TË FUNDIT

Shefi i NATO-s: Rast historik për paqe të qëndrueshme mes Kosovës dhe Serbisë

Shefi i NATO-s, Jens Stoltenberg, tha se mirëpret qasjen konstruktive nga Kosova dhe Serbia në dialogun që ndërmjetësohet nga Bashkimi Evropian, dhe theksoi se tani është një “rast historik” për të arritur paqe të qëndrueshme.
Këto deklarata ai i bëri pas takimit në Bruksel me presidentin e Shqipërisë, Bajram Begaj, i cili po ashtu shprehu mbështetjen për dialogun mes Kosovës dhe Serbisë për normalizimin e raporteve.

“Ne bashkëpunojmë me Bashkimin Evropian dhe mirëpresim takimet në Bruksel në kuadër të dialogut. NATO do të vazhdojë ta mbështesë fuqishëm këtë dialog sepse e shohim si rrugën e vetme të duhur për paqe dhe stabilitet në Kosovë. Kemi një rast historik për paqe të qëndrueshme dhe mirëpres qasjen konstruktive. Është me rëndësi që të dyja palët të dëshmojnë fleksibilitet dhe gatishmëri për kompromis. Secila zgjidhje duhet të ketë parasysh të drejtat e njeriut, fqinjësisë së mirë dhe sundimit të li..

Dita e fundit e Epopesë së UÇK-së, pamje nga përgatitjet për “Natën e Zjarreve”

Qytetarët dhe vizitorë të shumtë nga jashtë vendit kanë vizituar gjatë tri ditëve të fundit Kompleksin Memorial “Adem Jashari” në Prekaz.
Kjo për nder të familjes Jashari, komandantit legjendar Adem Jashari dhe familjarëve të tij që ranë dëshmorë në marsin e vitit 1998 në Prekaz.

E në ditën e tretë dhe të fundit të Epopesë së Ushtrisë Çlirimtare të Kosovës, lajmi.net ka qëndruar në Prekaz ku ka filluar edhe përgatitja për ndezjen e flakadanëve në Kompleksin Memorial “Adem Jashari”.

Pas ndezjes së flakadanëve, do të vazhdojë manifestimi “Nata e Zjarreve” në Skenderaj, me të cilin edhe përmbyllet manifestimi treditor, në sheshin që mban emrin e komandantit legjendar Adem Jashari. /Lajmi.net/

25 vite nga masakra e Prekazit, asnjë rezultat nga hetimet e Prokurorisë Speciale të Kosovës

Në mars të këtij viti u bënë 25 vite nga masakra e Prekazit, ku u vranë dhe u masakruan 55 anëtarë të familjes së komandantit Adem Jashari.
Përkundër që janë mbushur 25 vite që nga masakra e Prekazit, ende nuk ka ndonjë rezultat nga hetimet e Prokurorisë Speciale të Republikës së Kosovës (PSRK), të cilat kishin filluar para më shumë se tre vitesh, raporton “Betimi për Drejtësi”.

Ishte prokurorja Drita Hajdari, që si prokurore e PSRK-së kishte deklaruar se po nis hetimet për masakrën e Prekazit.

“Kam verifikuar nëse rasti është hapur nga EULEX-i apo UNMIK-u apo nga Tribunali i Hagës dhe pasi që kam kuptuar se nuk ka rast të hapur, kam vendosur për hapjen e hetimit me qëllim të zbardhjes së këtij rasti dhe të përgjegjësisë penale për krimet e luftës në rastin konkret”, ishte deklarimi prokurores Hajdari për medie.

Sipas saj, hetimet kishin filluar në vitin 2019, pra 21 vite pas ngjarjeve të ..

Mjeku në QKUK akuzohet se ia mori mbi 9 mijë euro një personi për t’ia punësuar nusen e djalit

Prokuroria Themelore në Prizren, ka ngritur aktakuzë kundër E.L., i cili ngarkohet se në cilësi të mjekut në Qendrën Klinike Universitare të Kosovës (QKUK) në Prishtinë, e mashtroi një person duke ia marrë mbi 9 mijë euro, me premtimin se do t’ia punësonte nusen e djalit të tij, si infermiere në Spitalin e Përgjithshëm në Prizren.
Ngritjen e kësaj aktakuze e ka bërë të ditur përmes një komunikate për media Prokuroria Themelore në Prizren, ku thuhet se E.L., nga 8 shkurti 2023, gjendet në masën e paraburgimit, nën dyshimin se ka kryer veprën penale “Mashtrimi”.

“Sipas aktakuzës, nga data e pavërtetuar gjatë muajit maj të vitit 2021 e në vazhdimësi deri në muajin nëntor të vitit 2021, në njërin prej lokaleve në fshatin Korishë, Komuna e Prizrenit, i pandehuri E.L., përmes paraqitjes së fakteve të rreme dhe me qëllim të përfitimit të kundërligjshëm të dobisë pasurore për vete, e mashtron duke..

Hapet ekspozita kushtuar Jasharajve, Bekimi: Historia të përjetësohet me fakte për brezat

Është hapur ekspozita “Qëndresa Heroike e Jasharëve për liri” në Muzeun Kombëtar të Kosovës, në të cilën për një javë do të qëndrojnë 200 fotografi që flasin për qëndresën heroike të familjes Jashari dhe sakrificën më sublime të saj.
Pasardhësi i familjes Jashari, Bekimi, tha se populli shqiptar ka vuajtur shumë për liri, derisa shtoi se shteti duhet të bëjë shumë më shumë se kaq dhe ta përjetësojë historinë me fakte për brezat e tjerë.

