Çerimagiq: Vulin e lidh mbështetjen e Putinit për Vuçiqin me bashkimin e serbëve në “Botën Serbe”

Analisti boshnjak Adi Çerimagiq ka analizuar deklaratat e Aleksandar Vulinit, ish-ministër i Mbrojtjes dhe ish-shef i inteligjencës serbe, i cili mbështetjen e presidentit rus, Vladimir Putin, për Aleksandar Vuçiqin e ka lidhur drejtpërdrejt me projektin e bashkimit të serbëve nën konceptin e “Botës Serbe”.

Në një postim lidhur me një intervistë të Vulinit, Çerimagiqi konsideron se ky i fundit e ka paraqitur mbështetjen e Putinit jo vetëm si përkrahje për Vuçiqin, të cilin presidenti rus e sheh si kryeministër të ardhshëm të Serbisë, por edhe si mbështetje për bashkimin e serbëve që jetojnë në shtete të ndryshme.

Gjatë intervistës, Vulin ka përshëndetur deklaratat e Putinit se serbët janë një popull i ndarë padrejtësisht në disa shtete dhe se, sipas presidentit rus, po ndëshkohen për një faj që nuk e kanë kryer.

“Kjo nuk ishte mbështetje vetëm për presidentin Vuçiq (…). Kjo është mbështetje për konceptin e Botës Serbe, është mbështetje për bashkimin e serbëve”, ka deklaruar Vulin.

Sipas përshkrimit të Çerimagiqit, Vulin ka vlerësuar se ndryshimet në rendin ndërkombëtar po krijojnë mundësi që ideja e bashkimit të serbëve të mos duket më e paimagjinueshme.

“Bota po ndryshon. Ajo që deri dje ishte e paimagjinueshme, që serbët të bashkohen, tani është shumë e imagjinueshme”, ka thënë Vulin.

Ish-zyrtari serb, i cili ka fajësuar presionin e Bashkimit Evropian për faktin se nuk mban aktualisht ndonjë post qeveritar, ka bërë të ditur se kandidimi i tij për president lidhet me synimin për ta shndërruar mbështetjen ruse në veprime konkrete.

“Është në dorën tonë dhe të kësaj gjenerate politikanësh të bëjmë gjithçka që mbështetjen e presidentit Putin, atë mbështetje të hapur për unitetin e popullit serb, ta shndërrojmë në realitet”, ka deklaruar ai.

Vulin ka paraqitur edhe një plan politik me dy hapa: fillimisht, qytetarët duhet të votojnë për listën e udhëhequr nga Vuçiqi në zgjedhjet parlamentare në Serbi, ndërsa më pas duhet të zgjedhin një president që do të luftojë për “Botën Serbe” përmes bashkimit të të gjithë serbëve. Ai e ka bërë të qartë se synon të jetë vetë ai presidenti që do ta udhëheqë këtë proces.

Çerimagiqi tregon se si Vulin e ndërthur mbështetjen e Moskës për udhëheqjen aktuale serbe me një projekt politik që synon bashkimin e serbëve përtej kufijve shtetërorë.

Koncepti i “Botës Serbe” lidhet me idenë e forcimit të lidhjeve politike dhe kombëtare mes serbëve që jetojnë në shtete të ndryshme të rajonit. Megjithatë, synimi i deklaruar për bashkimin e tyre ngre shqetësime për sovranitetin dhe integritetin territorial të vendeve të Ballkanit Perëndimor, në një rajon ku çështjet e kufijve dhe marrëdhëniet ndëretnike mbeten veçanërisht të ndjeshme.

In an interview, Aleksandar #Vulin, former defence minister and intelligence chief, now a vocal backer of Aleksandar #Vučić's party ahead of the parliamentary elections in 🇷🇸, praised #Putin for supporting Vučić as future prime minister and for saying that "the Serbs are an unjustly divided people, that we are unjustly divided across various states, that we are in essence being punished for a sin we did not commit."This, Vulin added, "was not support only for President Vučić (…) it is support for the concept of the Serbian world, it is support for the unification of the Serbs."Vulin, who blames 🇪🇺 pressure for leaving him without any government post, said: "The world is changing. What until yesterday was unimaginable, that the Serbs should unite, is now very much imaginable."Turning that into reality, Vulin said, is why he announced his presidential bid: "it is up to us and up to this generation of politicians to do everything to turn that support from President Putin, that vocal support for the unity of the Serbian people, into life."The path, as he set it out: First, Serbia must vote for Vučić-led list. Second, elect a president "with the courage to fight for the Serbian world. Through the unification of all Serbs." That president, he made clear, is himself. — Adi Ćerimagić (@adicerimagic) October 11, 2026