TË FUNDIT

Parashikimi i motit për sot

Instituti Hidrometeorologjik i Kosovës ka njoftuar se sot do të mbajë mot kryesisht i vranët dhe me intervale me diell.
Sipas institutit, vranësirat vende-vende mund të sjellin riga shiu të intensitetit të dobët, ndërsa në viset malore reshjet parashihen të jenë të intensitetit mesatar.

Temperaturat minimale pritet të sillën ndërmjet -1 dhe 1 gradë Celsius, ndërsa ato maksimale ndërmjet 10 dhe 12 gradë Celsius.

“Parashihet të fryjë erë nga jugu dhe juglindja me shpejtësi 1-9m/s”, thuhet në njoftim.

Sheshi në Skenderaj nën ngjyrat e flakës

Sheshi ynë “Adem Jashari” nën ngjyrat e flakës, si simbolikë e netëve të 5, 6 e 7 marsit të vitit 1998
Kështu ka shkruar kryetari i Komunës së Skenderajt, Fadil Nura, i cili ka shkruar në Facebook se ky është kujtim i pavdekshëm.

Krahas pagave e mëditjeve, deputetët shpenzuan edhe 16 mijë e 140 euro për mbushje telefoni

Pos pagës, deputetët e anëtarët e tjerë të Kuvendit, marrin edhe shtesa për shërbime të ndryshe.
Vetëm për shërbime telefoni, sipas një liste të shpenzimeve të siguruar nga TV Dukagjini, gjatë vitit të kaluar janë shpenzuar mbi 16 mijë euro.

Qytetarëve kjo shumë u duket e tepruar, derisa tregojnë se sa shpenzojnë ata mesatarisht për telefon.

Nga 80 euro mbushje telefoni i kishin shkuar në janar e shkurt, por pas këtij muaji, kryetari i Kuvendit Glauk Konjufca, nuk ishte kompensuar asnjë cent për thirrjet e mesazhet e tij.

Por kolegë të tij, për çdo muaj kanë vazhduar të marrin mbushje telefonike.Për shembull, Mimoza Kusari-Lila, për çdo muaj ka marrë nga 60 euro për telefon, duke qenë anëtare e kryesisë së Kuvendit, sikur janë kompensuar edhe kolegët e saj Abelard Tahiri nga PDK, Arben Gashi nga LDK dhe Besnik Tahiri nga AAK dhe Enis Kervan nga grupi parlamentar Multietnik.

Në total, secil..

Rrëfimi i Valdet Jasharit, më 1998 humbi 11 anëtarë të familjes, derisa vetë mbeti me 11 plagë në trup

Dëshmi në trup bart edhe një pjesëtar i FSK-së, i cili është nga Prekazi dhe pjesëtar i familjes Jashari. Valdet Jashari, i cili për 25 vjet veshi uniformë ushtarake, në ofensivën e 5, 6 dhe 7 marsit të vitit 1998 humbi 11 anëtarë të familjes, derisa vetë mbeti me 11 plagë në trup.
Ai rrëfen takimin e fundit me komandantin Adem Jashari. Për 25 vjet, veshi disa uniforma ushtarake. Fillimisht atë të UÇK-së, pastaj të TMK-së e tani vazhdon me uniformën e Ushtrisë së Kosovës, atë të FSK-së.

Valdet Jashari nga Prekazi në trup ka edhe 11 plagë që i mbetën nga ofensiva e 5, 6 dhe 7 marsit nga e cila iu vranë edhe 11 anëtarë të familjes.

Ai rrëfen këtë ofensivë dhe takimin e fundit me komandantin Adem Jashari më 4 mars të vitit 1998.

“Tha isha me i pa te plagosurit që janë plagos me 27 shkurt në luftën e Likoshanit dhe Qirezit, aty komandanti na dha armatim e municion që ia kishin dhënë ..

Ish-zëdhënësi i NATO-s: Asociacioni mund të bëhet pa e rrezikuar sovranitetin e vendit

Me datën 27 shkurt në Bruksel, delegacioni kosovar dhe ai serb u pajtuan për një marrëveshje të mbështetur nga Bashkimi Evropian, që ka për synim normalizimin e raporteve mes të dyja vendeve.
Ish-zëdhënësi i NATO-s gjatë luftës në Kosovë, Jamie Shea, vlerëson se kjo është një marrëveshje shumë e rëndësishme për të ardhmen e të dyja vendeve.

Megjithatë ai thotë se duhet pritur për formën se si do të gjejë zbatim kjo marrëveshje.

“Unë mendoj se është një marrëveshje shumë e mirë për të dyja palët për të ecur para. Shtetet do të respektojnë në mënyrë reciproke dokumentet, simbolet kombëtare, dhe integritetin territorial. Një tjetër element shumë i rëndësishëm i kësaj marrëveshje është e drejta për vetëvendosje, kjo pikë veçanërisht është shumë e rëndësishme për Kosovën. Edhe në aspektin ekonomik parashihet që Kosova dhe Serbia të ndërveprojnë në fusha të ndryshme, dhe kjo ndihmon në normalizimin e p..

Prishtinë/ Arrestohen pesë persona të përfshirë në rrahje, sekuestrohen dy armë

Policia e Kosovës ka njoftuar se sot rreth orës 13:00, kanë pranuar informatën për një përleshje fizike në rrugën “Basri Canolli” në Prishtinë, ku kanë qenë të përfshirë pesë persona.
Sipas Policisë, në këtë rast, janë lënduar të gjithë personat e përfshirë.

“Personat e lënduar pas trajtimit të nevojshëm mjekësor dhe intervistimit nga ana e policisë me vendim të prokurorit janë dërguar në mbajtje. Ndaj tyre është iniciuar rast për veprën pjesëmarrje në rrahje. Njëri nga personat e dyshuar, ngarkohet edhe me veprën Mbajtje në pronësi, kontroll apo posedim i paautorizuar i armëve, pasi në shtëpinë e tij janë gjetur dhe sekuestruar një pushkë gjuetie armë, një pistoletë, dy karikatorë, 63 fishekë etj”, thuhet në njoftim.

Zgjerimi i rrugës Prishtinë-Mitrovicë, problemi që po zgjatet tash e 10 vite

Rruga nga kryeqyteti drejt Mitrovicës tash e 10 vjet është bërë problem qarkullimi për qytetarët që e frekuentojnë.
Teksa punimet për zgjerimin e saj nuk arritën të kryheshin për një dekadë, së fundmi është anuluar kontrata e një kompanie që po kryente punimet në zgjerim.

Por nga Ministria e Infrastrukturës nuk kanë dhënë detaje nëse do të ketë një zgjidhje të shpejtë e cila do të përmbyllte odiseadën e kësaj magjistrale.

41 kilometra e ndajnë Prishtinën me Mitrovicën. Por magjistralja që lidh dy qytetet tash e sa vjet është shndërruar në një rrugë të vështirë, sidomos për ata që udhëtojnë çdo ditë andej. Zgjerimi i saj nisi vite më parë por ende nuk po e sheh fundin.

Tabela e vendosur në magjistralen Prishtinë-Mitrovicë sinjalizon për punime në rrugë. Por në fakt ato janë ndalur.

“Siç po e shihni edhe ju, ka vite qe u nis kjo rruge. Tash e kemi kuptuar që edhe kontrata është ndërprerë për këto punime. V..