisht do të përfshijnë pjesën më të madhe të vendit, ku si pasojë gjatë ditës së sotme, nëpër disa zona të lokalizuara mund të paraqiten vërshime të shpejta.
Sipas institutit, situatë më e ngarkuar parashihet të jetë në pjesën perëndimore të vendit, kryesisht në sistemet e lumenjve, Klina, Lumi Istogut, Drini Bardhë (rrjedha e sipërme), Bistrica e Pejës, Deçanit, Ereniku, dhe në lindje, pellgu Morava e Binçës.

“Nga këto prognoza fillimisht meteorologjike me reshje e pastaj hidrologjike me mundësi vërshime në interval afatshkurtër nga shiu plus shkrirja e borës nga zonat e larta malore (derisa bora e re të fillojë të bjerë), problemet lokale janë të mundshme sidomos rrëshqitje dhe shembje të tokës. Pjesa Perëndimore: probabiliteti për të tejkaluar një..

Pesë të lënduar nga aksidenti i mbrëmshëm në Prishtinë, policia jep detaje

Lajmi.net ka raportuar për një aksident i cili ka ndodhur mbrëmë në Prishtinë.
Lidhur me këtë rast lajmi.net ka kontaktuar me policinë, të cilët kanë dhënë detaje të reja rreth aksidentit.

Në aksident ishin të përfshira 2 automjete dhe kanë mbetur të lënduar pesë persona.

“Rreth orës 00:20 kemi pranuar informatën se në rrugën ” Fehmi Lladrovci” në Prishtinë, ka ndodhur një aksident trafiku me lëndime. Në këtë aksident kanë qenë të përfshira dy automjete. Si pasojë e aksidentit lëndime trupore kanë pësuar pesë persona, të cilët janë dërguar për trajtim mjekësor.”, ka thënë zëdhënësja e policisë në rajonin e Prishtinës, Flora Ahmeti.

Me rastin është duke u marrë njësiti i trafikut./Lajmi.net/

Rrahje në Podujevë, arrestohen tre persona

Janë arrestuar tre persona të cilët janë përfshirë në një rrahje, mbrëmë në Podujevë.
Nga kjo përleshje ka mbetur i lënduar një person, i cili ka pranuar trajtim mjekësor, përcjell lajmi.net.

Rastin për lajmi.net e ka bërë të ditur zëdhënësja e Policisë për Rajonin e Prishtinës, Flora Ahmeti.

“Mbrëmë rreth orës 18:00, kemi pranuar informatën për një rrahje në Podujevë, ku kanë qenë të përfshirë tre persona. Në këtë rast është lënduar një person, i cili ka pranuar trajtimit të nevojshëm mjekësor. Lidhur me rastin, sot rreth orës 01:00, në stacion policor janë shoqëruar tre personat e përfshirë.”, ka thënë Ahmeti.

Të dyshuarit pas intervistimit nga ana e policisë, me vendim të prokurorit janë dërguar në qendrën e mbajtjes për veprat sulm dhe lëndim trupor./Lajmi.net/