Dreri në Kanada “feston” Halloween-in, por në mënyrën e vet – ia mësyn kungujve dekorativë!

Një dre në Kanada ka gjetur mënyrën e vet për ta festuar Halloween-in, duke i ngrënë kungujt dekorativë para një shtëpie në Alberta.

Kafsha iu afrua ekspozitës festive dhe nisi të ushqehej me kungujt, duke e kthyer dekorimin në një tryezë të improvizuar.

Në vend të frikësimeve dhe ëmbëlsirave, dreri zgjodhi një menu krejt natyrale.

Duket se për të, Halloween-i nuk ishte festë për t’u parë, por për t’u shijuar! /Telegrafi/