TË FUNDIT

Ndërron karrige Konjufca sot, nga Kuvendi ulet në bankën e të akuzuarit

Në mungesë të dëshmitarëve, ish-deputetëve Adem Grabovci, Ismet Beqiri dhe Slobodan Petroviq, ka dështuar të mbahet të mërkurën gjykimi ndaj kryetarit të Kuvendit të Kosovës, Glauk Konjufca, i cili akuzohet për hedhje të gazit lotsjellës dhe pengim të personit zyrtar më 2016 në Kuvend. Ndaj, Grabovcit dhe Beqirit, gjykata do të lëshojë urdhëresë për sjellje me detyrim në seancë.
Lidhur me mungesën e dëshmitarëve, gjykatësja Edita Çanta konstatoi se Grabovci kishte qenë i ftuar sipas procesverbalit të seancës së kaluar, por që mungesën e tij nuk e ka arsyetuar. Ndërkaq, për Beqirin tha se i njëjti është ftuar në mënyrë të rregullt, por që mungesën e tij nuk e ka arsyetuar, raporton “Betimi për Drejtësi”.

Po ashtu, gjykatësja Çanta konstatoi se për dëshmitarin Petroviq, nuk ka prova se i njëjti është ftuar në mënyrë të rregullt, pasi që nuk është kthyer fletë-kthesa.

Ajo tha se ndaj Grabovcit dhe Beqirit do të lë..

Hovenier për planin e BE-së: Nuk ka marrëveshje më të mirë

Ambasadori i Shteteve të Bashkuara në Kosovë, Jeffrey Hovenier, tha se plani i Bashkimit Evropian për normalizimin e marrëdhënieve Kosovë-Serbi sjell përfitime reale, praktike, politike dhe ekonomike.
Ai kujtoi se palët e kanë pranuar atë dhe tha se për zbatimin e tij do të diskutohet në fundjavë.

“Më duhet të jem i qartë, SHBA-ja vlerëson se në këtë moment nuk ka një marrëveshje më të mirë në dispozicion. Ky është një hap i rëndësishëm përpara”, tha Hovenier në një takim me gazetarët, të mërkurën në Prishtinë.

Ai tha se fokusi kryesor tani duhet të jetë te “zbatimi i suksesshëm dhe efektiv” i planit.

Kryeministri i Kosovës, Albin Kurti, dhe presidenti i Serbisë, Aleksandar Vuçiq, pritet të takohen në Ohër të Maqedonisë së Veriut më 18 mars, për të diskutuar zbatimin e planit 11-pikësh të BE-së.

Dy udhëheqësit u dakorduan muajin e kaluar se përmbajtja e tij nuk ka nevojë të diskutohet më tej.

Plani i BE-së nuk e obligon ..

Aksident në Veternik, lëndohen pesë persona

Pesë persona janë lënduar sot si pasojë e një aksidenti që ka ndodhur në lagjen “Veternik” në Prishtinë.
Lajmin e ka konfirmuar zëdhënësja e Policisë për rajonin e Prishtinës, Flora Ahmeti, e cila ka bërë të ditur se aksidenti ka ndodhur ndërmjet dy veturave.

“Rreth orës 08:00 kemi pranuar informatën se në lagjen Veternik në Prishtinë, ka ndodhur një aksident trafiku me lëndime. Si pasojë e aksidentit lëndime trupore kanë pësuar pesë persona.”, ka bërë të ditur Ahmeti.

Me rastin po merret njësiti i trafikut.

PDK dhe LDK për planin evropian: Kurti të jap më shumë detaje

Dy partitë opozitare vazhdojnë të kritikojnë kryeministrin e vendit, Albin Kurti për qasjen që ka ndjekur në raport me dialogun me Serbinë.
Ndonëse SHBA ka ngritur shqetësime për qëndrimet e opozitës ndaj planit evropian, disa nga partitë politike vazhdojnë ta kundërshtojnë disa pika të atij plani të pranuar të paktën gojarisht nga kryeministri Albin Kurti dhe presidenti i Serbisë, Aleksandër Vuçiq.

Dy partitë më të mëdha opozitare kërkojnë më shumë detaje nga kryeministri i Kosovës, Albin Kurti lidhur me pikat që përmban plani evropian.

Deputeti i Partisë Demokratike të Kosovës, Hajdar Beqa thotë se kryeministri Kurti, duhet të jetë më transparent lidhur me këtë çështje, derisa ka adresuar edhe një mori pyetjesh ndaj tij.

I pyetur për qëndrimet e SHBA-së kundrejt opozitës, Beqa tha se planin e sheh si pozitiv, porse sipas tij, kryeministri Kurti duhet të sqarohet më shumë.

“Ne e shohim pozitiv planin, megjithatë kryem..

Ali Ahmeti për takimin Kurti-Vuçiq: Po bëhen hapat e fundit drejt pajtimit

Kryetari i Bashkimit Demokratik për Integrim (BDI) Ali Ahmeti nga një ngjarje në Sellcë të Tetovës iu referua takimit të ardhshëm në Ohër të shtunën ku pritet të nënshkruajnë marrëveshjen kryeministri i Kosovës Albin Kurti dhe presidenti serb Aleksandar Vuçiq, duke e vlerësuar atë si procedurën përfundimtare të pajtimit.
Ahmeti konsideron se bashkësia ndërkombëtare nuk do ta përsërisë rastin me Bosnjë dhe Hercegovinën.

