Kur një pushtet i korruptuar harton ligje për të imunizuar veten, kush e mbron qytetarin…!?

November 1, 2026 admin

Ditët e fundit, në rrjete sociale po qarkullon një material audio, në të cilin dëgjohet qartë dhe pa ekuivok zëri i deputetit socialist Ulsi Manja, njëkohësisht edhe Kryetar i Komisionit Parlamentat të Ligjeve në Kuvendin e Shqipërisë.

Në këtë material, z.Manja i drejtohet personalisht, (duke e përmendur me emër), deputetes Aulona Bylykbashi, dhe, në prani të kolegëve të tij socialistë në këtë komision, shprehet hapur dhe në mënyrë të prerë:

“Qëllimi është që, për Guvernatorin e Bankës, zonja Bylykbashi, të mos merret asnjë masë shtrënguese ndaj tij, për shpërdorim detyre. Pikë! Shumë qartë…”

Një deklarim i tillë, i shprehur në mënyrë kaq kategorike gjatë një mbledhjeje të një komisioni parlamentar dhe në prani të deputetëve të tjerë, meriton vëmendje të veçantë, por mbi të gjitha kërkon një sqarim të plotë dhe publik.

Kjo është edhe më e domosdoshme për shkak të ndjeshmërisë dhe rëndësisë së çështjes që preket, e cila lidhet drejtpërdrejt me interpretimin dhe përcaktimin e përgjegjësisë ligjore për veprën penale të “shpërdorimit të detyrës”, si dhe me masat ligjore që mund të ndërmerren në raste të tilla.

Pra, Kryetari i Komisionit të Ligjeve në Kuvendin e Shqipërisë, jo vetëm shpreh qëndrimin e tij, por kërkon t’ua imponojë atë edhe ligjvënësve socialistë, duke i vënë në rresht përmes diktatit të shumicës parlamentare dhe votave të kartonave.

Në këtë mënyrë, ai del hapur në mbrojtje të Guvernatorit të Bankës së Shqipërisë, Gent Sejko, duke i ofruar një mbështetje të paprecedentë dhe të pakushtëzuar edhe në rastet nëse ai do të përballet me akuza “për shpërdorim detyre”.

Ky deklarim, i koordinuar antikushtetues, afërmendsh i dirigjuar nga Kryeministri Edi Rama dhe i artikuluar përmes zërit të tij në Komisionin e Ligjeve, Ulusi Manjës, synon të imponojë, pa asnjë konsultim apo debat parlamentar, një mburojë të re imuniteti për Guvernatorin e Bankës së Shqipërisë, Gent Sejko.

Një mburojë, që kërkohet t’i jepet pikërisht në një kohë kur mbi të rëndojnë akuza dhe pikëpyetje serioze: nga skandali i mikrokredive dhe mënyra e menaxhimit të tregut valutor, deri te pretendimet për punësimin në Bankën e Shqipërisë të familjarëve të politikanëve të mazhorancës dhe opozitës.

Në vend që të kërkohet transparencë e llogaridhënie, po tentohet të ndërtohet një tjetër mur mbrojtës institucional.

Por, a është ky një mekanizëm për të garantuar pavarësinë e institucionit apo një mburojë politike ndaj përgjegjësisë?

Drejtësia dhe kryesisht SPAKU, duhet të hetojë që faktet të bëhen publike dhe askush të mos jetë mbi ligjin, pavarësisht postit apo lidhjeve politike.

Nisur nga ky episod flagrant, i ndodhur në Komisionin e Ligjeve të institucionit më të lartë kushtetues, lind pyetja:

Me çfarë të drejte z. Ulusi Manja, harton, propozon dhe imponon ligje antikushtetuese që u shërbejnë politikanëve dhe zyrtarëve më të lartë të shtetit, të cilët abuzojnë me pushtetin, shpërdorojnë detyrën dhe cenojnë interesin publik, duke u krijuar imunitet nga përgjegjësia ligjore?

Mos vallë ligji është kthyer në privilegj dhe pronë private për pushtetarët dhe zyrtarët e lartë, ndërsa për qytetarët e zakonshëm dhe të pambrojtur shërben si një “kamxhik” ndëshkues, me të cilin mund të fshikullohen sipas dëshirës dhe oreksit të pushtetit?

