Author: admin

Spitali i Pejës liron shtatë nga tetë të helmuarit prej tymit në qendrën tregtare

Janë liruar shtatë nga tetë të helmuarit prej tymit nga djegia e një depoje në njërën prej qendrave tregtare të qytetit të Pejës.
Klan Kosova raporton se vetëm një pacient ka mbetur në spitalin rajonal për mjekim të mëtutjeshëm, përcjell lajmi.net.

Në anën tjetër, kujtojmë faktin se pak më herët, spitali përmes një komunikate bëri të ditur që gjendja e tyre është jashtë rrezikut për jetë.

Ndër tjerash, u tha që rastet kanë të bëjnë me helmim, dhe atë nga tymi.

“Pacientët janë duke u trajtuar tek Spitali ynë dhe gjendja e tyre është stabile dhe jashtë rrezikut për jetë dhe janë raste kryesisht të helmuar nga tymi”, u tha në njoftimin e mëhershëm të spitalit.

Besnik Tahiri: Veç regres në dy vitet e punës së kësaj qeverie

Shefi i gurpit parlamentar të AAK-së Besnik Tahiri, ka kritikuar qeverinë, duke thënë se për dy vite të punës së saj, ka pasur regres.

Ai përmes një postimi në Facebook është shprehur se kjo qeveri, në tendecë për ta kapur çdo institucion, sipas tij, ka hartuar legjislacion në kundërshtim me parimet kushtetuese

“Dy vite regres. Anti-kushtetutshmëria në tendecë për ta kapur çdo institucion, hartuan legjislacion në kundërshtim me parimet kushtetuese dhe ndarjes së pushteteve, por që prap se ndalen kritikën se tjerët i bllokuan, e se gardiani i kushtetushmërisë u bë ‘pengesa e reformave”.

“Rritja e çmimeve. Me veprim (ngritje të çmimit të energjisë, tatimi në pronë) e mos veprim (ulje të taksave, akzisës) në politika tatimore, masa rregullative e vendime, goditën shtresën e mesme, futën duart në xhepat e qytetarëve por nuk u ndalën së krekosuri për rritje të hyrave tatimore, e për të gjetur fajtorë komunat”, thuhet në shk..

Fluks i madh i fëmijëve të prekur nga viruset sezonale, për 24 orë deri në 150 vizita në Emergjencën Pediatrike në QKUK

Viruset tek fëmijët janë të shpeshta sidomos në sezonin dimëror, por edhe në atë të pranverës. Reparti i Emergjencës Pediatrike në Qendrën Klinike Universitare të Kosovës (QKUK), ditëve të fundit ka pranuar numër të madh të fëmijëve të prekur nga viruset e stinëve.

Kështu tha në një intervistë për Telegrafin, doktoresha, Afërdita Selmanaj, pediatre si dhe shefe e Emergjencës pediatrike në QKUK.

Sipas saj, për shkak të viruseve që janë në qarkullim këto ditë kanë pasur shtim të numrit të rasteve.

Ajo tregoi se në Emergjencën pediatrike diku për 24 orë janë vizituar 150-160 pacientë, ndërkaq, 20-25 prej tyre janë hospitalizuar.

“Si simptomë kryesore ka dominuar temperatura deri në 40 gradë, e cila ka zgjatur 5-7 ditë. Por ka pas edhe simptoma tjera kollitje, lodhje, dhimbje fyti – simptoma të gripit. Më e atakuar ka qenë mosha e vogël nga 0-3 vjeç”, ka thënë Selma..

​Osmani: S’mund të ketë paqe e stabilitet pa drejtësi për krimet që i bëri Serbia

Presidentja Vjosa Osmani ka përkujtuar 24-vjetorin e masakrave nga regjimi gjenocidal i Serbisë, në të cilat u vranë 75 civilë në Celinë, 68 në Fortesë dhe 49 në Brestoc të Rahovecit.
“Në këtë përvjetor, e kujtojmë secilin civil që ra për lirinë e vendit dhe të gjithë dëshmorët e UÇK-së që e bën të mundshme lirinë tonë”, tha ndër të tjera ajo.

Deklarata e plotë e presidentes Osmani:

Sot bëhen 24-vjet që kur forcat e regjimit gjenocidal të Serbisë vranë 75 civilë në Celinë, 68 në Fortesë dhe 49 në Brestoc të Rahovecit.

Në këtë ditë në mbrojtje të popullsisë civile, ranë edhe pesë dëshmorë të UÇK-së.

Në këtë përvjetor, e kujtojmë secilin civil që ra për lirinë e vendit dhe të gjithë dëshmorët e UÇK-së që e bën të mundshme lirinë tonë.

Nuk mund të ketë paqe e stabilitet pa drejtësi për krimet që ka bërë Serbia kudo në Kosovë.

Sjellja e kriminelëve para drejtësisë është përpjekje e jona e çdoditshme.
..

​Policia: Protesta përfundoi e qetë dhe pa incidente

Protesta e ftuar nga Partia Socialdemokrate është zhvilluar e qetë dhe pa ndonjë incident.
Protestuesit që dolën për të kundërshtuar Marrëveshjen e Ohrit kanë marshuar nga sheshi “Zahir Pajaziti” deri te ndërtesa e qeverisë.

Aty protestuesit kanë hedhur tym të zi si dhe janë ngritur flamujt e bardhë.

Policia e Kosovës tha se aktivitetet e protestuesve janë realizuar pa ndonjë incident.

Policia e Kosovës me qëllim të ruajtjes së rendit dhe qetësisë publike si dhe mbarëvajtjes së protestës së sotme të mbajtur në Prishtinë, kishte bërë përgatitjet e nevojshme operacionale policore.

