Policia gjen armë, mjete shpërthyese dhe municion në shtëpinë e ​një shkupjani

Prokuroria themelore Shkup solli Urdhër për zbatim të procedurës hetimore ndaj një shkupjani 33-vjeçar për vepra penale – përpunim i paautorizuar, mbajtje, ndërmjetësim dhe tregtim me armë apo materie shpërthyes.

“Gjatë bastisjes në shtëpinë e të dyshuarit, policia zbuloi dhe konfirskoi sasi më të madhe armatimi, municioni dhe materies shpërthyese e cila është e ndaluar për qytetarët – një bombë dore “M75” me sfera të implementuara metalike me diametër prej rreth 2mm me veprim copëzimi, gjithsej 240 plumba të kalibrit të ndryshëm, pistoletë “Cërvena Zastava” të kalibrit 7.65 mm, me një karikator me shtatë plumba,l pistoletë “Bereta”, me karikator në të cilin ka pasur gjashtë plumba, si dhe rreth 7 gramë marihuanë”, thuhet në kumtesën e Prokurorisë Publike të Shkupit.

Në banesë është gjetur edhe çelësi i motorit për të cilin ekzistojnë njohuri operative se është prëdorur gjatë kryerjes së veprës penale – vrasje.

Meqenëse ekzistojnë rrethana që implikojnë se masa e paraburgimit është e domosdoshme për zhvillim të papengueshëm të procedurës penale, prokurori publik parashtroi edhe propozim për caktim të masës më të rreptë.