Vajza e Sylvester Stallone tërheq vëmendjen në tapetin e kuq, shfaqet me fustan saten në ngjyrë shampanje

Vajza më e vogël e Sylvester Stallone, Scarlet, tërhoqi vëmendjen në tapetin e kuq gjatë aktivitetit PaleyFest në New York, ku u shfaq krah prindërve të saj.

24-vjeçarja u paraqit me një fustan elegant saten në ngjyrë shampanje, me rripa të hollë dhe gjatësi deri te gjunjët, të cilin e kombinoi me këpucë të zeza dhe një pamje të kuruar.

Edhe Sylvester Stallone dhe bashkëshortja e tij, Jennifer Flavin, u shfaqën me veshje elegante.

Rocky in Dad Mode: Sylvester Stallone’s Family Night at PaleyFest NY 🎬 @TulsaKing Sylvester Stallone and Jennifer Flavin with their daughter, Scarlet Rose Stallone, on the PaleyFest NY carpet. As Scarlet walked past her dad during the cast photo, he stopped her and made sure she stood right beside him for the group photo. A sweet family moment at the Tulsa King event.Scarlet plays Spencer in the new season, premiering October 16 on Paramount+. — New York Mickey (@MickmickNYC) October 11, 2026

Aktori kishte zgjedhur një xhaketë blu me kuadrate, teksa Flavin u paraqit me një kombinim bardhezi.

Familja mori pjesë në këtë aktivitet kushtuar serialit “Tulsa King”, ku Stallone luan personazhin kryesor, Dwight Manfredi, e Scarlet është pjesë e kastit në rolin e Spencer.

Personazhi i saj shfaqet fillimisht si kameriere, përpara se të nisë një punë në një fermë kuajsh.

Gjatë mbrëmjes u shfaq edhe episodi i parë i sezonit të katërt të serialit.

View this post on Instagram A post shared by scar (@scarletstallone)

Në këtë aktivitet, Stallone dhe skenaristi Terence Winter u nderuan gjithashtu me një çmim nga PaleyFest, duke shënuar një tjetër moment të rëndësishëm në karrierën e aktorit.

Scarlet është vajza më e vogël e Sylvester Stallone dhe Jennifer Flavin, të cilët këtë vit festuan 29-vjetorin e martesës.

Ajo ka dy motra më të mëdha, Sophia dhe Sistine.

Familja ka kaluar edhe një humbje të dhimbshme, pasi djali i aktorit nga martesa e tij e parë, Sage Stallone, ndërroi jetë në vitin 2012, në moshën 36-vjeçare. /Telegrafi/