TË FUNDIT

“Njeriu i VV-së” merr detyrën e guvernatorit

Bashkim Nurboja, ish-kandidat i VV-së për deputet dhe më vonë kryetar të Pejës, është caktuar guvernator i përkohshëm i Bankës Qendrore të Kosovës.
Këtë e ka konfirmuar kjo e fundit përmes një komunikate të para pak çasteve, përcjell lajmi.net.

Ky vendim ka ardhur pas zhvillimeve të fundit, ndërsa siç edhe mund ta shihni në njoftimin e mëposhtëm, detyrën e merr kreu i bordit, e që është Reshat Nurboja.

“Bordi i Bankës Qendrore të Republikës së Kosovës, në mbledhjen e mbajtur më 29 mars 2023, mori vendimin si në vijim: Duke marrë parasysh rrethanat e krijuara si rezultat i përfundimit të mandatit të Guvernatorit të Bankës Qendrore, si dhe në mungesë të Zëvendësguvernatorëve me mandat të plotë (për shkak të përfundimit të mandatit), Bordi i Bankës Qendrore në mbledhjen e mbajtur më 29 mars 2023, në pajtim me nenin 46 të Ligjit nr.03/L-209 për Bankën Qendrore të Republikës së Kosovës, mori vendim që posti i Guvernatorit të merret përkohësis..

Apeli vërteton aktgjykimin lirues ndaj katër ish-ministrave të Qeverisë Thaçi 2 dhe dy të tjerëve

Gjykata e Apelit e ka vërtetuar aktgjykimin lirues ndaj katër ish-ministrave të Qeverisë Thaçi 2, Mimoza Kusari-Lila, Nenad Rashiq, Besim Beqa, Dardan Gashi si dhe Fllanza Hoxhës e Arben Gjukës, të cilët akuzoheshin nga Prokuroria Speciale për korrupsion, në rastin e njohur si “Afera e Hidrocentraleve”.
Ndryshe, më 8 nëntor 2022, Gjykata Themelore në Prishtinë i kishte liruar nga akuza të lartcekurit, raporton “Betimi për Drejtësi”.

Kundër këtij aktgjykimi, kishte parashtruar ankesë prokurori nga Prokuroria Speciale e Republikës së Kosovës (PSRK), Atdhe Dema.

“Prokurori i Prokurorisë Speciale në ankesë, thekson se aktgjykimi i ankimuar përmban shkelje esenciale të dispozitave të procedurës penale në kuptim të dispozitave të lartshënuara, është i pakuptueshëm, kundërthënës dhe nuk përmban arsyet për faktet vendimtare, po ashtu aktgjykimi i ankimuar nuk përmban arsye të duhura për faktet..

Haradinaj dhuron gjak në kujtim të dëshmorëve dhe të rënëve për liri

Kryetari i Aleancës për Ardhmërinë e Kosovës, Ramush Haradinaj u ka bërë thirrje sot të gjithë qytetarëve për të dhuruar gjak.
Derisa ka vizituar dhe dhuruar gjak në Qendrën e Transfuzionit të Gjakut, Haradinaj ka kujtuar të gjithë dëshmorët dhe të rënët për liri.

Ai para gazetarëve është shprehur se është në traditën e shqiptarëve solidariteti dhe përkrahja në momentet e vështira.

“Këto ditë, gati çdo ditë edhe çdokund në Kosovë po kujtohen të rënët për liri, dëshmorët, martirë. Për të gjithë këta, kuptohet dhimbja është e madhe edhe ata kanë dhënë jetën që me jetu të lirë të gjithë të tjerët. Në shenjë respekti, pikërisht për të gjithë këta të rënë për liri e po ashtu, për tu solidarizuar me gjithë ata që shpëtojnë jetë e kemi marrë këtë aksion për të dhuruar gjak. Ju bëjë thirrje qytetarëve të vendit, të gjithëve së pari që të ruajnë shëndetin e tyre, të parandalojnë, të bëjnë kujdes por po ashtu të dhurojnë gj..

