TË FUNDIT

Vazhdon gjykimi ndaj Pjetër Shalës i njohur si komandant ‘Ujku’

Në Dhomat e Specializuara do vazhdojë gjykimi ndaj Pjetër Shalës i njohur si Komandant ‘Ujku’ me dëgjimin e dëshmitarëve të Prokurorisë.
Ndryshe dje ka dëshmuar dëshmitari i mbrojtur i prokurorisë.

Gjykimi ndaj Shalës filloi më 21 shkurt 2023, ku i njëjti u deklarua i pafajshëm, ndërsa Prokuroria dhe mbrojtja e viktimave paraqitën deklaratat hyrëse.

Në deklaratën e tij para trupit gjykues, Pjetër Shala, i akuzuar për krime lufte, ka deklaruar se ka luftuar kundër një makinerie policie ushtarake të një regjimi kriminal të Slobodan Millosheviqit, por kurrë kundër civilëve.

Ndryshe aktakuza kundër Shalës u konfirmua më 12 qershor 2020 dhe versioni i redaktuar u bë publik më 15 prill 2021. Më 18 tetor 2021, gjykatësi i pocedurës paraprake miratoi pjesërisht mocionet e Mbrojtjes dhe urdhëroi ZPS-në që të ndryshojë aktakuzën në mënyrë që të ofrojë nivelin e kërkuar të konkretitetit dhe të qartësisë lidhur me pjesëmarrjen pe..

Mblidhen disa komisione parlamentare

Sot mbahet mbledhjet e disa komisioneve parlamentare.
Komisioni për Shëndetësi dhe Mirëqenie Sociale, bën shqyrtimin e Projektligjit për parandalimin dhe kontrollin e sëmundjeve ngjitëse.

Kurse në Komisionin për Çështje të Sigurisë dhe Mbrojtjes, do të ketë raportim të Kryeshefit Ekzekutiv i Inspektoratit Policor të Kosovës, Kushtrim Hodaj për raportin vjetor të punës për vitin 2022.

Ndërkaq Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, do të ketë diskutim lidhur me punën e deritanishme tё Komisionit Qeveritar për Njohjen dhe Verifikimin e Statusit të Personave të Dhunuar gjatë Luftës, si dhe aktivitet dhe sfidat e këtij komisioni. Tё ftuar: Përfaqësuesit e Komisionit Qeveritar për Njohjen dhe Verifikimin Statusit të Personave të Dhunuar gjatë Luftës;

Po ashtu sot bëhet shqyrtimi i Projektligjit për Parandalimin dhe Mbrojtjen nga Dhuna nё Familje, Dhuna ndaj Grav..

Shumë alarme të rrejshme në aeroportin e Prishtinës, por kush qëndron pas tyre?

Alarmi që rezultoi i rrejshëm për një kërcënim për bombë në Aeroportin Ndërkombëtar “Adem Jashari” Ish-inspektorit të AKI-së, Shkelzen Sopjani, përpos pjesë e luftës hibride mund të jetë edhe ndonjë pakënaqësi ose qëllim i dikujt në raport me aeroportin.
Përkundër që nuk është gjetur asgjë në vendin e ngjarjes, çorientimi i linjave të aeroplanëve dhe autobusëve në të kaluarën, sipas profesorëve që merren me fushën e gazetarisë është sinjal se është përmbushur një pjesë e misionit të atyre që qëndrojnë prapa alarmeve të rrejshme.

Për të disatën herë brenda pak muajve udhëtarët u detyruan të presin jashtë objektit të aeroportit.

Ata që ia mësynë aeroportit “Adem Jashari” të dielën u përballën me kërkesë që të dalin në oborr për shkak të raportimit për kërcënim me bombë.

Alarmi rezultoi i rrejshëm, ndërsa Policia e Kosovës raportoi se në aeroportin “Adem Jashari” nuk është gjetur asgjë e dyshimtë.

Raste ..

Nga Emergjenca flasin për gjendjen shëndetësore të të plagosurve në rrugën “Qamil Hoxha”

Të shtëna me armë zjarri pati sonte në qendër të Prishtinës, saktësisht në rrugën “Qamil Hoxha”.
Në këtë rast një person u plagos me armë zjarri, ndërsa një tjetër nga një mjet i mprehtë.

Në lidhje me këtë rast është deklaruar edhe drejtori i Emergjencës në Qendrën Klinike Universitare të Kosovës, Naser Syla.

Syla bëri të ditur se gjendja shëndetësore e të plagosurve është stabile.

Po ashtu ai tha se personi që është plagosur nga arma e zjarrit, trajtimin do ta vazhdojë në klinikën e Ortopedisë.

“Njëri është i plagosur me armë zjarri, ndërsa tjetri me mjet të mprehtë. Gjendja është stabile e të dyve. Pas ekzaminimeve të kryera, I plagosuri me armë zjarri do të pranohet në Klinikën e Ortopedisë për trajtim të mëtutjeshëm, kurse tjetri do të lëshohet për trajtim në shtëpi”,deklaroi Syla.

Ndërsa nga Policia e Kosovës derisa kanë konfirmuar rastin në fjalë kanë theksuar po ashtu se tashmë janë i..

