Author: admin

“Prishet qejfi” pak, bien sot temperaturat

Sot në Kosovë do të mbajë mot kryesisht i vranët dhe me reshje shiu.
Sipas Institutit Hidrometeorologjik të Kosovës, temperaturat do të pësojnë ulje , sidomos në vlerat e maksimaleve. Parashihen edhe erëra të fuqishme në disa rajone të veriut të Dukagjinit, ndërsa në viset e larta me lartësi mbidetare mbi 800m , reshjet e shiut do të jenë të përziera me borë.

Temperaturat minimale parashihet të sillen ndërmjet 5 dhe 7 gradë Celsius, ndërsa ato maksimale ndërmjet 11 dhe 13 gradë Celsius.

Do të fryjë erë nga verilindja dhe juglindja.

Sulmi me kallash ndaj Top Channel, reagon ashpër presidenti shqiptar

Presidenti i Shqipërisë, Bajram Begaj, ka reaguar pas vrasjes së mbrëmshme tek Top Channel, ku u qëllua për vdekje roja i godinës së televizionit.
Në një postim, Begaj ka thënë se ajo që ndodhi mbrëmë është ngjarje e rëndë, shkruan lajmi.net.

Ai ka bërë thirrje tek organet e rendit ta zbardhin sa më shpejtë ngjarjen.

“Ngjarje vërtet e rëndë ajo e orëve të para të mëngjesit, ku godina e televizionit kombëtar “Top Channel” është qëlluar me armë, e ku për pasojë ka humbur jetën roja i sigurisë Pal Kola.

Teksa i shpreh ngushëllimet e mia familjes së z. Kola, inkurajoj organet ligjzbatuese ta zbardhin sa më shpejt dhe me përgjegjshmërinë më të lartë këtë ngjarje kriminale”, shkruan Begaj. /Lajmi.net/

E konfirmon Policia: Vritet me kallash roja i Top Channel

Sonte rreth orës 01:00, në Mëzes, në rrethana ende të paqarta, nga persona ende të paidentifikuar, është qëlluar me armë zjarri në drejtim të ambienteve të Top Channel.
Si pasojë e të shtënave ka humbur jetën roja i sigurisë shtetasi P. K., 60 vjeç (punonjës i një shoqërie për ruajtjen fizike të objekteve).

Është ngritur grupi hetimor dhe nën drejtimin e Prokurorisë vijon puna intensive për zbardhjen e rrethanave të ngjarjes, sekuestrimin e provave që do të shërbejnë për zbardhjen e ngjarjes, identifikimin dhe kapjen e autorëve.

Shërbimet e Policisë kanë ngritur pikat e kontrolleve dhe vijon puna për identifikimin e kapjen e autorëve.

Përleshje fizike në mes disa personave në Pejë, lëndohen tre prej tyre arrestohen tre të tjerë

Një përleshje fizike në mes disa personave raportohet të ketë ndodhur sot në një lokal që gjendet në fshatin Nabërgjan të Pejës.
Si pasojë e kësaj përleshje, tre persona kanë pësuar lëndime trupore ndërsa tre persona të tjerë janë arrestuar.

Rasti në fjalë është konfirmuar edhe nga zëdhënësi i policisë për rajonin e Pejës, Fadil Gashi.

“Sot rreth orës 18:35 Policia është njoftuar për rrahje në një lokal në fshatin Nabergjan të Pejës. Gjatë përleshjes tre persona kanë pësuar lëndime të cilët kanë kërkuar tretman mjekësor në Emergjencën e Pejës ndërsa tre të tjerë janë shoqëruar për intervistim në stacionin policor në Pejë”,tha ai./Lajmi.net/

Dështimi i seancave për shkak të përkthyesve, KGJK-ja hap konkurs

Mungesa e përkthyeseve është një nga arsyet si shkak të cilave në Kosovë dështojnë të mbahen seanca gjyqësore. Këtë problem, Këshilli Gjyqësor i Kosovës po synon ta zgjidhë, me angazhimin e tetë përkthyeseve të rinj.
“Kam kontaktu në mëngjes për përkthyes…” Në mungesë të përkthyesit, në Gjykatën Themelore të Pejës, para pak javësh dështoi të nis gjykimi në rastin Brezovica.

Sikur Peja, mungesë të përkthyeseve kanë edhe Gjykatat e tjera gjithandej Kosovës.

Ndonëse më mirë se në të kaluarën, gjendje e mirë nuk është as në Gjykatën Themelore të Prishtinës.

“Tani kanë filluar punën edhe gjyqtarët e rinj. Prapë se prapë, shtatë përkthyes për mbi 120 gjyqtarë është numër i vogël. Sepse ne i kemi të gjitha departamentet, është Gjykata më e madhe, kemi departamentin administrativ, kemi departamentin special, që Gjykatat në qytetet e tjera nuk e kanë, e aty është edhe puna më voluminoz”, ka deklaruar Blerta Krusha – Përkthye..