Mos vallë ligjet hartohen sipas interesave dhe nevojave të Ramës dhe Ulusiut, për t’u përdorur si instrumente presioni dhe ndëshkimi ndaj qytetarëve, ndërkohë që ata që ushtrojnë pushtetin sillen sikur qëndrojnë mbi ligjin?

Apo, parimi themelor i shtetit të së drejtës, sipas të cilit ligji është i barabartë për të gjithë dhe askush nuk mund të qëndrojë mbi të, vlen ende në Shqipërinë e sotme, ku prej muajsh sheshet buçasin nga protestat e qytetarëve dhe studentëve, të cilët ngrihen pikërisht kundër korrupsionit qeveritar dhe këtyre standardeve të dyfishta, që në fakt, kërkojnë barazi përpara ligjit?

Në një shtet të së drejtës, askush nuk duhet të jetë mbi ligjin dhe askush nuk duhet të ketë privilegjin të mbrojë veten me ligje të hartuara sipas interesave të veta.

Ligji duhet të jetë mburojë për qytetarin dhe shpatë kundër abuzimit me pushtetin, jo strehë për ata që e keqpërdorin atë!

Përballë kësaj toblloje, a po ndërtojmë një shtet të së drejtës, apo një sistem ku ligji bëhet mburojë për ata që kanë pushtetin?

Ajo që ka ndodhur në një parlament me shumicën e kartonave të mazhorancëa docialiste, nuk është thjesht një debat për nene, paragrafë dhe procedura ligjore, por një çështje sensitive që prek drejtpërdrejt themelet e demokracisë, barazinë para ligjit dhe besimin e qytetarëve te shteti.

Shqipëria po përballet me një debat thellësisht shqetësues: ndryshimet që lidhen me kufizimin e mundësisë së pezullimit nga detyra të funksionarëve të lartë, përmes ndërhyrjes në nenin 242 të Kodit të Procedurës Penale, dhe miratimi i ligjit të ri për “Bankën e Shqipërisë,” me mbrojtjen e posaçme procedurale të parashikuar në nenin 72 për Guvernatorin.

Të dyja këto nisma, duhen shqyrtuar me vëmendje të veçantë, secila në përmbajtjen, qëllimin dhe pasojat që mund të sjellë.

Pavarësia institucionale është një parim themelor dhe i panegociueshëm i shtetit të së drejtës. Por, ajo nuk mund të shndërrohet në paprekshmëri për titullarët e institucioneve, ashtu sikurse garancia për ushtrimin e pavarur të funksionit nuk mund të përdoret si strehë për t’iu shmangur përgjegjësisë ligjore.

Askush dhe asnjë institucion nuk mund të jetë mbi ligjin.

Nëse kjo nuk garantohet, atëherë çdokush ka të drejtë të shtrojë një pyetje të thjeshtë, të drejtpërdrejtë dhe thelbësore: Kush i kontrollon ata që ushtrojnë pushtetin dhe kontrollojnë institucionet e shtetit?

Kush e mbron interesin publik kur një ministër dyshohet për shpërdorim detyre? Kush garanton që drejtuesit e institucioneve financiare të japin llogari për vendimet dhe veprimet e tyre? Mbi të gjitha, çfarë mesazhi merr qytetari i zakonshëm, kur sheh se për njerëzit në majat e pushtetit krijohen garanci dhe mburoja të posaçme, ndërsa ndaj tij ligji zbatohet me të gjithë forcën e tij ndëshkuese?

Askush nuk kërkon që një ministër, një guvernator apo një drejtues institucioni të dënohet pa vendim gjykate. Sikurse, askush nuk po kërkon që institucionet të funksionojnë nën presion politik apo gjyqësor.

Por, të gjithë duan dhe kërkojnë diçka shumë më themelore: që askush të mos jetë mbi ligjin!

Imuniteti duhet të mbrojë funksionin nga presionet dhe ndërhyrjet arbitrare, jo individin nga hetimi dhe përgjegjësia. Përndryshe, ku përfundon pavarësia institucionale dhe ku fillon privilegji personal?