Rama: Synojmë rritjen e pagës mesatare në 900 euro

Kryeministri i Shqipërisë, Edi Rama bëri të ditur sot nga plani i qeverisë për rritje të pagave në vend.
Në një konferencë për media pas përfundimit të mbledhjes së qeverisë, kryeministri Rama theksoi se plani ambicioz për rritje pagash, synon që të mundësojë në harkun e këtyre dy viteve, 2023-2024, ngritjen e Shqipërisë në nivelin e lartë të rajonit.

Ai tha se ky plan synon të realizojë një target të një page mesatare prej 900 eurosh.
“Tanimë kemi në dorë një plan shumë ambicioz, por njëkohësisht mjaftueshëm të arsyeshëm për një rritje pagash, e cila synon të mundësojë ngritjen në harkun e këtyre dy viteve, pra të 2023-it, 2024-ës të Shqipërisë në nivelin e lartë të rajonit. Faktikisht synon të realizojë një target të një page mesatare prej 900 eurosh, që do të thotë se jemi në kushtet e një mundësie të re, një mundësi që do ta shfrytëzojmë maksimalisht në të mirë të njerëzve, në të mirë të familjeve dhe pas rritjes së pagës minima..

Frizeri i Albulena Haxhiut ia sheh sërish hajrin Qeverisë, angazhohet si “mësues i qethjes”

Frizeri i VV-së, Armend Gashi, po vazhdon t’ia shoh hajrin Qeverisë Kurti.
Gashi, siç duket do të jetë i angazhuar si mësues i “qethjes” në një punëtori të floktarisë që sot është inauguruar nga ministria e Arsimit, Arbërie Nagavci, në Qendrën e Kompetencës, Shtjefën Gjeçovi në Prishtinë, shkruan lajmi.net.

“Inauguruam sot punëtorinë e Floktarisë në Qendrën e Kompetencës “Shtjefën Gjeçovi” në Prishtinë e cila do të shërbejë për zbatimin e arsimit dual. Nxënësit e këtij profili dhe të profileve tjera, gjatë tre viteve të shkollimit do të kenë rastin që më shumë se 50 përqind të kohës ta kalojnë në punë. Përpos sigurimit të kuadrit dhe zhvillimit të kurrikulës, Qeveria e Luksemburgut ka siguruar edhe pajisjet dhe mjetet për punëtorinë e floktarisë.Falë këtyre investimeve, nxënësit do të kenë mundësi ti marrin shkathtësitë bazë në punëtori e më pas t’i praktikojnë në sallone”, shkroi Nagavci.

B..

Xhelal Sveçla nuk shkon në seancën ku po akuzohet për huliganizëm

Për shkak të mungesës të të akuzuarave ministrit Xhelal Sveçla, si dhe Dardan Molliqajt, Pajtim Havollit, Arsim Maqastenës Agron Kabashit , Frashër Krasniqit dhe Nol Nushit, Gjykata Themelore e Prishtinës në seancën e së mërkurës, ka vendosur që ndaj tyre të veçohet procedura, në rastin ku ata po akuzohen për veprime të dhunshme në protestën e 2013-ës.
Gjykatësi Eroll Gashi njoftoi se ndaj tyre gjykata do lëshojë urdhërarrest ose sjellje me detyrim, raporton “Betimi për Drejtësi”.

Ndërkaq, seanca po vazhdon me tre te pandehurit tjerë prezent në seancë Egon Azemi Pajtim Demaj dhe Afrim Hoxha, të cilët nuk janë pajtuar që të veçohet kjo procedurë, por gjykata duke u bazuar ne nenin 35 të Kodit të Procedurës Penale mori vendim dhe veçoi procedurën penale ndaj tyre.

Ndryshe, seanca e shqyrtimit fillestar për këtë rast kishte dështuar të mbahej më 9 mars të këtij viti në mungesë të të akuzuarve Dardan Molliqaj, Agron Kaba..

