TË FUNDIT

Publikohet raporti i UNDP-së, bie kënaqshmëria me punën e Qeverisë dhe kryeministrit

UNDP ka publikuar raportin “Përmbledhja e Pulsit Publik XXIII”, nga i cili ka rezultuar se ka rënie në përqindjen e kënaqshmërisë së qytetarëve me performancën e qeverisë, por edhe me atë të legjislativit dhe gjyqësorit.
Bazuar në këtë raport, ka një rënie prej 7.7 pikë të përqindjes së kënaqshmërisë për performancën e kryeministrit për një periudhë gjashtëmujore, ndërkaq edhe për performancën e qeverisë ka rënie prej 6.2 pikë të përqindjes.

“Në anketën e opinionit tetor-nëntor 2022, niveli i kënaqshmërisë me performancën e kabinetit ekzekutiv kapi vlerën prej 41%, një rënie për 6.2 pikë përqindjeje nga anketa e prillit 2022 kur ishte 47.2%. Niveli i kënaqshmërisë me punën e Kryeministrit kapi vlerën prej 44.9%, një rënie për 7.7 pikë përqindje nga prilli 2022 kur ishte 52.6%”, thuhet në raport.

Gjithsej kanë qenë një mijë e 306 të anketuar nga data 21 tetor deri më 3 nëntor 2022 në gjithë territor..

Qytetari gjen kuletën me mbi 2 mijë euro brenda, e dorëzon në polici

Një qytetar ka dorëzua në stacionin e Policisë së Kosovës një portofol që e kishte gjetur në rrugë, në të cilin kishte një shumë parash dhe dokumente personale.
Sipas njoftimit të policisë, rasti ka ndodhur sot në stacionin policor “Qendra”, shkruan lajmi.net.

“Sot zyrtarëve të stacionit policor Qendra, në rrugën ‘Tringë Ismajli’, në Pristhinë, një qytetar V.Ramadani, ju ka dorëzuar një portofol (që e kishte gjetur në rrugë), ku kishte një shumë parash dhe dokumente personale. Menjëherë është ftuar në stacion pronari i portofolit dhe konform procedurave i njëjti ka pranuar portofolin, paratë dhe dokumentet”, thuhet në njoftimin e policisë.

Sipas banknotave të publikuara nga policia, shihet se brenda kuletës kanë qenë në total 2 mijë e 121,42 euro.

Duke çmuar këtë gjest human, policia ka falënderuar të gjithë qytetarët për bashkëpunimin e vazhdueshëm me Policinë e Kosovës. /Lajmi.net/

​Dita e dytë e vizitës në Kosovë, Lajçaku fillimisht shkon në PDK

Emisari i BE-së për dialogun Kosovë-Serbi, Miroslav Lajçak, ka nisur sot takimet me përfaqësuesit e partive opozitare.
Takimin e parë, Lajçaku e ka nisur në selinë e PDK-së, ku është pritur nga kryetari, Memli Krasniqi, nënkryetarja e parë, Vlora Çitaku dhe sekretari i partisë, Bernard Nikaj.

Bëhet e ditur se Lajçaku gjatë ditës do të takohet edhe me zyrtarë të LDK-së e AAK-së.

Emisari Miroslav Lajçak një ditë më parë është takuar edhe me kryeministrin Kurti e presidenten Osmani, takime të cilat i ka cilësuar konstruktive në procesin e dialogut.

​Fillon ndërtimi i sheshit qendror në Rahovec

Kanë filluar punimet për ndërtimin e sheshit qendror në Rahovec, projekt ky i cili tejkalon shumën prej 3 milion euro.

Kryetari i Komunës së Rahovecit, Smajl Latifi ka thënë se po e përmbushin një zotim publik dhe sipas tij punimet pritet të përfundojë në gjysmën e dytë të vitit 2025.

Në ceremoninë e vënies së gurëthemelit, Latifi ka thënë se sheshi do të ndryshojë pamjen e qytetit dhe do të lehtësojë jetën e qytetarëve.

“Vlera e kontratës është 3 milion e 817 mijë euro, parkingu me sipërfaqe 4850 metra katror, numri i vend-parkingjeve vetëm këtu është 206, ne kemi filluar tash me parkingun nëntokësor shpresojmë që do të kemi shumë shpejtë ndryshime në këtë pjesë të sheshit, në këtë shesh i cili ka një sipërfaqe të madhe do të kenë mundësi me u përshtatë ose me u akomodu për ngjarje të mëdha edhe kulturore edhe artistike, pro edhe ngjarje që janë në përputhje me profilin e komunës sonë por që janë në synimet e aspiratat e komunës sonë..

​AAK kundër rritjes së çmimit të energjisë elektrike, përmend edhe protestat

Aleanca për Ardhmërinë e Kosovës, ka shprehur shqetësim për paralajmërimet për rritje të çmimit të energjisë elektrike.
Në konferencë për medie të premten, ai tha se rritja e çmimit të energjisë është e dëmshme për qytetarët.

Për këtë kundërshtuar këtë, ai përmendi edhe organizimin e protestave.

Pas takimeve me Kurtin dhe Osmanin, Lajçak do të takohet sot me krerët e opozitës

Emisari i BE-së për dialogun mes Kosovës dhe Serbisë, Miroslav Lajçak, po qëndron në vizitë zyrtare në Prishtinë.
Pas takimeve të djeshme me kryeministrin Albin Kurti dhe presidenten e Kosovës, Vjosa Osmani, Lajçak sot do të takojë krerët e partive opozitare në Kosovë, shkruan lajmi.net.

Lajçak pritet që të takohet me kryetarin e PDK-së, Memli Krasniqi, në orën 10:45, me atë të AAK-së, Ramush Haradinaj, në orën 11:45, ndërsa me kryetarin e LDK-së, Lumir Abdixhiku, në orën 14:45.

Në takimet që ka zhvilluar dje me Kurtin dhe Osmanin, Lajçak ka diskutuar sërish mbi aneksin e zbatimit të Propozimit franko-gjerman për normalizimin e raporteve Kosovë-Serbi.

Lajçak pas takimeve të djeshme e ka cilësuar takimin me Kurtin si “konstruktiv, të rëndësishëm dhe shumë të frytshëm”.

“Me kryeministrin Kurti patëm një bisedë konstruktive, shumë të rëndësishme dhe të dobishme. Po ashtu u takova me presidenten Osmani,..