Author: admin

Sulmi me armë ndaj Top Channel, shoqërohet në polici ish-dhëndri i rojës që u vra

Policia e Vlorës ka shoqëruar ish dhëndrin e Pal Kolës, rojës që mbeti i vrarë nga breshëria e kallashnikovit në oborrin e Top Channel.
R. P. e ka mohuar të ketë lidhje me ngjarjen. Bashkë me ish-dhëndrin, u shoqërua edhe shoku i tij, A.T. Edhe ky i fundit ka mohuar që të ketë lidhje me ngjarjen.

Shoqërimet janë bërë në kuadër të hetimeve për të zbuluar kush ishte objektiv i sulmit.

Ata janë ende në Policinë e Tiranës dhe do të qëndrojnë deri në përfundim të ekzaminimeve për të parë nëse në duart e tyre ka mbetje baruti ose jo.

Ngjarja e rëndë ndodhi në orët e para të mëngjesit të së hënës, ku disa persona qëlluan me breshëri plumbash godinën e televizionit dhe fatkeqësisht ndërroi jetë roja e sigurisë private, Pal Kola, 60-vjeç.

Nga të dhënat paraprake, autorët kanë lëvizur me një automjet tip Range Rover, i cili rezulton se është vjedhur në Shkodër. Plumbat janë derdhur në katin e parë dhe dytë të..

Vdes papritur një person në Klinë, Policia po e heton rastin

Policia e Kosovës është duke hetuar vdekjen e një personi në fshatin Grabanicë të Klinës.
Sipas të dhënave të para thuhet se viktima deri sa ishte duke goditur punë ndërtimtarie në një lokacion, pa pritur është rrëzuar në tokë.

“Nga shokët e tij është dërguar në QKMF pastaj në spitalin e Pejës, por sipas mjekëve ishte pa shenja jete dhe dyshohet të ketë pasur atak kardiak”,thuhet në njoftimin e policisë.

Me vendim të prokurorit, trupi i pajetë është dërguar në IML për obduksion./Lajmi.net/

Vodhën 40 mijë euro dhe ari në vlerë 25 mijë euro nga një shtëpi në Ferizaj, Policia arreston një prej të dyshuarve

Policia e Kosovës ka arrestuar një person të dyshimtë për vjedhje të rëndë në Ferizaj.
Rasti kishte ndodhur më 18.03.2023 rreth orës 04:00 në një shtëpi banimi në fshatin Greme të Ferizajt, ku persona të panjohur kanë depërtuar me forcë dhe nga aty dyshohet se kanë vjedhur para në vlerë prej 40 mijë euro, stoli ari në vlerë prej 25 mijë euro dhe dy armë zjarri (pistoleta) me leje dhe sasi municioni.

“Sektori Rajonal i Hetimeve nga Drejtoria Rajonale e Policisë në Ferizaj, nën autorizim të prokurorit nga Prokuroria Themelore në Ferizaj i kishte marr të gjitha veprimet e nevojshme dhe kishte nisur hetimet. Hetuesit rajonal pas një punëve intenzive, grumbullimit të informacioneve në terren, shikimit të kamerave të sigurisë, kanë arritur që të sigurojnë prova të mjaftueshme dhe me datën 27.03.2023 rreth orës 19:30 kanë arrestuar të dyshuarin S.I (M/K) i moshës 49 vjeçar, i..

24 vjet nga masakra në Izbicë

Sot bëhen 24 vjet nga masakra e Izbicës, ku më 28 mars 1999, forcat policore dhe ushtarake serbe, pas rrethimit të mijëra civilëve të fshatit Izbicë dhe vendbanimeve përreth, veçuan 147 burra të rinj dhe pleq, të cilët i vranë dhe i masakruan, ndërsa pjesën tjetër e dëbuan jashtë Kosovës.
Masakra e Izbicës hyn në radhën e krimeve më të rënda të shtetit të Serbisë, ku vrasja masive, përdhosja e trupave dhe varrimi i tyre, përmes pamjeve satelitore, u bë lajm botëror.

Sot 24 vjet pas këtij krimi askush nga autorët dhe ekzekutuesit serbë nuk doli para drejtësisë vendore dhe asaj ndërkombëtare.

Parashikimi i motit

Sot në vendin tonë pritet të mbajë mot i vranët dhe me intervale të shkurta me diell. Vranësirat vende-vende mund të sjellin riga të dobëta dhe të izoluara shiu, ndërsa temperaturat do të bien në vlera njëshifrore.
Sipas Institutit Hidrometeorologjik, temperaturat minimale parashihet të sillen ndërmjet 0 dhe 2 gradë Celsius, ndërsa ato maksimale mes 5 dhe 7 gradë Celsius.

Do të fryjë erë nga verilindja dhe juglindja.

