Author: admin

Tahiri: Sot amatorët mashtruan punëtorët, ekzekutuan të ashtuquajturat paga

Gjatë ditës së sotme është bërë ekzekutimit të pagave në sektorin publik me koeficient të ri. Lidhur me këtë çështje ka pasur shumë reagime si nga opozita ashtu edhe nga shoqëria civile.
Kryetari i Grupit Parlamentar të AAK-së, Besnik Tahiri, ai ka kritikuar shpërndarjen e pagave duke thënë se punëtorët u mashtruan, përcjell lajmi.net.

Në një postim në Facebook, Tahiri ka shtuar se mënyra si janë shpërndarë pagat është agjendë politike e Qeverisë.

“Sot amatorët vendimmarrës dhe një kontigjent i vogël jo profesionistësh, ekzekutuan të ashtuquajturat Paga. Sot, shumica dërrmuese e profesionistëve në administratën publike, mbi 80 mijë u fyen, u tallën, u mashtruan. Ata në vend të pagave, pranuan transfere kuturu. Disave nuk u janë llogaritur shtesat, të tjerëve përvoja, rrëzikshmëria, të tjerëve kompensimet tjera, e kështu me radhë. Prapa kësaj qëndron agjenda politike e kësaj qeverie, pranoni pagat ose lëreni..

Mjerim: Komuna e Klinës lëshon gabime banale drejtshkrimore

Drejtoria e Financave, Ekonomisë dhe Zhvillimit në Komunën e Klinës, duket se ka probleme të mëdha me drejtshkrimin.
Në një vërejtje të lëshuar nga kjo komunë vërehen gabime të shumta drejtshkrimore.

Nën nënshkrimin e drejtorit Enver Berisha, kjo letër nuk ka asnjë paragraf që nuk ka gabime.

“Vaxhdim” për vazhdim, “qiten” për vendosen, janë vetëm disa nga shprehjet me të cilat ka çuditur komuna e Klinës.

Mos njohja e gjuhës shqipe duket se është duke paraqitur probleme edhe tek kuptimësia e përmbajtjes së dokumenteve të lëshuara./Lajmi.net/

Tërmet në Shqipëri

Një tërmet ka goditur para pak minutash Shqipërinë.
Sipas Qendrës Evropiane për Monitorimin e Tërmeteve, goditjet ishin të shkallës 4.2 ballë, shkruan lajmi.net.

Epiqendra e tërmetit ishte 24 kilometra në jug-lindje të Elbasanit.

Thellësia e goditjes ishte 10 kilometra. /Lajmi.net/

Zëdhënësi i BE-së: Objektivi i dialogut nuk është njohja

Zëdhënësi i Bashkimit Evropian, Peter Stano i pyetur nga një gazetar se a përmban njohje marrëveshja në mes të Kosovës dhe Serbisë për normalizim të raporteve ai ka thënë seqëllimi i dialogut nuk është njohja.
Në një konferencë të rregullt për media, Stano deklaroi se objektivi i BE-së është që të arrihet marrëveshje finale gjithëpërfshirëse.

“Pra përgjigja është jo, sepse objektivi i dialogut nuk është njohja. Objektivi i dialogut është normalizimi i marrëdhënieve ndërmjet Serbisë dhe Kosovës. Ndërsa përmbajtjen e normalizimit e përcaktojnë të dy palët, ndaj u takon atyre”, tha ai.

“BE-ja është një lehtësuese, ne nuk po i diktojmë se çfarë duhet të bëjnë dhe po i ndihmojmë ata të arrijnë atje në frymën e pjekurisë evropiane dhe kompromisit evropian për të mirën e popullit të tyre, por objektivi dhe mandati i BE-së në këtë dialog është t’i ndihmojë ata të arrijnë marrëveshjen përfundimtare gjithëpërfshirëse ligjërisht të dety..

Sefaj: Ministria ose nuk ka ditur ose i ka gënjyer qëllimisht mësimdhënësit

Ali Sefaj, udhëheqës i Këshillit Grevist të Shërbyesve Civilë, ka reaguar sot pas ekzekutimit të pagave me rritje në sektorin publik.
Duke e bashkëngjitur një tabelë si janë përshkuar rritjet e pagave, Sefaj është shprehur se ministria e Financave ose nuk ka ditur që t’i llogarisë pagat ose i ka gënjyer me qëllim mësimdhënësit, përcjell lajmi.net.

“Ministria e Financave ose nuk ka ditë mi llogaritë pagat ose i ka rrejtë me qëllim mësimdhënësit. Rritja në arsim është rreth 80 euro, ndërsa nga Ministria e Financave mashtronin qe rritja është 150, 167 dhe 175 euro. Njëjtë i kanë mashtruar të gjitha sektorët, përjashto oborrtaret qeveritar: ministra, zv ministra, deputet, kryetar komunash, këshilltar, drejtor në komuna dhe asamblistë. Mbasi na e keni sjellë njohjen nga Serbia edhe rrenat po ua bejmë hallall!”, ka shkruar Sefaj në Facebook./Lajmi.net/

Hoti: Nga mundësia për njohje reciproke, dialogu ka përfunduar me diskutim për zbatimin e Asociacionit

Ish- kryeministri i Kosovës, Avdullah Hoti, ka reaguar rreth takimit të djeshëm të kryeministrit të Kosovës, Albin Kurti dhe presidentit të Serbisë, Aleksander Vuçiq, në Bruksel.
Hoti e ka quajtur degradim duke shtuar se nga mundësia për njohje reciproke, dialogu ka përfunduar me diskutim për zbatimin e Asociacionit, përcjell lajmi.net.

‘’Nga mundësia për nënshkrim të marrëveshjes finale për njohje reciproke në Shtëpinë e Bardhë apo në qendrat e tjera të Quintit, dialogu ka përfunduar në Shkup dhe atë për të diskutuar datën dhe detajet e zbatimit të asociacionit’’, ka shkruar deputeti.

Postimi i plotë:

Çfarë degradimi!

Nga mundësia për nënshkrim të marrëveshjes finale për njohje reciproke në Shtëpinë e Bardhë apo në qendrat e tjera të Quintit, dialogu ka përfunduar në Shkup dhe atë për të diskutuar datën dhe detajet e zbatimit të asociacionit./Lajmi.net/