Author: admin

Zbatimi i marrëveshjes me Serbinë mund të zvarritet

Zbatimi i marrëveshjes me Serbinë pritet të ketë zvarritje. Tetë ditë pas dakordimit në Ohër për aneksin e implementimit të marrëveshjes bazë për normalizimin e mardhënieve Kosovë-Serbi, palët ende nuk ka nisur hapat konkretë për zbatim të ujdisë, përkundër disa afateve të caktuara në aneks.
Problematike për shtyrje të mëtutjeshme të zbatimit të marrëveshjes po konsiderohen pika 7 për Kosovën, ku flitet për vetëmenaxhim të komunitetit serb apo Asociacionin dhe pika katër për Serbinë, në të cilën potencohet mospengesa e saj për anëtarësim të Kosovës në organizata ndërkombëtare. Mirëpo, zvarritja e zbatimit të marrëveshjes, sipas njohësve të procesit të dialogut, varet nga presioni i Bashkimit Evropian dhe Shteteve të Bashkuara të Amerikës.

Profesori universitar dhe njohësi i procesit të dialogut, Seb Bytyçi thotë se derisa kanë kaluar një javë nga dakordimi në Ohër ka indicie për vonesa në zbatim të marrëveshjes, në bazë të deklarat..

Mbledhja e përbashkët e dy qeverive mbahet në qershor

Kryeministri i Kosovës, Albin Kurti, ka udhëtuar sot drejt Shqipërisë.
Me këtë rast, Kurti ka realizuar disa takime me krerët e institucioneve më të rëndësishme atje.

Kurti takoi po ashtu edhe kryeministrin e Shqipërisë, Edi Rama.

Përgjatë këtij takimi, Kurti dhe Rama theksohet të kenë diskutuar një varg zhvillimesh në kuadër të të dyja vendeve.

Gjithashtu dyshja janë dakorduar që mbledhja e ardhshme e dy qeverive të mbahet në qershor.

Lajmi është bërë i ditur nga vetë kryeministri Rama.

Postimi i plotë:

🔴 Me mikun e posaçëm, kryeministrin e Kosovës, Albin Kurti, gjatë drekës së sotme ku diskutuam me detaje për marrëveshjen e Ohrit dhe ecurinë e mëtejshme të procesit të zbatimit të saj.

I shpreha Albinit të gjithë simpatinë time për kurajon dhe realizmin me të cilin ka hedhur hapa me rëndësi të madhe drejt normalizimit të marrëdhënieve me Serbinë. E inkurajova kryeministrin në hedhjen e hapave të mëtejshëm, qoftë për garant..

Edhe nënë Ferdonija do të marshojë për krerët e UÇK-së: Liria ime ka emrin e katër djemve dhe burrit

Ditë më parë platforma “Liria ka Emër” ka njoftuar se më 2 prill kanë organizuar një marsh për drejtësi në mbështetje të ish- krerëve të UÇK-së.
Pas këtij njoftimi Fahrije Hoti nga Organizata e grave të Krushës ka bërë të ditur se do të mbështesë këtë marsh, përcjell lajmi.net.

Ndërsa, gjatë ditës së sotme Ferdonije Qerkezi ka ripulikuar, orën dhe vendin ku do të fillojë marshi, gjithashtu është shprehur se liria mbran edhe emrin e katër djemve dhe burrit të saj.

“Lufta për liri është e krejt popullit!
Prandaj,
Dhimbja dhe liria ime ka emrin:
Halim, Artan, Armend, Ardian dhe Edmond”, ka shkruar ajo në Facebook./Lajmi.net/

Vetaksident në Veternik, një person mbetet i lënduar

Një vetaksident ka ndodhur sot në Veternik, ku si pasojë ka mbetur një person i lënduar.
Rastin për lajmi.net e ka konfirmuar zëdhënësja e Policisë për rajonin e Prishtinës, Flora Ahmeti.

“Sot rreth orës 14:00, në Veternik, ka ndodhur një aksident trafiku, ku është përfshirë një veturë. Si pasojë e aksidentit një person ka pësuar lëndime trupore dhe i njëjti është dërguar për trajtimin e nevojshëm mjekësor.”, ka bërë të ditur Ahmeti.

Policia ka nisur një hetim për zbardhjen e shkaqeve të vetaksidentit./Lajmi.net/

SHBA: Nuk ka indikacione se Rusia po planifikon të përdorë armë bërthamore

Departamenti amerikan i Mbrojtjes tha se nuk ka indikacione se Rusia po përgatitet të përdorë armë bërthamore, pasi Moska njoftoi se do të dislokojë armë bërthamore taktike në Bjellorusi.
“Kemi parë raportime për njoftimin e Rusisë dhe do të vazhdojmë të monitorojmë këtë situatë”, tha Departamenti amerikan i Mbrojtjes përmes një deklarate.

“Ne nuk kemi parë asnjë arsye për të ndryshuar qëndrimin tonë strategjik bërthamor, apo ndonjë indikacion se Rusia po përgatitet të përdorë armë bërthamore. Ne vazhdojmë të jemi të përkushtuar në mbrojtjen kolektive të aleancës së NATO-s”, tha SHBA-ja.

Më 25 mars presidenti rus, Vladimir Putin, njoftoi se ka arritur marrëveshje për të vendosur armë bërthamore taktike në territorin e aleates së ngushtë, Bjellorusisë, e cila kufizohet edhe me Rusinë, edhe me Ukrainën, shkruan REL.

Zyrtarët ukrainas kanë thënë se me këtë marrëveshje, Bjellorusia është bërë “peng bërthamor” i..