“Policia e Kosovës me njësitet e saja ishte e angazhuar për të siguruar mbarëvajtje të protestës, në mënyrë që ajo të kalojë pa ndonjë incident, që pjesëmarrësit në protestë të shprehin qëllimin e tyre në mënyrë demokratike”, tha policia.

“Premtuan 160 çerdhe, s’e ndërtuan asnjë” – LDK akuzon qeverinë për hapa prapa në arsim

Kryetarja e Forumit të Gruas së LDK-së, Jehona Lushaku, përmes një videoja ka numëruar dështimet e qeverisë Kurti.
Një prej sektorëve që i kushtoi rëndësi ishte ai i arsimit, në të cilin, sipas Lushakut të LDK-së, qeveria ka shënuar regres, përcjell lajmi.net.

Jo vetëm arsimi parauniversitar pati kritika. Për atë universitar shtoi se ka akreditim të programeve, për të cilat Kosova nuk ka nevojë dhe ka zvogëlim të pagave dhe asnjë mbështetje për stafin.

“Premtuan 160 çerdhe, asnjë nuk u ndërtua. Miliona orë të humbura mësimore nuk janë zëvendësuar. Asnjë progres në tekstet mësimore parauniversitare. Asnjë progres në riorganizimin e shkollave. Vazhdojmë të kemi mbingarkesa me klasat me nxënës.

Ka akreditim të programeve, për të cilat Kosova nuk ka nevojë dhe ka zvogëlim të pagave dhe asnjë mbështetje për stafin universitar. Nxënësit e mësimdhënësit meritojnë më shumë! Kosova meriton më mirë!”

​PDK: Shpëtuam KPK-në nga kthetrat e Albin Kurtit

Partia Demokratike e Kosovës (PDK), përmes një konference për media, ka thënë se mirëpret vendimin e Gjykatës Kushtetuese për ta shpallur të pavlefshëm Ligjin për ndryshimin dhe plotësimin e Ligjit për Këshillin Prokurorial të Kosovës (KPK), pas kërkesës dhe vërejtjeve që ajo i ka dorëzuar.
Shefi i Grupi Parlamentar të PDK-së, Abelard Tahiri, tha se kanë arritur të mbrojnë rendin kushtetues të vendit nga, siç e quajti ai, tendencat e qeverisë dhe kryeministrit Albin Kurti për ta vënë nën kontroll Këshillin Prokurorial të Kosovës.

“Gjykata Kushtetuese ka bërë publike njoftimin që ky ligj e ka nxjerrë si ligj në kundërshtim me Kushtetutën e Kosovës dhe rendin kushtetues gjë që është lajm shumë i mirë për drejtësinë në Kosovë që pushteti i madh i Albin Kurtit nuk arriti të vendosë nën kthetra edhe një institucion kaq të rëndësishëm siç është KPK. Miratimi i një ligji të tillë do të ishte një përmbysje, apo një kapje e fuqishme e KPK, që..

​Kujtohet masakra në Brestoc, Latifi: Gjaku i dëshmorëve dhe martirëve ujit rrënjët e lirisë

Rahoveci ka shënuar sot (e shtunë) përvjetorin e masakrave të ndodhura në disa fshatra të saj. Në Brestoc në 24-vjetorin e tyre, u kujtuan 5 dëshmorët dhe 49 martirët e këtij fshati. Më 25 mars të vitit 1999 kishte ndodhur një nga masakrat më të tmerrshëm në Kosovë një ditë pas fillimit të bombardimeve të NATO-s ndaj caqeve serbe.
Kryetari i Komunës së Rahovecit, Smajl Latifi me bashkëpunëtorë, përfaqësues të shoqatave të dala nga lufta e UÇK-së, familjarë të të rënëve dhe qytetarë të fshatit bënë homazhe dhe nderuan dëshmorët dhe martirët që u sakrifikuan për lirinë e Kosovës.

Nga Brestoci, Latifi tha se ende presin të mësojnë për fatin e 9 të pagjeturve nga kjo masakër dhe uroi që të ketë angazhim shtesë institucional.

Ai tha se gjaku i dëshmorëve dhe martirëve në të gjithë Kosovën ujit rrënjët e lirisë së vendit të fituar në qershor të ’99-ës dhe të kurorëzuar në shtet më 2008.

“Asgjë s..

​Edhe Kosova rrezikon të preket nga fruthi, bëhet thirrje për vaksinim të fëmijëve

Përkundër që në Kosovë ende nuk ka asnjë rast të prekur dhe as të dyshuar me sëmundjen e fruthit, ekziston rreziku që fëmijët të preken nga kjo sëmundje ngjitëse, pasi që kundër sëmundjes së fruthit me dozën e parë, janë të vaksinuar 87% e fëmijëve, dhe me dozën e dytë 95%, e përqindja e të pa vaksinuarve po konsiderohet rrezik për shpërthimin e kësaj sëmundje të fëmijëve, meqenëse tashmë raste aktive ka në rajon dhe Evropë.
Kështu ka deklaruar për KosovaPress, shefja e vaksinimit në Institutin Kombëtar të Shëndetit Publik, Fetije Fetaj, e cila theksoi se arsyet e shpërthimit të fruthit në botë lidhet me rënien e nivelit të vaksinimit për të gjitha llojet e vaksinave në vitet e fundit për shkak të pandemisë COVID-19.

Ajo thotë se përkundër që Kosova ka një shkallë relativisht të mirë të vaksinimit kundër fruthit, por që kjo shkallë duhet të jetë mbi 95% me të dy dozat.

“Duke marrë parasysh që fruthi ..