Shqetësohen edhe një herë udhëtarët e aeroportit “Adem Jashari”, alarmi për mjet shpërthyes ishte i rrejshëm

Edhe një herë tjetër udhëtarët dhe punëtorët e aeroportit të Prishtinës “Adem Jashari” janë lajmëruar për një alarm për bombë.
Por ky alarm për shpërthim të mundshëm brenda aeroportit doli të jetë i rrejshëm.

Rasti tashmë është konfirmuar edhe nga organet e rendit.

Zëdhënësja e policisë për rajonin e Prishtinës, Flora Ahmeti tha se pas kontrolleve nga njësitet kompetente, nuk është gjetur asgjë e dyshimtë.

“Informata është trajtuar nga ana e policisë. Pas kontrolleve të kryera nga njësitet kompetente, nuk është gjetë asgjë e dyshimtë. Njësitet policore janë tërheq nga ajo zonë, ndërkohë që hetuesit kanë filluar punën për zbardhjen e të gjitha rrethanave që ndërlidhen me këtë rast”, tha Ahmeti.

Alarme të ngjashme e të rrejshme ka pasur shpesh herë në kuadër të aeroportit “Adem Jashari”.

Frikësimi i udhëtarëve, e nxjerrja e tyre jashtë hapësirave të aeroportit në të shumtën..

Kontrata kolektive e arsimit, MASHT hesht për shkëputjen e saj në nëntor

Kontrata kolektive vazhdojnë të jenë problematike në Kosovë. Një të tillë tash e disa muaj e kanë Sindikata e Bashkuar e Arsimit. Ishte Ministria e Arsimit që shkëputi këtë kontratë njëanshëm në nëntor të vitit 2022 por që për fatin e saj edhe katër muaj pas nuk dihet.
Më 21 mars janë bërë katër muaj që kur Ministria e Arsimit, ka marrë vendim për shkëputje të kontratës kolektive më sektorin e Arsimit, por edhe katër muaj pas heshtja vazhdon.

Ndonëse në shkresën e dërguar në nëntor të vitit 2022 në Sindikatën e Bashkuar të Arsimit, kjo Ministri kishte potencuar se kjo kontratë e nënshkruar në vitin 2021 nuk kishte legjitimitet pas ishte nënshkruar 30 ditë pas vendimit të Kushtetueses, e cila e dërgoi vendin në zgjedhje, kjo ministri nuk ka kthyer përgjigje për televizionin se çfarë do të ndodhë tutje më këtë sektor.

E përgjigje nga ky dikaster nuk ka marrë as vetë pala nënshkruese Sindikata e Bashkuar e Arsimi..

Kritikohet pushteti i VV-së

Jo një e dy nene, por të plotë.
Gjykata Kushtetuese rrëzoi të premten në tërësi Ligjin për Këshillin Prokurorial meqë vlerësoi se është në kundërshtim me Kushtetutën, duke bërë shkeljen e katërt nga Qeveria Kurti.

Veç kësaj, akti me i lartë juridik doli se ishte shkelur nga qeveria aktuale me ministren Arbërie Nagavci duke ndërhyrë në kompetencat e komunës së Kamenicës për reformën në Arsim.

Me avaz të njëjte pati vepruar edhe Qeveria Kurti 1 me kufizimin e lëvizjes në pandemi dhe me imponimin e karantinës për Prizrenin.

Pushteti të shtunën kontestoi vendimin e Kushtetueses, e për ekspertin juridik Ensar Suma, kjo është jo e drejtë.

Edhe një hartues i kushtetutes, Kadri Kryezu konfirmon se institucionet s`duhet kundërvu kësaj gjykate. Për ish-numrin dy të Kushtetueses, partia në pushtet po tregohet subjektive.

E Suma përmend edhe një epitet të kryeministrit Albin Kurti, dhënë ndaj një paraardhësi të tij Isa Mustafa vite më parë.

Në të kaluarën, vendi..

Maqedonia e Veriut gjithnjë e më e varur nga importi

Nga një prodhues dikur i rëndësishëm ushqimor, Maqedonia e Veriut sot është gjithnjë e më shumë e varur nga importi i ushqimit, madje edhe nga produktet bujqësore. Furnizojmë qumësht dhe miell nga Serbia ndërsa domate dhe tranguj nga Shqipëria. Ndërkohë sipërfaqet e mëdha bujqësore mbeten të papunuara.
“Në vendin tonë mund të shihni se ka sipërfaqe të mëdha të tokës shtetërore që nuk janë dhënë me koncesion. Ndërsa shteti flet nga njëra anë kinse po lufton për të rritur prodhimin, fatkeqësisht në terren pamja është krejt ndryshe…”, tha Jovanço Meçkaroski-bujk.

Sipas të dhënave të Ministrisë së Bujqësisë dhe Zhvillimit Rural të Shqipërisë, eksporti i produkteve bujqësore nga Shqipëria në Maqedoni në vitin 2022 është rritur në mënyrë drastike. Me gati 40% në vlerë financiare, dhe 32% në sasi. Në të njëjtën kohë, eksporti nga Maqedonia në Shqipëri është ulur me 22%. Ekspertët kërkojnë politika të reja, respektivisht shteti të ndihmoj..