“Kjo ekspozitë sot është ngjarje e veçantë, është një histori që gjeneratat, përveç gjeneratës tonë, në veçanti kanë nevojë gjeneratat e reja për të parë dhe për t’u njoftuar dhe të mësohen me se atë çfarë ka ndodhur në vendin tonë. Populli ynë ka vuajtur shumë në veçanti populli shqiptar tashmë në shtetin e Kosovës, të ndarë padrejtësisht ashtu siç e tregon historia. Shteti duhet të bëjë shumë më shumë se kaq, qoftë në mënyrë të drejtpërdrejtë apo të kontraktua..

Kroacia mbështet Kosovën në rrugën evropiane

Ministri i Jashtëm i Kroacisë, Gordan Grliq Radman ka pritur sot në takim ministren e Jashtme të diasporës, Donika Gërvalla-Shwarz.
Ministri kroat ka deklaruar se Kroacia mbështet plotësisht rrugën evropiane të Kosovës.

Radman ka shkruar në Twitter se me Gërvallën kanë diskutuar për marrëdhëniet miqësore.

​Samiti i radhës i Procesit të Berlinit më 16 tetor në Tiranë

Samiti i radhës i Procesit të Berlinit të gjashtë vendeve të Ballkanit Perëndimor do të mbahet më 16 tetor në Tiranë të Shqipërisë.
Kjo u bë e ditur nga kancelari gjerman, Olaf Scholz, pas takimit me kryeministrin e Shqipërisë, Edi Rama në Berlin.

Ai tha se ky samit do të thellojë bashkëpunimin në rajonin ballkanik në drejtim të krijimit të tregut të përbashkët rajonal.

Në konferencën e përbashkët për medie me Ramën, kancelari gjerman tha se anëtarësimi i Ballkanit Perëndimor në Bashkimin Evropian ka rëndësi strategjike për shtetin e tij.

“Ballkani Perëndimor dhe integrimi i tij në Bashkimin Evropian janë shumë të rëndësishme për mua. Në shumë raste kam tërhequr vëmendjen se kjo është një nga detyrat shumë të mëdha që duhet të përmbush Evropa tani. Ballkani Perëndimor është pjesë e Evropës dhe familjes evropiane. Prandaj gëzohem që në tetor në Shqipëri do të organizohet samiti i radhës i Procesit të Berlinit, përgatitje..

Konjufca uron mësuesit për 7 Mars: Nuk janë vetëm simbol i edukimit por edhe heronj në rrugën e lirisë

Kryetari i Kuvendi Glauk Konjufca, ka uruar mësuesit me rastin e 7 marsit ditës së tyre, ai ka thënë se mësuesit nuk janë vetëm simbol i edukimit dhe arsimimit të brezave të tërë të kombit por edhe heronj e burim i frymëzimit në rrugën e lirisë.
Ai përmes një shkrimi në facebook ka thënë se vlera e mësuesit dhe pesha e qiellit nuk maten kurrë.

Postimi i plotë:

Sot është Dita e Mësuesit. Dita kur përkulemi me nderim dhe mirënjohje para forcës më përparimtare të shoqërisë sonë.

Mësuesit tanë, nga rilindasit e deri në ditët e sotme, nuk janë vetëm simbol i edukimit dhe arsimimit të brezave të tërë të kombit por edhe heronj e burim frymëzimi në rrugën e lirisë, dalzotës dhe vija e parë e qëndresës atdhetare përballë sfidave shekullore.

Vlera e mësuesit dhe pesha e qiellit nuk maten kurrë, thuhet për pishtarët e dijes.

Suksese në misionin tuaj të shenjtë dhe urime 7 Marsin!

Hulumtim: Serbët e Kosovës i besojnë më shumë Qeverisë së Serbisë, ndërsa shqiptarët e Luginës asaj të Kosovës

Qendra për Demokraci dhe Arsim nga Lugina e Bujanocit dhe OJQ AKTIV në Mitrovicën e Veriut kanë publikuar hulumtimin “Nga sfidat e përbashkëta tek zgjidhjet e përbashkëta”, për pozitën e komunitetit serb në katër komuna në veri të Kosovës dhe komunitetit shqiptar në jug të Serbisë, raporton Ekonomia Online.
Nga ky hulumtim është parë se serbët e Kosovës dhe shqiptarët e Serbisë kanë probleme të përbashkëta, por ka edhe nga ato probleme që theksohen më shumë në njërin komunitet. I tillë është problemi i sigurisë, i cili duket të jetë problemi më i madh në veri të Kosovës, por jo edhe në Luginë.

Ndërsa, sa i përket problemeve të përbashkëta, si për serbët ashtu edhe për shqiptarët, papunësia dhe ekonomia kanë qenë në krye të listës.

Kështu ka bërë të ditur, Miodrag Milićević nga OJQ AKTIV, i cili ka treguar se hulumtimi është bërë në bazë të etnisë, gjinisë dhe arsimimit.

M..