Serbët në veri, asnjë cent për rrymë

Serbët në veri të Kosovës asnjë cent nuk po e paguajnë për shpenzimin e energjisë elektrike.
Natyrshëm nga kjo situatë ata as nuk janë në dijeni se është shtrenjtuar energjia elektrike. Asnjë nga marrëveshjet prej asaj të vitit 2013 dhe me atë shtesë të vitit 2015, por edhe të qershorit të vitit të kaluar, Serbia nuk e ka zbatuar me Kosovën, për energjinë elektrike. Ndërkohë që Qeveria e Kosovës vazhdon të paguajë miliona euro për ta.

Pas moszbatimit të marrëveshjes nga Serbia për energjinë elektrike, qytetarët serbë të komunave veriore vazhdojnë të mos e paguajnë asnjë cent për energji elektrike. Madje as nuk janë në dijeni se rryma do të shtrenjtohet për 14% nga muaji prill kur pritet të aplikohen tarifat e reja të energjisë.

“Kur të me punësojnë, e paguaj rrymën, kurrkush nuk ikën nga pagesa. Prej çka jetojmë ne, të papunë, askush prej familjes nuk punon, as unë as fëmijët e mi. Me çka ta paguajmë. Le të bëhet sa të dojë, si të tjerët edhe un..

Pranverë “ndryshe”, në Dragash bie borë

Kanë filluar reshjet e borës në fshatrat e komunës së Dragashit, mbrëmjen e së hënës.
Gjatë ditës së mërkurë në këtë komunë pritet të ketë temperatura nën zero.

Dragashi është prej komunave më malorë të Kosovës derisa bora në shumë raste mbetet deri në qershor.

Ndryshe, gjatë ditës së sotme në disa komuna ka pasur stuhi të forta të pasura me reshje shiu dhe breshëri.

Abazi flet për VV-në: Bislimi i tha Zybës s’mund të udhëheqim siç thoshim në opozitë

Deputeti pa subjekt politik aktualisht, Haki Abazi ka nxjerrë disa detaje të pathëna që janë zhvilluar në Grupin Parlamentar të Lëvizjes Vetëvendosje.
Ai ka treguar se zëvendëskryeministri Besnik Bislimi i ka thënë deputetit të LVV-së, Salih Zyba se “Vetëvendosja nuk mund të qeverisë ashtu siç ka premtuar kur ka qenë në opozitë”.

Sigurisht. Salih Zyba i ka pasur dy vërejtje në Grup Parlamentar dhe të del publikisht. I ka thënë ‘kujdes se tash nuk mundemi na me udhëheq me LVV-në në qeveri si ashtu qysh kemi thënë në opozitë, ka forma, kanë ndryshuar gjërat’”, shto ai në emisionin Pressing.

Ai po ashtu u shpreh se kur ka qenë në darkë me kryeministrin Albin Kurti, “më nxorën nga numri 8 në numrin 19”.

Konjufca udhëton për në SHBA, pritet të realizojë disa takime të rëndësishme

Kryetari i Kuvendit të Kosovës, Glauk Konjufca ka udhëtuar drejt Shteteve të Bashkuara të Amerikës.
Kjo është bërë e ditur nga shefi i kabinetit të tij, Ilir Kërçeli.

Ai theksoi se me Konjufcën filluan sot vizitën zyrtare distaditore në SHBA, e cila realizohet me ftesë të Kongresit Amerikan.

“Kryetari Konjufca do të marrë pjesë në Samitin e Dytë për Demokraci, që do të mbahet më 28-30 mars, si dhe në pritjen që Partneriteti për Demokraci i Dhomës së Përfaqësuesve (HDP) do të organizojë për lidershipin dhe deputetët e parlamenteve të shteteve partnere të HDP-së dhe shteteve të tjera”,tha ai.

Po ashtu Kërçeli theksoi se krahas pjesëmarrjes në aktivitetet e Samitit, është paraparë që Konjufca të zhvillojë takime me përfaqësues të lartë të Kongresit Amerikan dhe të Departamentit të Shtetit dhe përfaqësues politikë të shteteve të tjera, duke përfshirë edhe ato që nuk e kanë njohur ende shtetin e Kosovës./Lajmi..

Arrestohet personi i dytë pas konfiskimit të substancave narkotike në Mitrovicë

Një person është arrestuar të hënën e 27 marsit, i cili dyshohet për rastin e 24 marsit, ku është konfiskuar një sasi e drogës.
Me urdhër të prokurorit, i dyshuari është dërguar në mbajtje për 48 orë.

‘Sot më datë 27.03.2023 njësia e antidrogës (DHTN) Mitrovicë veri pasi hetimeve të bëra për rastin e datës 24.03.2023 ku është konfiskuar një sasi e drogës, kanë arrit të identifikojnë dhe lokalizojnë edhe një të dyshuar tjetër me iniciale (I. R.). I dyshuari i lartcekur është arrestuar dhe me urdhër të prokurorit kompetent është dërguar në mbajtje 48 orë për procedura të mëtejme ligjore. Si prova materiale Policia nga i dyshuari ka sekuestruar një automjet dhe një telefon, përderisa njësia e antidrogës