Është e papranueshme që ligji të perceptohet si një mekanizëm që përshtatet sipas nevojave të atyre që e hartojnë dhe e votojnë. Parlamenti nuk është pronë e shumicës qeverisëse, por institucioni që duhet të garantojë interesin e të gjithë qytetarëve, edhe të atyre që nuk e kanë votuar shumicën.

Këtu, lind pyetja më e rëndësishme: a po hartohen ligje për të forcuar institucionet, apo po krijohen mekanizma që mund t’i dobësojnë kontrollin dhe llogaridhënien e tyre?

Një shtet ku pushtetarët dhe zytrarët e lartë kanë më shumë mbrojtje sesa qytetarët kanë drejtësi, nuk mund të pretendojë se ka vendosur barazinë para ligjit.

Nuk mund të ketë një drejtësi për qytetarin e zakonshëm dhe një tjetër drejtësi për ata që kanë çelësat e pushtetit, ekonomisë dhe financave të vendit.

Ligji nuk është pronë e politikanëve dhe mburojë e ministrave të kurruptuar. As privilegj i guvernatorëve, jo edhe jo! Ligji është dhe duhet të jetë kontrata themelore që duhet të mbrojë shoqërinë nga arbitrariteti i pushtetit.

Prandaj, qytetarët sot, më shumë se kurrë kanë të drejtë të kërkojnë transparencë, të njohin arsyet e çdo ndryshimi ligjor dhe të dinë se kush përfiton prej tij, kush mban përgjegjësi dhe kush kontrollon zbatimin e ligjit.

Në një demokraci të vërtetë dhe funksionale, në një shtet të së drejtës, pushteti duhet t’i nënshtrohet ligjit dhe jo ligji t’i nënshtrohet pushtetit!

Nëse ligjvënësit shqiptarë, në mënyrë abuzive, hartojnë dhe miratojnë ligje, duke krijuar mburoja imunitare për të mbrojtur veten nga përgjegjësia ligjore, atëherë pyetja nuk është më vetëm se kush i kontrollon ata që ushtrojnë pushtetin, por edhe se kush e shpëton shtetin nga rrënimi i besimit të qytetarëve te drejtësia, te institucionet dhe vetë demokracia?

Për këtë, a kanë një përgjigje Kryeministri Edi Rama dhe kryetari i Komisionit të Ligjeve, Ulusi Manja?

A e ka menduar Kryeministri Rama se, edhe në rastin më të mirë, protestuesit, (të cilët prej katër muajsh protestojnë poshtë zyrës së tij kundër një qeverisjeje të akuzuar për abuzim me pushtetin dhe korrupsion domethënës), nëse do t’i përgjigjeshin pozitivisht ftesës së tij për një “dialog pa kushte”, ai do të mund të përballej me një pyetje thelbësore, legjitime dhe të pashmangshme, të cilën sot me të drejtë ia shtron çdo qytetar i Republikës së Shqipërisë?

Kush garanton që ligji të jetë i barabartë për të gjithë, se askush nuk është mbi të dhe se ata që e hartojnë dhe e miratojnë nuk mund ta përdorin atë si mburojë për t’i shpëtuar përgjegjësisë përpara drejtësisë?

Sepse dialogu politik mund të jetë një rrugë për zgjidhjen e një krize, por nuk mund të zëvendësojë llogaridhënien, të pezullojë drejtësinë apo të negociojë përgjegjësinë ligjore të kujtdo që ushtron pushtetin.

Pushteti mund të negociojë për zgjidhje politike, por përgjegjësia përpara ligjit nuk mund të jetë objekt pazari.

Evropa dhe Ballkani Perëndimor po përjetojnë një periudhë të veçantë të tensioneve politike, sociale dhe institucionale, e cila po shfaqet përmes protestave masive, mobilizimit të gjeneratave të reja, kundërshtimit të…

Diktaturat kanë shumë gjëra të ngjashme, por edhe dallime të mëdha. Megjithatë, një gjë e kanë plotësisht të përbashkët dhe të sigurt: rrëzimin dhe fundin e tyre. Mënyrat e shembjes janë të ndryshme….

