Author: admin

​Mobilizimi që ndodhi para 24 vjetësh

Ushtria Çlirimtare e Kosovës, pikërisht më 31 mars 1999, vendosi për një mobilizim të përgjithshëm për përballimin e ofensivës serbe dhe çlirimin përfundimtar të Kosovës.
Ne po ua sjellim urdhrin e asaj kohe për mobilizim:

Për t’iu përgjigjur më mirë zhvillimeve të kohëve të fundit, si rezultat i veprimtarisë ofensive të forcave serbe dhe për mundësinë e kryerjes më intensive të detyrave luftarake për çlirimin e Kosovës, në zbatim të Urdhrit Nr. 151, datë 31.03.1999, „Për mobilizimin e përgjithshëm për përballimin e ofensivës serbe për çlirimin e Kosovës”.

Urdhëroj:

Mobilizimi e përgjithshëm në Kosovë e jashtë saj për të gjithë popullin e Kosovës për kompletimin e radhëve të Ushtrisë Çlirimtare të Kosovës, të fillojë më datën 01.04.1999 dhe të vazhdojë në proces.

Të detyruar për t’u lajmëruar për në radhët e Ushtrisë Çlirimtare të Kosovës, janë moshat nga 18-50 vjeç. Lajmërimi për regjistrim prej datës 01.04.1999 deri më 30.04.1999.

Të gjith..

​24 vjet nga masakra në Burim të Malishevës

Sot mbushen 24 vjet nga ngjarja më e rëndë në Malishevë, përkatësisht nga masakra e forcave serbe në Burim, ku u vranë dhe u masakruan 42 civilë shqiptarë.
Masakra në Burim është masakra më e madhe që ka ndodhur në Malishevë gjatë luftës së fundit, ndërsa deri më sot, për këtë ngjarje dhe për asnjë vrasje tjetër gjatë luftës, nuk është dënuar askush.

Më 31 mars 1999, te vendi i quajtur Vrella e Mëhillit në Burim të Malishevës, u vranë dhe u masakruan 42 civilë, shumica prej tyre nga fshatrat Dragobil dhe Astrazup, si dhe tre banorë të Suharekës, të cilët ishin strehuar në këtë pjesë. Po në këtë ditë, në fshatrat tjerë janë vrarë dhe masakruar edhe civilë të tjerë.

​Mot i vranët dhe me intervale me diell

Instituti Hidrometeorologjik i Kosovës ka njoftuar se sot do të mbaj mot i vranët dhe me intervale me diell.
Sipas institutit, vranësirat gjatë pjesës së dytë të ditës parashihen të sjellin riga shiu.

“Temperaturat do të shënojnë rritje të lehta. Vikendi parashihet me kushte tjera meteorologjike”, thuhet në njoftim.

BIK-u u bën thirrje besimtarëve që t’i bashkohen marshit “Liria ka emër”

Bashkësia Islame e Kosovës ka njoftuar se do të përkrah dhe mbështesë marshin “Liria ka emër” për t’u solidarizuar me ish-krerët e Ushtrisë Çlirimtare të Kosovës që po gjykohen në Hagë.
BIK-u, nëpërmjet një kumtese për media bën të ditur nesër, në hytben e xhumasë, në të gjitha xhamitë e Kosovës do t’u bëjë thirrje besimtarëve t’i bashkohen këtij marshi.

“Bashkësia Islame e Kosovës përkrah dhe mbështet marshin për drejtësi të ftuar nga iniciativa “Liria Ka Emër”, në mbështetje të ish-krerëve të UÇK-së. Bashkësia Islame e Kosovës beson fuqishëm në pastërtinë e luftës së drejtë të UÇK-së dhe vlerëson lart sakrificën e UÇK-së për lirinë e vendit, si një nga vlerat më të larta e të shenjta të popullit tonë”.

Mes tjerash, u kanë bërë thirrje të gjithë besimtarëve që për hir të gjithë dëshmorëve të bashkohen në marsh.

“Me këtë rast, Bashkësia Islame e Kosovës fton dhe bën apel te të gjithë besimtarët që në shenjë r..

Hoti: Kurti nuk ka lidhje me ekonomi

Deputeti i Lidhjes Demokratike të Kosovës Avdullah Hoti, tha se kryeministri i Kosovës i Kosovës, Albin Kurti, nuk ka lidhje me ekonomi.
“E keqja është që edhe ata që i ka rreth vetës së tij duke se po e mashtrojnë për këtë”, tha Hoti.