Edhe një mundësi tjetër për kosovarët, Gjermania zyrtarisht u hap rrugë profesionistëve

Gjermania ka publikuar draft-reformat në çështjen e imigrimit nga shtetet e Ballkanit Perëndimor, si përpjekje e qeverisë së kancelarit Olaf Scholz për të mbushur mungesat e punës në ekonominë më të madhe evropiane.
Kosovarët, që viteve të fundit kanë shkuar në shifra të konsiderueshme për punë në Gjermani, me reformat do të kenë më të lehtë rrugën e migrimit.

“Me këtë, ne po vëmë themelet për një fillim të ri në politikën e migracionit”, ka shkruar në Twitter, ministri i Financave, Christian Lindner, pasi kabineti miratoi reformat. “Kushdo që mund të kontribuojë në suksesin ekonomik të vendit si punëtor i kualifikuar, është i mirëpritur”.

Kabineti ka miratuar zgjatjen e rregullave për punëkërkuesit nga Kosova, Shqipëria, Bosnja e Hercegovina, Maqedonia e Veriut, Mali i Zi dhe Serbia, të cilat pritej të përfundonin në fund të vitit. Gjermania synon t’i rekrutojë rreth 50 mijë punëtorë në vit nga..

Misteri i vrasjes në Top Channel, pronari i veturës: Policia nuk ka bërë asgjë

Pronari i mjetit tip “Range Rover”, që përdorën autorët e sulmit ndaj Top Channel, tregon se pavarësisht këmbënguljes së tij, nuk e zbuloi kurrë se kush ia vodhi makinën.
Ramadan Makolli shprehet se policia nuk ka bërë asgjë dhe nuk janë zbuluar autorët që i morëm makinën nga parkimi i hotelit ku po pushonte në Lezhë.

“Policia ka ardhur ka marrë kamerat dhe i kam thënë të interesohen për shenjat që kanë lënë e gjithashtu për shenjat e gomave, por asnjë veprim nuk e kanë bërë si duhet. Ata djemtë janë shumë specialistë, janë veshur me të bardhë, më duket njëri ka pistoletë se nga kamerat duket që diçka ka në dorë, ndërsa me dorën tjetër hap derën e makinës.Policia nuk ka bërë asgjë, dhe jam interesuar që çështjen ta hap nga e para. M’u desh të bëja ankimim përmes avokates, që ta hap edhe njëherë nga e para çështjen. Në 30 qershor 2021, u rihap çështja, por nuk janë gjetur autorët” tha ai në një intervistë ..

Lëshimi i kuponëve fiskal, “sport i rëndë” për lokalet e gastronomisë

Monitorimi i fokusuar i hotelerisë e gastronomisë dhe funksioneve që lidhen me to, si këngëtarëve, stilistëve etj, ka nis përmes projektit specifik për përmbushje tatimore në vitin e kaluar.
Administrata Tatimore e Kosovës(ATK) njofton se ky projekt ka dhënë rezultatet e veta në trajtimin e sektorëve të lartcekur, të cilët në sistemin e Administratës Tatimore të Kosovës kanë paraqitur nivel të konsiderueshëm të riskut.

“Thirrjet e shpeshta nga ATK për të përmbushur detyrimet dhe puna në teren, kanë rezultuar që statistikat nga ky sektorë të jenë në një nivel të kënaqshëm, duke filluar nga qarkullimi i deklaruar me 24.24% ose 64 milion euro, pagesa 117.08% ose 10 milion euro dhe numri punëtorëve 14.45% ose 2,820 punëtorë më shumë se viti i kaluar. Pastaj, duke vazhduar me gjetjet nga tereni, si qarkullimi shtesë nga vizitat me dallim enorm prej 321.95% më shumë se vitin e kaluar”, thuhet në njoftim.

Në komunikatë ..