Gjashtë ditë pas humbjes historike në zgjedhjet e 25 tetorit, Aleksandar Vuçiqi zgjodhi temën me të cilën do të rikthehej në skenë: Milan Radoiçiqin. Në një deklaratë për media serbe, të raportuar sot,…

Vrasja e Arlinda Zekajt në Vitomiricë të Pejës ka tronditur Kosovën dhe me të drejtë ka nxjerrë qytetarët në rrugë. Një grua që bëri gjithçka që i kërkonte ligji, që denoncoi dhunën, kërkoi…

Shqipëria nuk ka nevojë për riciklimin e krizave partiake, por për një përgjegjësi të re politike dhe kombëtare. Zhvillimet e fundit në Tiranë, ku studentët kanë refuzuar bashkimin me deputetët e Partisë Demokratike, duke…

Dorëheqja e drejtorit të Përgjithshëm të Policisë së Kosovës, kolonel Gazmend Hoxha, më 30 tetor 2026, pas vrasjes tragjike të Arlinda Zekajt në Vitomiricë të Pejës, përbën një zhvillim me rëndësi të…

Një javë pas vrasjes së Arlinda Zekajt në Vitomiricë të Pejës, Kosova ende nuk ka gjetur gjuhën e duhur për të folur për të. 49-vjeçarja kishte trokitur në çdo derë institucionale: kishte denoncuar…

Ka javë kur politika e një vendi tregon më shumë sesa në vite të tëra. Për Shqipërinë, kjo është e tillë. Të enjten, Kuvendi miratoi me 84 vota ligjin e ri për Bankën e Shqipërisë. Sipas nenit 72,…

Përpjekjet për largimin e Albin Kurtit dhe Donika Gërvallës nga pushteti nuk janë të sotme. Ato datojnë që nga ardhja e tyre në pushtet, me votën plebishitare të qytetarëve. Mes drejtësisë, sovranitetit dhe interesave të…

Arlinda Zekaj kërkoi ndihmë me shkrim disa herë, deri pak ditë para se ta vrisnin. Pesë ditë pas vrasjes, shteti ka pranuar zyrtarisht se me shumë gjasë ajo mund të ishte shpëtuar. Të premten, drejtori i Përgjithshëm i Policisë,…

Letra e dy kongresmenëve amerikanë, Joe Wilson dhe Keith Self, drejtuar Sekretarit amerikan të Shtetit, Marco Rubio, nuk duhet parë thjesht si një zhvillim diplomatik apo si një tjetër deklaratë që do të kalojë pa lënë gjurmë…

Vrasja e Arlindës në Kosovë nuk është vetëm një tragjedi familjare, ajo nxjerr në pah një plagë shumë më të thellë të shoqërisë sonë, tolerancën e fshehtë dhe mbështetjen e heshtur që…

Afrim Gashi dha një përgjigje shumë të qëlluar dhe diplomatike lidhur me zgjedhjet për Komunën e Bërvenicës. Mesazhi i tij, i shprehur me fjalët: „Le të zgjidhet më i miri!“, përmban një parim të…

Renditjet ndërkombëtare të universiteteve nuk janë thjesht tabela statistikore ku institucionet arsimore vendosen në pozicione të ndryshme. Ato janë një instrument për të vlerësuar cilësinë e arsimit të lartë, kapacitetin…

Që në ish- Jugosllavi R e Maqedonisë sipas kushtetutës federale, po dhe shtetërore nuk ka qenë vetëm e maqedonasve, por edhe e shqiptarëve dhe turqëve, që të jemi më decid, derisa Serbia, Kroacia, Sllovenia dhe Mali i Zi ishin shtete…

Mosfunksionimi i sundimit të ligjit është në prag nëse marrëdhëniet e brishta të besimit midis qeverisë dhe qytetarëve, dhe midis vetë qytetarëve, nuk përmirësohen." Këshilli i shtetit paralajmëron për…

Shteti ynë i ngjan një ndërtese, të cilën banorët e saj e kanë ndotur pa pushim për vite me radhë, por që tani janë mbledhur para hyrjes për të protestuar kundër erës së keqe. Askush nuk e pranon…

