Përplasje të forta, nisin shoqërimet e para nga policia

Policia ka ndërhyrë me gaz lotsjellës dhe ujë me presion për të shpërndarë protestuesit e mbledhur para Ministrisë së Arsimit, në ditën e gjashtë të protestës së studentëve dhe gjimnazistëve.

Pas përshkallëzimit të situatës, turma është zhvendosur drejt qendrës së Tiranës, në hyrje të Rrugës së Durrësit, ku efektivët kanë nisur shoqërimet e para.

Përplasjet nisën pasi protestuesit sulmuan me gurë dhe molotov autobotin e policisë që përdoret për hedhjen e ujit, ndërsa uniformat blu u kundërpërgjigjën me gaz lotsjellës dhe ujë me presion.

Ndërkohë, bilanci i pesë ditëve të para të protestave shkon në 272 persona të lënduar. Sipas të dhënave të raportuara, 169 prej tyre janë punonjës policie, 82 protestues dhe 21 kalimtarë.

LSA PHOTO LSA PHOTO LSA PHOTO LSA PHOTO