“Dikur korrupsioni ishte vetë sistemi, tani po e luftojmë”, Rama: Protesta nuk ka më ‘Flamingo’, por disa zogj të tjerë dhe parti politike

Kryeministri Edi Rama ndodhet në Dublin të Irlandës, me ftesë të Institutit të Çështjeve Ndërkombëtare dhe Evropiane (IIEA), ku mban një fjalë përpara një audience ekspertësh të çështjeve evropiane dhe të Ballkanit, si dhe përfaqësuesve të trupit diplomat ik.

Fokusi i takimit është rrugëtimi evropian i Shqipërisë, nën temën “Udhëtimi Evropian i Shqipërisë: Nga aspirata te integrimi”, raporton tch.

“Ajo që më shqetëson është si të bëj më të mirën për vendin tim, si të sjell investime dhe çdo zhvillim të mbështetet në parimet dhe kufijtë ligjorë që duhet t’i përmbushin. Kur vjen fjala të gjykosh njerëzit kush i ndershëm e kush i korruptuar, nuk përcaktohet nga sheshi publik, por nga gjykata. Unë jam më i gjatë se Trump, por SHBA është shumë më e madhe se Shqipëria. Fakti që jam i gjatë nuk më bën t’i shoh njerëzit nga lart. Çdo gjë duhet bazuar te merita dhe te faktet. Jetojmë në një botë që po humb pikënisjen”, tha Rama.

Ai u pyet edhe me protesta, qindra mijëra shqiptarë që kanë dalë në shesh edhe për korrupsionin apo probleme të tjera.

“Qindra-mijëra është shifër që nuk përputhet me popullsinë tonë dhe përmasat e bulevardit. Në qershor pati vërtet disa protesta masive dhe u impenjuam për ta sjellë shtetin më parë shqiptarëve sa i përket shërbimeve online. Është fakt se ka pasur ndikim të huaj, nuk kam thënë se protestuesit janë dërguar në shesh nga regjimi iranian, por kam thënë se Irani ka futur duart përmes medias sociale. Pas fillimit të qershorit protesta nuk ishte e njëjta, nuk ka më flamingo. Ka zogj të tjerë dhe parti politike nga e djathta dhe e majta ekstreme. Pastaj kishte dhunë. A ka probleme me korrupsionin? Ka, por a jeni duke ndenjur me duar të lidhura apo po e luftojmë? Po e luftojmë për herë të parë. Deri para disa kohësh sistemi ishte korrupsioni. Jemi në pozitë të mirë””, tha Rama.

Pyetje: Po zhvillohet një takim në Abu Dhabi për Ukrainën, por po diskutohet edhe arkitektura e sigurisë së Europës. Si e shihni situatën në luftën në Ukrainë? Keni ndonjë ide sesi mund t’i jepet fund gjithë kësaj?

Rama: “Nuk është se niveli ynë i marrëdhënie me Rusinë ka rënë, ne nuk kemi marrëdhënie me Rusinë që në vitet 60’, kur diktatori ynë tha se do t’i rrijë besnike Stalinit. Kjo vazhdoi deri në 1990, më pas ne lidhëm marrëdhënie diplomatike, por në nivel shumë jodomethënës dhe jemi i vetmi vend në Evropë nga aeroporti i të cilit nuk ka pasur asnjë takim të nivelit të lartë me Kremlinin dhe fluturime direkte dhe sinqerisht, nuk na merr malli për Rusinë. Pa pasur frike se mund të konsiderohem buratin i Rusisë, mund të them se Evropa ka gabuar që hoqi dorë nga diplomacia dhe përqendroi gjithçka tek armatimet. Evropa gjithnjë është prirur drejt diplomacisë, jo drejt armatimeve. Ky ishte gabim që në ditën e parë. Evropa që ja jashtkontrakton këtë përpjekje për paqe Trumpit dhe Witkoff do të mbetet në histori si diçka e qortueshme. Që kur kam qenë fëmijë gjyshja ishte siguruar të më thoshte se fqinjët nuk janë zgjedhja jonë, po janë ato që janë. Rusia nuk do të shkojë asgjëkundi, nuk do të thotë se lufta do të vazhdojë përgjithmonë”.