Vrasja e Arlinda Zekajt në Pejë nuk mund të kuptohet thjesht si një tragjedi familjare. Pas saj qëndron një histori e dhimbshme e konfliktit për përkujdesjen ndaj fëmijës, shfrytëzimin e pasurisë së përbashkët dhe…

Ballkani nuk është thjesht një hapësirë gjeografike në hartën e Evropës. Por është një rajon me histori të trazuar, me kujtesë të rëndë kolektive, me plagë që ende nuk janë mbyllur dhe me ëndrra…

Natyrisht, janë një tufë burimesh, faktorësh, forcash… që kanë ndezur dhe mbajnë në veprim krizat, trazirat, destabilitetin, protestat… në vendet kryesore të BE-së. Të brendshme e të jashtme. Të hershme e të reja apo…

Mospranimi eventual i kërkesave për dorëheqjen e ministres së Drejtësisë, Donika Gërvalla, dhe ministrit të Punëve të Brendshme, Xhelal Sveçla, pas protestave të 28 dhe 29 tetorit 2026, mund të shndërrohet në një…

Dhuna familjare – dukuri shoqërore dhe rrezik kriminal Nga këndvështrimi sociologjik dhe kriminologjik, vrasjet në kuadër të dhunës familjare nuk janë raste të izoluara, por pasoja të një dukurie që kërkon parandalim, trajtim…

Është vrarë me sëpatë nga kunati i saj, edhe pse kishte pasur nga Gjykata e Pejës një urdhër mbrojtës. U vra me sëpatë në shtëpinë e saj. Dyshohet se ky krim makabër ka ndodhur edhe në praninë e…

Në një demokraci, zbatimi i ligjit nga policia nuk është përgjegjësi personale e ministrit të Drejtësisë apo e ministrit të Brendshëm, aq më pak në kuptimin që ata të ndërhyjnë në vendimet e organeve të…

Katër ditë pas vrasjes së Arlinda Zekajt në Vitomiricë të Pejës, institucionet e Kosovës më në fund lëvizën. Policia pezulloi njëmbëdhjetë zyrtarë, mes tyre drejtuesin e rajonit të Pejës dhe komandantin e…

Vrasja e Arlinda Zekajt e ka tronditur Kosovën. Një grua që kishte trokitur në dyert e drejtësisë dhe kishte kërkuar mbrojtje, përfundoi viktimë e asaj prej së cilës kishte frikë. Para një tragjedie të tillë, zemërimi…

Qindra qytetarë të Kosovës dje demonstruan në mbrojtje të jetës së grave pasiqë ngjarja e fundit e sensibilizoi opinionin publik. Në vitet e fundit në Kosovë janë shtuar rastet e krimit dhe vrasjeve të grave. Për pasojë…

Sigurisht, po ndjek me vëmendje të shtuar jo vetëm humbjen e merituar, ose fundin pa lavdi të Aleksandër Vuçiç (ish-ministrit të propagandës të Millosheviçit/kasapit të Ballkanit si dhe për 14 vite Nr. 1 i Serbisë), por…

Shqipëria ka pasur profesorë të mëdhenj si Eqrem Çabej, Aleks Buda e shumë të tjerë, të cilët e ndërtuan autoritetin e tyre mbi dije të thella, kërkime shkencore dhe vepra me vlerë të qëndrueshme kombëtare. Sot,…

Zhvishe petkun e despotit, vish rason e murgut dhe IK! Pa e kthyer kokën pas, pa asnjë pendesë për zullumet e tua! Mendoje edhe një herë, me qetësi, dorëheqjen. Pastaj… IK! IK! Zhvishe petkun e sundimtarit, hiqe mantelin e pushtetit dhe…

Të mërkurën, në të njëjtën ditë, ndodhën dy gjëra që tregojnë sa larg kanë shkuar Tirana dhe Uashingtoni nga njëra-tjetra. Në Uashington, dy kongresmenë republikanë, Joe Wilson dhe Keith Self, i shkruan…

Arlinda Zekaj kishte në dorë një urdhër mbrojtjeje gjashtëmujor, një vendim gjykate që i njihte të drejtën mbi shtëpinë dhe një vlerësim të prokurorit se kthimi i menjëhershëm atje mund t’i rrezikonte jetën….

