TË FUNDIT

Arben Ahmeti: S’ka marrëveshje

Gazetari Arben Ahmeti ka thënë se nuk ka marrëveshje të arritur.
Këto bazime ai i bën mbi premisën që përderisa nuk ka nënshkrim, nuk ka as marrëveshje, përcjell lajmi.net.

Këto deklarime ai i bëri në Kanal10, ndërsa parashikoi se edhe çka do të deklarojnë palët.

“Po, tash këto deklarimet se është historike e këso, i dimë të gjitha. Përderisa s’ka nënshkrim, s’ka marrëveshje”, tha ndër tjerash ai.

Duhet përmendur se për çdo çast pritet që shefi i diplomacisë evropiane të paraqitet para gazetarëve.

Vuçiq: Nuk kam nënshkruar asgjë, por ka një marrëveshje

Presidenti serb në paraqitjen para gazetarëve ka thënë se ka një marrëveshje.
Megjithatë, ai tha se si atë ditë në Bruksel, edhe sonte nuk ka nënshkruar asgjë, përcjell lajmi.net.

Gjithashtu ka thënë se shpreson që Prishtina të tregohet konstruktive dhe t’i respektojë detyrimet.

Lajmi në përditësim…

Përfundon takimi në Ohër

Është mbyllur para pak çastesh takimi në Ohër.

Këtë e ka konfirmuar edhe zëdhënësi i BE-së, Peter Stano, i cili deklaroi se për pak çaste do të dalë para gazetarëve edhe Borrell, përcjell lajmi.net.

Kryediplomati evropian pritet ta konfirmojë rezultatin e marrëveshjes, ndërsa bëhet e ditur se nuk do të ketë drejtë pyetjeje nga gazetarët.

Qëndroni me ne për të mësuar detajet e fundit nga takimi në Maqedoninë Veriore.

Kosovo/Serbia: High Level meeting of the 🇪🇺 facilitated Dialogue in Ohrid is over. @JosepBorrellF will brief about the outcome shortly. Watch 🎥 live on EbS+ https://t.co/pthDGsCzZh

— Peter Stano (@ExtSpoxEU) March 18, 2023

Ali Ahmeti përshëndetje të ngrohta me Escobarin, refuzon të përgjigjet nëse ka marrëveshje apo jo

Ali Ahmeti është përshëndetur ngrohtësisht me Gabriel Escobar, pak çaste pas takimit.
Megjithatë, ai ka refuzuar të përgjigjet nëse ka marrëveshje apo jo, përcjell lajmi.net.

“Përderisa pritëm gjithë ditën, le të presim edhe pak akterët që ta konfirmojnë nëse ka marrëveshje apo jo. Unë veç dua ta shoh përparimin e Kosovës”, tha Ahmeti për Kanal10.

Kanë kaluar tashmë më shumë se 30 minuta nga përfundimi i takimit dhe ende nuk kemi ndonjë konfirmim zyrtar.

Brenda pak çastesh pritet edhe paraqitja e shefit të diplomacisë evropiane para gazetarëve.

Publikohet dokumenti konfidencial që thuhet se BE dhe ShBA ua kanë propozuar sot Kurtit e Vuçiqit

Ende nuk ka paraqitje të Borrellit para gazetarëve për të konfirmuar nëse ka marrëveshje apo jo.
Megjithatë, Top Channel pretendon se ka siguruar një dokument që thuhet se u është propozuar palëve gjatë ditës së sotme, përcjell lajmi.net.

Në deklaratë përcaktohen parimet themelore të marrëveshjes, që është një kuadër për të lehtësuar marrëdhëniet paqësore dhe bashkëjetesën, pavarësisht dallimeve thelbësore midis palëve. Një kornizë e qëndrueshme dhe e besueshme e integrimit në Bashkimit Europian për Serbinë dhe Kosovën, krahas gjatë vendeve të Ballkanit Perëndimor.

Dhe është një proces i mbështetur nga të 27 shtetet anëtare të BE-së, përfshirë edhe ata që nuk e njohin pavarësinë e Kosovës. Ne deklaratë thuhet se janë dy kryediplomatë të aftë nga vendet anëtare jo-njohëse të BE-së, Spanja dhe Sllovakia, të cilët menaxhojnë procesin e normalizimit për të garantuar drejtësi.

Syla: Kur qesh Kurti, punët i ka si mos më keq

Gazetari Valon Syla ka komentuar sjelljet e krerëve të shteteve në fillim të takimit në Ohër.
Ai është ndalur te paraqitja e buzëqeshur e kryeministrit të Republikës së Kosovës, Albin Kurti, përcjell lajmi.net.

Këtu ai citoi kreun e PSD-së, Dardan Molliqajn, duke thënë se Kurti kur i ka punët më së keqi, ai qesh.

“Kur qesh Kurti, dijeni që punët i ka si mos më keq”, tha ndër tjerash ai në T7.

Sa i përket takimit në Ohër, duhet përmendur faktin se palët tashmë kanë shkuar në një pauzë tjetër, ndërsa që nga ora 10:30 kanë filluar takimet fillimisht të ndara, më pas ato “kokë më kokë”.