“Po bëhen hapat e fundit drejt pajtimit, inkurajojmë autoritetet e Kosovës, kryeministrin, kryetarin e Kuvendit dhe presidentin, deputetët dhe opozitën më 18 mars në Ohër që të marrin një vendim të qëndrueshëm dhe të drejtë që Kosova përfundimisht të hyjë në rrugën pa kthim në integrimet në strukturat botërore të OKB-së, NATO-s dhe BE-së. Ne inkurajojmë autoritetet që pa hezitim të vendosin për të ardhmen e Kosovës dhe ne na kanë pas. Por apelojmë gjithashtu te komuniteti ndërkombëtar, tek ndër..

Mbrojtja zbulon dëshmitarët “manipulues”: S’ka prova ndaj Veselit për kryerjen e krimeve

Në Gjykatën Speciale të Hagës është publikuar dosja paraprake e mbrojtjes së ish-kryetarit të Kuvendit, Kadri Veseli.
Pjesa më e madhe e kësaj dosjeje përshkruan ngjarje historike që ndërlidhen me zhvillimet e luftës, teksa pjesa tjetër e publikuar flet për rolin e Veselit në luftë, dëshmitë e dëshmitarëve që përshkruajnë mos-ndërlidhjen e të akuzuarit me krimet e pretenduara si dhe deklaratat kundërthënëse të dëshmitarëve tjerë që bien ndesh me akuzat ndaj Veselit, shkruan lajmi.net.

Sidoqoftë, nuk mungojnë detaje interesante. Në një rast, mbrojtja e Kadri Veselit përshkruan se si Kadri Veseli kishte qenë pjesëmarrës në Rambuje, mirëpo nuk ishte brenda “Kështjellës” ku po mbaheshin bisedimet.

Mbrojtja përshkruan se si Veseli në përputhje me rolin e tij, zhvillonte diskutime paralele dhe në kohë reale me shërbimet inteligjente të disa prej shteteve anëtare të NATO-s.

“Më 6 shkurt 1999, në një ..

Gjykata merr vendim për 6 nga 15 të akuzuarit në rastin “Subvencionet II”

Gjykata Themelore në Prishtinë, ka shpallur aktgjykim dënues ndaj gjashtë të akuzuarve Blerim Mulliqi, Bekim Bruçi, Dukagjin Deda, Sadri Berisha, Pashk Krasniqi dhe Ramadan Zeqiraj, të akuzuar për veprat penale “Marrje ryshfeti”, “Ushtrim ndikimi”, “Dhënie ryshfeti” dhe “Mashtrim me subvencione”, në rastin “Subvencionet II”, duke i dënuar (së bashku) me 4 vite burgim dhe 10 mijë euro gjobë.
Aktgjykimi ndaj gjashtë të akuzuarve u shpall të mërkurën, nga gjykatësja Violeta Namani, raporton “Betimi për Drejtësi“.

Ndërsa, gjykimi në këtë rast do të vazhdojë për të akuzuarit Luan Statovci, Sedat Shkodra, Berat Nika, Gëzim Morina, Rasim Zekaj, Afrim Mehmetaj, Donard Draga, Hazir Metaj dhe Hysni Morina.

Sipas aktgjykimit, të akuzuarin Blerim Mulliqi, për veprën penale “Marrje ryshfeti”, gjykata e dënon me 1 vit e 6 muaj burgim, në të cilin dënim do t’i llogaritet edhe koha e kaluar në paraburgim.

Po ashtu, i njëjti..

Kurti takon eurodeputetët nga EPP, diskutohet për zhvillimet në Kosovë dhe takimin e 18 marsit

Qëndrimin dyditor në Strasburg të Francës, kryeministri i Kosovës, Albin Kurti e nisi me takimin me eurodeputetë të Grupit të Partisë Popullore Evropiane (EPP) në Parlamentin Evropian, Lukas Mandl nga Austria, Michael Gahler, Rainer Wieland dhe Niklas Herbst nga Gjermania, Karlo Ressler nga Kroacia, Franc Bogovic nga Sllovenia, Vladimir Bilcik nga Sllovakia.
EPP përbën grupin më të madh politik në Parlamentin Evropian.

“Bashkë me ambasadorin e Kosovës në Bruksel, Agron Bajrami, kryeministri Kurti i njoftoi deputetët evropianë për zhvillimet e fundit në vend, arritjet kryesore të qeverisë, e cila javën tjetër mbushë plot dy vjet, sukseset në sundimin e ligjit dhe luftimin e korrupsionit, dhe për përmirësimet në indikatorët demokratikë dhe ekonomikë, të evidentuara edhe në raportet ndërkombëtare. Së fundmi, sipas Fondit Monetar Ndërkombëtar, Kosova është renditur e para në Ballkanin Perëndim..