Ka fraza që shqiptohen nga njerzë t[ë mëdhej, por që nuk plaken kurrë. Ka fjalë që, ndonëse të thëna vite më parë, vazhdojnë të godasin ndërgjegjen e një kombi edhe sot. E tillë është…

Bashkimi Evropian-BE është një bashkim politik dhe ekonomik i 27 shteteve evropiane që bashkëpunojnë për të garantuar paqen, sigurinë, përparimin dhe zhvillimin e bashkimit. Objektivat e tij kryesore janë -Paqja dhe stabiliteti midis…

Rasti i Arlinda Zekajt dhe dështimi i familjes, shoqërisë dhe institucioneve shtetërore për ta mbrojtur jetën e gruas. Mos pritni që një grua të vritet për ta besuar. Mos pritni një funeral për të kërkuar përgjegjësi….

Protesta e sivjetme e nisur si e bukura e dheut me emrin “Flamingo” dhe që aktualisht po udhëton në rrugë e më shumë mendje si “Protesta studentore”, edhe ky një emërtim tërheqës për shoqërinë, në vetvete…

Lajmi se Vuçiqi i humbi zgjedhjet, e ka tronditur Ramën. Ne plot 14 vite jemi mësuar vetëm të korrim fitore, i shkruan Rama, Vuçiqit. Basti ynë se cili do binte i pari, më nxori fitues. Taktika jote (që të ma punosh mua) të zgjidhesh…

Zhvillimet politike dhe protestat në Shqipëri, aktgjykimi i Gjykatës Speciale ndaj ish-krerëve të UÇK-së, si dhe çështjet e pazbardhura nga periudha e luftës në Kosovë, janë ndër temat për të cilat ka folur Dritan…

Barazia gjinore mes djalit dhe vajzës duhet të mësohet në shtëpi dhe të përsëritet në kopsht, në shkollë dhe në fakultet. Burri shqiptar duhet të mësojë se pa dashuri, pa drejtësi dhe pa barazi, nuk ka as familje…

Me 3 shkurt 1990, në kohen kur arsimi shqip në Kosovë po përballej me një nga përiudhat më të rënda të historisë së tij, një grup arsimtarësh dhe drejtusish shkollash ndërmorren nismën historike për themelimin e…

Kur një universitet drejtohet nga një njeri që, sipas interesit të çastit, sillet si prokuror, si avokat, si gjykatës apo si ligjvënës, atëherë akademia rrezikon të shndërrohet në një aparat burokratik, ku procedura…

Urdhri i gjykatës, aktakuza dhe ndalimi nuk e shpëtuan Arlinda Zekajn. Hallkat që dështuan janë prokuroria dhe policia, por zhurma politike po drejtohet kryesisht te Ministria e Drejtësisë. Dorëheqja e një ministreje nuk ndreq zinxhirin që…

Serbia ka që nga korriku një dialog strategjik me Shtetet e Bashkuara. Kosova, aleatja më e sinqertë e Amerikës në Ballkan, e ka të pezulluar të sajin që nga shtatori i vitit 2025. Të premten e kaluar Ambasada amerikane në Prishtinë e tha…

Karakteri i hapur i demokracive përbën forcën e tyre, por përcakton edhe dobësinë e tyre. Ato janë të ndjeshme ndaj ndikimit nga kundërshtarët që mund të thirren në hapësirën dhe lirinë që ofron demokracia dhe nuk…

Ka njerëz që hyjnë në politikë për t’i shërbyer atdheut. Ka të tjerë që hyjnë në atdhe për t’i shërbyer vetvetes. Të parët e shohin pushtetin si përgjegjësi; të dytët si mundësi…

Lista Studentore do ta vazhdojë dialogun me Kosovën, të zhvilluar gjatë qeverisjes së mëparshme. Kjo nënkupton edhe zbatimin e Marrëveshjes së Brukselit për normalizimin e marrëdhënieve mes Kosovës dhe Serbisë, të…

Bota Sot shkroi se pas humbjes së Aleksandar Vuçiqit, Lista Serbe në Kosovë mbeti pa patron. Por Vuçiqi nuk humbi vetëm aleatin e tij në veri të Kosovës. Ai humbi edhe zërin e partnerit më të afërt që kishte në…