Hoti shtoi se në fushën ekonomike qeveria ka dështuar keq.

“Nëse nisemi nga premtimet që i kanë pasur duke filluar nga Fondi Sovran, ku planifikoheshin që të bëheshin krejt pasuritë publike të ndërmarrjeve, po ashtu edhe ato që janë në menaxhim nga Agjencia Kosovare e Privatizimit, nuk shihet askund në horizont.

Banka Zhvillimore koncepti nga e kaluara nuk po shihet se do të funksionalizohet, investimet kapitale që kanë qenë njëfarë stimulimi janë në pikën më të ultë. “Gjakderdhja financiare” ka vazhduar”, vlerësoi ish-kryeministri.

Ish-kryeministri i Kosovës përmendi edhe mangësi të tjera.

“Inflacioni i lartë, çmimi i energjisë u rrit dy herë gjatë këtij mandati, tatimi në pronë u dyfishua. Me këto askush nuk ..

Çitaku për Kurtin: Ku po jeton – me çka merret?

Nënkryetarja e PDK-së, Vlora Çitaku ka reaguar pas intervistës së kryeministrit Kurti rreth deklaratës së këtij të fundit mbi Marshin për Drejtësi.
Shefi i qeverisë në Rubikon tha se nuk e di se do të ketë një mars të tillë, ndërsa ftoi organizatorët që t’i dërgojnë një ftesë për pjesëmarrje, më pas ai do të vendosë, përcjell lajmi.net.

Kjo përgjigje ngjalli kundërpërgjigjen e Çitakut, që pyeti se ku po jeton Kurti dhe me çka po merret.

“Krejt Kosova po e pret 2 Prillin, ditën e Marshit per Drejtësi, në mbështetje të UÇK-së, Hashim Thacit, Kadri Veselit, Rexhep Selimit e Jakup Krasniqit. Vetëm Albin Kurti nuk paska degju. Ku jeton ky njeri? Me çka merret?”, shkroi ajo.

Më poshtë edhe postimi i plotë:

Rruga te “Kafet e Rakisë” do të shtrohet me kalldrëm, të hënën fillon heqja e asfaltit

Rruga te pjesa e kryeqytetit, e njohur si “Kafet e Rakisë”, do të restaurohet.

Siç ka bërë të ditur drejtori i Investimeve Kapitale, Krenar Xhaferi, të hënën do të fillojë heqja e asfaltit, për t’u zëvendësuar më pas me kalldrëm, përcjell lajmi.net.

Nga kjo synohet që të rikujtohet Prishtina e Vjetër, ndërsa ndryshimi është pjesë e projektit të Ramës për të shënuar hapësira që ka memorie kolektive, siç është quajtur nga zyrtarët institucionalë.

“Me pronarët e kafeve të Rr. “2 korriku”, diskutuam për trajtimin e kësaj rruge, e cila për qytetin e Prishtinës mbanë memorje kolektive. Kjo rrugë do të trajtohet e gjitha me kalldërmë, përmes së cilës kujtojmë Prishtinën e vjetër”, shkroi ai.

Limaj: Pas marrëveshjes së Ohrit, Kosova s’është më e njëjtë

Kreu i Nismës Socialdemokrate, Fatmir Limaj beson se Kosova nuk është më e njëjtë pas 18 marsit, dita kur u arrit marrëveshja në Ohër.
Shkak sipas tij është se sistemi juridiko=politik nuk është ai që ka qenë. Ish-ministri i Infrastrukturës vlerësoi se tani do të kemi një strukturë paralele.

Tutje, ai hodhi kritika ndaj Kurtit, duke thënë se është luftuar me vite që kjo strukturë paralele të zhbëhet, përcjell lajmi.net.

Limaj shkoi në atë pikë sa beson që kjo strukturë e komunitetit serb, është diçka përtej Asociacionit.

“Kosova më nuk është e njëjtë. Sistemi juridiko-politik më nuk është njëjtë, tani do të kemi edhe një strukturë paralele, e cila është luftuar për vite të zhbëhet. Do të jetë një strukturë paralele e komunitetit serb, përtej Asociacionit”, ka deklaruar Limaj në T7.