Moldavia mbyll hapësirën ajrore pasi një dron i tipit Shahed u drejtua drejt Kishinjevit
Moldavia mbylli përkohësisht hapësirën e saj ajrore të martën, pasi një dron sulmues i tipit Shahed u zbulua duke fluturuar drejt kryeqytetit, Kishinjev.
Presidentja Maia Sandu deklaroi se disa dronë rusë kishin shkelur hapësirën ajrore moldave gjatë ditës, përfshirë një mbi Kishinjev.
“Lufta e Rusisë kërcënon të gjithë Evropën”, shkroi Sandu në një postim në rrjetet sociale, duke shtuar se do të vazhdojë të kërkojë vendosjen e sanksioneve ndaj Moskës dhe të mbështesë Ukrainën, transmeton Telegrafi.
Sipas një deklarate të Ministrisë së Mbrojtjes, hapësira ajrore u mbyll në orën 16:27 sipas kohës lokale, për arsye sigurie, pasi ishte raportuar se një dron i tipit Shahed po lëvizte nga jugu në drejtim të sektorit Botanica të Kishinjevit.
❗️The Russian drone Gerbera-2 has again violated Moldova’s airspace. The drone was spotted in the sky over Chisinau. https://t.co/tBb0nzDiPK — 🪖MilitaryNewsUA🇺🇦 (@front_ukrainian) November 17, 2026
Moldavia, e cila kufizohet me Ukrainën, është përballur gjatë këtij viti me një numër në rritje të rasteve të depërtimit të dronëve në hapësirën e saj ajrore. Këto incidente besohet të jenë të lidhura me përhapjen e efekteve të luftës së Rusisë kundër Ukrainës përtej kufijve të saj.
Ministria e Mbrojtjes u bëri thirrje qytetarëve të mos u afrohen dhe të mos prekin objektet e dyshimta fluturuese apo mbetjet e tyre, pasi ato mund të përmbajnë “përbërës shpërthyes”.
Ministri i Jashtëm i Moldavisë, Mihai Popșoi, e cilësoi incidentin e fundit si “shkelje serioze të sovranitetit tonë” dhe “kërcënim të drejtpërdrejtë për sigurinë e qytetarëve tanë”.
Moldova has urgently closed its airspace amid reports of groups of Shahed-type drones heading toward Chișinău. A strike threat has been reported, and aviation has not yet been deployed to repel a potential attack.The video shows a drone over Chișinău, which Moldovan media have visually identified as a Russian Geran-2-type kamikaze drone. — Anton Gerashchenko (@Gerashchenko_en) November 17, 2026
“Rusia duhet t’i ndalë veprimet që rrezikojnë Moldavinë dhe sigurinë rajonale”, deklaroi ai.
Ndërkohë, policia bëri të ditur se kishte pranuar telefonata nga banorë të Kishinjevit dhe të qytetit Florești, të cilët raportuan se kishin dëgjuar shpërthime ose zhurma të forta gjatë së martës. /Telegrafi/
