TË FUNDIT

Petkoviq nga Brukseli: Kurti po mundohet në mënyra të ndryshme që ta shmangë formimin e Asociacionit

Drejtori i Zyrës serbe për Kosovën, Petar Petkoviq është deklaruar për takimin në Bruksel.
Siç tha ai për TV Pink “kryeministri i Kosovës, Albin Kurti po mundohet në mënyra të ndryshme që ta shmangë obligimin për formimin e Asociacionit të Komunave me shumicë serbe dhe se për këtë momentalisht po thyhen shtiza”.

Këto deklarata ai i bëri nga Brukseli në pauzën pas takimit në mes të kryediplomatit evropian, Josep Borrell dhe presidentit të Serbisë, Aleksandar Vuçiq, përcjell Kosovo Online.

“Kurti po përpiqet në çdo mënyrë të shmangë detyrimin për formimin e Asociacionit. Ai e bën atë në mënyra të ndryshme dhe me truke të ndryshme. Presidenti Vuçiq po lufton dhe po insiston në Asociacion, sepse është obligim i Prishtinës që ekziston për 10 vjet”, ka theksuar ai.

Nikaj për zhvillimet në Bruksel: Dialogu mund të zgjasë edhe 10 vite

Sekretari për Marrëdhënie Ndërkombëtare i Partisë Demokratike të Kosovës, Bernard Nikaj, ka thënë se nënshkrimi i planit franko-gjerman nënkupton se dialogu do të vazhdojë.
Sipas tij ky proces i dialogut mund të zgjasë edhe për 10 vitet e ardhshme. Ai në T7, ka thënë se në këtë plan nuk ka ndonjë gjë konkrete.

“Është e qartë se dialogu do të vazhdojë edhe pas nënshkrimit të këtij si dhe nënkupton se Kosova do të tërhiqet nga kërkesa për njohjen e ndërsjellt”, ka thënë ai.

Ai po ashtu ka kritikuar kryeministrin Albin Kurtin për “mos bashkëpunimin” me SHBA-të dhe BE-në.“Unë mendoj që sikur të kishte një bashkëpunim më të mirë marrëveshja kurdo që do të arrihej do ta kishte njohjen reciproke në qendër”, ka thënë ai.

Sipas tij tashmë Asociacioni është në qendër e jo njohja.Nikaj po ashtu ka thënë se Kurti nuk ka dhënë asnjë garancë për përfitimet e Kosovës nëse e pranon planin franko-gjerman.

Publikohet fotografia e parë nga takimi i sotëm i Kurtit me Vuçiq

Kryeministri i Kosovës, Albin Kurti dhe presidenti serb Aleksandar Vuciq janë takuar sot në Bruksel, në kuadër të dialogut Kosovë-Serbi.
Kurti dhe Vuçiq kanë zhvilluar takimin e tyre në Bruksel në prani të ndërmjetësuesve të Bashkimit Evropian, Joseph Borrell dhe Miroslav Lajcak.

Në Bruksel sot po qëndron dhe emisari amerikan, Gabriel Escobar, i cili vazhdimisht është marrë nga afër me dialogun Kosovë-Serbi.

Deri më tash nuk ka ndonjë deklarim për mediat në lidhje me takimet e njëpasnjëshme sot në Bruksel./Lajmi.net/

REUTERS/Johanna Geron

REUTERS/Johanna Geron

Borrell flet për takimet e sotme në Bruksel, thotë se pret qasje konstruktive nga Kurti dhe Vuçiq

Përfaqëuesi i Lartë i Bashkimit Evropian, Joseph Borrell është deklaruar në lidhje me takimet e sotme në Bruksel.
Duke mos dhënë shumë detaje, Borrell tha se i uroi mirëseardhje kryeministrit Kurti dhe presidentit serb, Aleksandar Vuciq në Bruksel, në kuadër ta takimit të nivelit të lartë të dialogut Kosovë-Serbi.

“Kam mirëpritur në Bruksel kryeministrin Albin Kurti, dhe presidentin Aleksandar Vuçiq, në takimin e nivelit të lartë të dialogut Prishtinë-Beograd. Në agjendë: propozimi i BE-së për normalizimin e marrëdhënieve. Shpresoj që të dyja palët të kenë një qasje konstruktive”, shkroi ai në Twitter.

I njëjti nuk dha detaje shtesë në lidhje me takimet e sotme, por pritet që Borell më pas t’u drejtohet mediave dhe të tregojë se cfarë saktësisht u vendos në kuadër të takimit të sotëm./Lajmi.net/

I welcomed President @predsednikrs and Prime Minister @albinkurti in Brussels for a high l..

Vuçiq deklarohet nga Brukseli: Faleminderit të gjithëve

Derisa në Bruksel vazhdojnë zhvillimet në kuadër të dialogut Kosovë-Serbi, presidenti serb Aleksandar Vuciq ka falënderuar serbët.
Pas takimit ndaras që ka pasur me përfaqësuesit e BE-së, Joseph Borrell dhe Miroslav Lajçak, Vuçiq falënderoi qytetarët serbë për përkrahjen që sipas tij i kanë dhënë delegacionit serb në Bruksel.

“Faleminderit të gjithëve që kanë besim në udhëheqjen e tyre shtetërore dhe që besojnë se do të bëjmë më të mirën për vendin tonë”, ka shkruar Vuçiq në Instagram./Lajmi.net/

Murati: Nuk duhet bërë politikë me çështjen e veteranëve

Ministri i Financave, Punës dhe Transfereve, Hekuran Murati ka deklaruar se numri në skemën e asistencës sociale është në rënie, por sipas tij kjo nuk reflekton domosdoshmërisht situatën aktuale në teren.
Ai ka raportuar në Komisionin për Shëndetësi ku thënë se synojnë që përmes reformës pensionale të ketë zgjerim dhe mbështetje shtesë për këtë kategori.

“Kategoria e parë ka të bëjë me familjet që kanë fëmijë nën moshën 5 vjeç, pra familje të varfëra që është ai kriteri edhe këtu diskriminues dorën në zemër, që thuhet se duhet të kenë fëmijë nën moshën 5 vjeç që të përfitojnë pra numri i familjeve që kanë fëmijë nën moshën 5 vjeç po shkon duke u zvogëluar dhe në anën tjetër kategoria tjetër është familjet që ndoshta nuk e plotësojnë kriterin e parë por nuk kanë asnjë anëtar të aftë për punë. Tash edhe këtu në bazë të komisioneve mjekësore që kanë bërë ka pasur edhe raste që kanë identifikuar që jo domosdo disa prej familjeve q..