Author: admin

​Aliu: Ditë e kobshme për komunën e Shtimes

Katër persona humbën jetën sonte rreth orës 19:15 në një aksident trafiku në magjistralen Shtime-Ferizaj.
Kryetari i komunës së Shtimes, Qemajl Aliu me këtë rast ka shprehur ngushëllime për humbjen e katër të rinjëve.

“Me keqardhje dhe pikëllim të madh po ndjek lajmet për aksidentin tragjik të ndodhur në hyrje të komunës së Shtimes, ku humbën jetën katër të rinj. Familjarëve të viktimave iu shpreh ngushëllimet më të sinqerta kurse lutemi që të lënduarit të shërohen sa më shpejt”, ka shkruar kryetari Aliu.

Edhe kryetari i PDK-së, Memli Krasniqi ka shprehur ngushëllime me rastin e vdekjes tragjike të katër të rinjëve.

“Jashtëzakonisht i dhembshëm lajmi për vdekjen tragjike të katër të rinjve në aksidentin rrugor në aksin Ferizaj – Shtime. Në këto orë të rënda, bashkëndjej me familjarët e viktimave, të cilëve u shpreh ngushëllimet më të sinqerta”, ka shkruar Krasniqi.

Një 26-vjeçare në gjendje të rëndë si pasojë e aksidentit në Shtime, i lënduari tjetër jashtë rrezikut për jetë

Katër persona kanë ndërruar jetë si pasojë e një aksidenti të rëndë në rrugën Ferizaj-Shtime.
Zëdhënësi i Policisë së Kosovës për rajonin e Ferizajt, Kanun Veseli, ka deklaruar për lajmi.net se në aksident janë përfshirë tri vetura me targa vendore.

Ndërkaq, edhe dy persona të tjerë janë duke marrë trajtim mjekësor si pasojë e lëndimeve nga aksidenti që ndodhi në dalje të Shtimes.

Nga QKUK-ja kanë deklaruar për lajmi.net se dy persona të lënduar në aksident janë duke marrë trajtim në Klinikën Emergjente në QKUK.

“Një femër e datëlindjes 1996, është në gjendje të rëndë, ekipet mjekësore po bëjnë maksimumin, kurse personi tjetër që po merr trajtim ka lëndime më të lehta!”, kanë bërë të ditur nga QKUK.

Policia e Kosovës ka nisur hetimet rreth rastit. /Lajmi.net/

Tahiri: Ne mund ta ngrehim Kurtin zhag nga Kuvendi, por nuk mund ta ndalojmë me hapa legal

Shefi i Grupit Parlamentar të PDK-së, Abelard Tahiri, ka deklaruar se partia e tij nuk ka mundësi legale ta ndalë kryeministrin Albin Kurti nëse tenton ta bëjë marrëveshje të dëmshme.
Pasi moderatori ia kujtoi Tahirit rezistencën e bërë nga Lëvizja Vetëvendosje për Asociacionin, duke i thënë se ata kanë hedhur edhe gaz lotsjellës për të, është kundërpërgjigjur edhe ky i fundit.

“Ne edhe mund ta ngrehim zhag nga Kuvendi, po për ta ndalur prej këtij angazhimi nuk kemi mundësi, hapa legalë nuk kemi mundësi të bëjmë. Mund të jemi ende më të vrazhdë se ai”, ka deklaruar Tahiri.

Tutje, ai tha se në rast se nënshkruhet marrëveshja, Kurti nuk do ta sjellë atë në Kuvendin e Kosovës.

“Nuk besoj që Kurti do ta sjellë këtë marrëveshje në Kuvend, ashtu si nuk është votuar marrëveshja e Uashingtonit. Kurti po merr zotime dhe po merr veprime pa i sjellë në Kuvend”, ka thënë ai.

Tahiri tha se PDK ka shpreh..

​Policia Kufitare parandalon kontrabandimin e deleve nga Serbia

Policia Kufitare e Kosovës ka bërë të ditur se ditën e sotme, në orët e pasdites në fshatin banjë, komuna e Zubin Potokut, kanë vërejtur dy persona të dyshuar që kanë sjellur disa dele nga territori i Serbisë në territorin e Republikës së Kosovës.
“Njësitet policore kufitare kanë ndërmarrë veprime të menjëhershme për trajtimin e këtij rasti të dyshuar të kontrabandës. Megjithëse kafshët e kontrabanduara janë lokalizuar nga Policia, personat e dyshuar duke shfrytëzuar terrenin malor në atë zonë kanë depërtuar dhe janë larguar në territorin serb. Policia e Kosovës ka informuar autoritetet doganore dhe AVUK-un lidhur me rastin për procedura të mëtejme, përderisa në bashkëpunim me Prokurorinë është iniciuar edhe rasti “ kontrabandim me mallra”, thuhet në njoftimin e policisë Kufitare.

Njoftimi i plotë nga policia:

Policia Kufitare e Kosovës, konkretisht zyrtarët policor në teren, gjatë realizimit të detyrave dhe autorizim..

Kusari-Lila për Haki Abazin: Hidhërimin e ka në diçka tjetër

Kryetarja e grupit të VV-së në Kuvendin e Kosovës, Mimoza Kusari Lila, ka komentuar deklaratat e Haki Abazit të bëra në hollin e Kuvendit të Kosovës e ku hedh akuza ndaj saj.
Abazi, që është deputet i VV-së, është shkarkuar nga posti i kryetarit të komisionit për politikë të jashtme, ndërsa ai ka hedhur akuza ndaj Kusari Lilës që po ngulfat fjalën e lirë brenda VV-së së bashku me nënkryetaren e Kuvendit, Saranda Bogujevci.

“Nuk kemi fuqi edhe po të duam unë dhe Saranda që të ngulfasim fjalën e lirë brenda VV-së”, tha ajo në T7.

Abazi po ashtu i ishte referuar Kusari Lilës si “çadra e Gadafit” dhe ka thënë se ajo ka shkatërruar edhe grupe tjera parlamentare para VV-së. Por kjo mendon se hidhërimi i Abazit është me diçka personale.

“Dy vjet janë në pyetje. Cilat janë iniciativat që i ka marrë. Kjo nuk qëndron. Nuk jam marrë me të në nivel personal. Konsideroj se është shpërthim i pakënaqësisë që ka pasur në vazhdimësi që ë..

Krasniqi: Nuk mund të ketë shtet të zhvilluar pa sektor privat të fuqishëm

Kryetari i Partisë Demokratike të Kosovës, Memli Krasniqi ka takuar sot në Gjilan ndërmarrës dhe përfaqësues të bizneseve.
Krasniqi është njoftuar me sfidat e tyre të përditshme, sidomos tani në këtë periudhë të krizës ekonomike.

‘Ata ndanë shqetësimin për mungesën e fuqisë punëtore, sepse shumë profesionistë po e lënë Kosovën në mungesë të perspektivës në vend. Ky fakt, përveç i dhimbshëm, është edhe shqetësues. Me këtë trend të ikjes, Kosova po rrezikon të mbetet një vend i braktisur. Keqqeverisja dhe trajtimi armiqësor ndaj bizneseve, po i dekurajon ndërmarrësit. Kjo politikë i ka larguar edhe ata pak investitorë të huaj që kishin filluar ta shohin Kosovën si vend potencial për investime”, ka shkruar Krasniqi në Facebook.

“Shteti duhet të ketë rolin e vet vetëm si partner dhe krijues i kushteve më të mira për bizneset të cilat duke u rritur e forcuar, krijojnë vende pune të qëndrueshme me paga dinjitoze”,..