Nga 82 zëvendësministra te 53 milionëshi, skandalet që po e shuajnë AAK-në

nga Faton Mehmeti

Për herë të parë që nga themelimi, Aleanca për Ardhmërinë e Kosovës hyn në zgjedhjet e 7 qershorit pa Ramush Haradinajn kandidat për kryeministër. Një vendim që nuk vjen nga vizioni i ri, por nga pesha e dështimeve të akumuluara ndër vite.Kur një parti ndërton gjithë identitetin e saj rreth një figure të vetme, momenti kur ajo figurë tërhiqet nga gara nuk është reformë është alarm. Dhe ky alarm po bie fort për AAK-në.

Dështimi nuk matet vetëm me vota të humbura, por me mungesë drejtimi, me ide të konsumuara dhe me një elektorat që nuk e gjen më veten në një projekt politik që dikur premtonte shumë e sot mezi dëgjohet. AAK nuk po e ndryshon fytyrën po përpiqet të mbulojë lodhjen e saj.

Por rënia e AAK ka ndodhur për disa arsye, ndër ato me kryesore janë si vijon.

Gjatë kohës sa ishte në pushtet, AAK në koalicion me PAN (2017-2019) me Ramush Haradinajn kryeministër, është shoqëruar me disa vendime skandaloze.

Këtu janë disa nga pikat kryesore të përmendura:

1:Qeveria me 82 Zëvendësministra: Gjatë vitit 2018, Qeveria Haradinaj u etiketua si një nga qeveritë më të mëdha në botë për nga numri i stafit politik, duke emëruar mbi 80 zëvendësministra, secili me staf përcjellës, paga dhe privilegje, gjë që rriti ndjeshëm shpenzimet e buxhetit të shtetit.

2:Afera me 53 Milionë Euro për “Bechtel-Enka”: Një nga skandalet më të mëdha financiare ishte pagesa shtesë prej 53 milionë eurosh (shpesh e referuar si 52-53 milionë) konsorciumit “Bechtel-Enka” për ndërtimin e autostradës “Arbën Xhaferi”. Ish-Ministri i Infrastrukturës, Pal Lekaj (AAK), insistoi në këtë pagesë, e cila u arsyetua me vonesa në pagesa, por që prokuroria e konsideroi dëm për buxhetin. Ky rast u shoqërua me akuza për keqpërdorim të detyrës zyrtare.

3:Çakorri dhe Demarkacioni: AAK ka qenë kundërshtari më i zëshëm i marrëveshjes së demarkacionit me Malin e Zi, duke premtuar se do të kthejë “tokat e Çakorrit”. Megjithatë, pas ardhjes në pushtet, Ramush Haradinaj e procedoi për ratifikim marrëveshjen e njëjtë në Kuvend, gjë që u pa si një “kthesë” nga premtimet elektorale.

4:Shfrytëzimi i Buxhetit për Projekte të Dyshimta: Kritika të shpeshta janë bërë për ndarjen e mjeteve buxhetore për filma apo projekte kulturore pa kritere të qarta, si dhe përdorimin e rezervave shtetërore për qëllime jo të emergjencave.

5:Luksi dhe Shpenzimet e Haradinajt: Ramush Haradinaj është kritikuar për stilin e tij të qeverisjes, i cili shpesh është shoqëruar me luksin e shfaqur, udhëtime të kushtueshme dhe vendime për rritjen e pagës së tij dhe stafit të tij, duke shkaktuar reagime të shumta në publik.

6:Sipas të dhënave të Pasqyrave Vjetore Financiare për vitin 2018 të Republikës së Kosovës, nga buxheti i vendit janë shpenzuar 3 milionë e 409 mijë euro për dreka zyrtare.

Si dhe, diskursi i gabuar i Ramushit ndaj qeverisë aktuale ku shpesh e akuzon për vendime që vet i kanë kryer.Në zgjedhjet e 7 qershorit, AAK e ka shumë të vështirë të kalojë pragun si hap tjetër drejt shuarjes së saj.