Vazhdon gjykimi ndaj Pjetër Shalës i njohur si komandant ‘Ujku’

Në Dhomat e Specializuara do vazhdojë gjykimi ndaj Pjetër Shalës i njohur si Komandant ‘Ujku’ me dëgjimin e dëshmitarëve të Prokurorisë.
Ndryshe dje ka dëshmuar dëshmitari i mbrojtur i prokurorisë.

Gjykimi ndaj Shalës filloi më 21 shkurt 2023, ku i njëjti u deklarua i pafajshëm, ndërsa Prokuroria dhe mbrojtja e viktimave paraqitën deklaratat hyrëse.

Në deklaratën e tij para trupit gjykues, Pjetër Shala, i akuzuar për krime lufte, ka deklaruar se ka luftuar kundër një makinerie policie ushtarake të një regjimi kriminal të Slobodan Millosheviqit, por kurrë kundër civilëve.

Ndryshe aktakuza kundër Shalës u konfirmua më 12 qershor 2020 dhe versioni i redaktuar u bë publik më 15 prill 2021. Më 18 tetor 2021, gjykatësi i pocedurës paraprake miratoi pjesërisht mocionet e Mbrojtjes dhe urdhëroi ZPS-në që të ndryshojë aktakuzën në mënyrë që të ofrojë nivelin e kërkuar të konkretitetit dhe të qartësisë lidhur me pjesëmarrjen pe..

Mblidhen disa komisione parlamentare

Sot mbahet mbledhjet e disa komisioneve parlamentare.
Komisioni për Shëndetësi dhe Mirëqenie Sociale, bën shqyrtimin e Projektligjit për parandalimin dhe kontrollin e sëmundjeve ngjitëse.

Kurse në Komisionin për Çështje të Sigurisë dhe Mbrojtjes, do të ketë raportim të Kryeshefit Ekzekutiv i Inspektoratit Policor të Kosovës, Kushtrim Hodaj për raportin vjetor të punës për vitin 2022.

Ndërkaq Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, do të ketë diskutim lidhur me punën e deritanishme tё Komisionit Qeveritar për Njohjen dhe Verifikimin e Statusit të Personave të Dhunuar gjatë Luftës, si dhe aktivitet dhe sfidat e këtij komisioni. Tё ftuar: Përfaqësuesit e Komisionit Qeveritar për Njohjen dhe Verifikimin Statusit të Personave të Dhunuar gjatë Luftës;

Po ashtu sot bëhet shqyrtimi i Projektligjit për Parandalimin dhe Mbrojtjen nga Dhuna nё Familje, Dhuna ndaj Grav..

Shumë alarme të rrejshme në aeroportin e Prishtinës, por kush qëndron pas tyre?

Alarmi që rezultoi i rrejshëm për një kërcënim për bombë në Aeroportin Ndërkombëtar “Adem Jashari” Ish-inspektorit të AKI-së, Shkelzen Sopjani, përpos pjesë e luftës hibride mund të jetë edhe ndonjë pakënaqësi ose qëllim i dikujt në raport me aeroportin.
Përkundër që nuk është gjetur asgjë në vendin e ngjarjes, çorientimi i linjave të aeroplanëve dhe autobusëve në të kaluarën, sipas profesorëve që merren me fushën e gazetarisë është sinjal se është përmbushur një pjesë e misionit të atyre që qëndrojnë prapa alarmeve të rrejshme.

Për të disatën herë brenda pak muajve udhëtarët u detyruan të presin jashtë objektit të aeroportit.

Ata që ia mësynë aeroportit “Adem Jashari” të dielën u përballën me kërkesë që të dalin në oborr për shkak të raportimit për kërcënim me bombë.

Alarmi rezultoi i rrejshëm, ndërsa Policia e Kosovës raportoi se në aeroportin “Adem Jashari” nuk është gjetur asgjë e dyshimtë.

Raste ..

Nga Emergjenca flasin për gjendjen shëndetësore të të plagosurve në rrugën “Qamil Hoxha”

Të shtëna me armë zjarri pati sonte në qendër të Prishtinës, saktësisht në rrugën “Qamil Hoxha”.
Në këtë rast një person u plagos me armë zjarri, ndërsa një tjetër nga një mjet i mprehtë.

Në lidhje me këtë rast është deklaruar edhe drejtori i Emergjencës në Qendrën Klinike Universitare të Kosovës, Naser Syla.

Syla bëri të ditur se gjendja shëndetësore e të plagosurve është stabile.

Po ashtu ai tha se personi që është plagosur nga arma e zjarrit, trajtimin do ta vazhdojë në klinikën e Ortopedisë.

“Njëri është i plagosur me armë zjarri, ndërsa tjetri me mjet të mprehtë. Gjendja është stabile e të dyve. Pas ekzaminimeve të kryera, I plagosuri me armë zjarri do të pranohet në Klinikën e Ortopedisë për trajtim të mëtutjeshëm, kurse tjetri do të lëshohet për trajtim në shtëpi”,deklaroi Syla.

Ndërsa nga Policia e Kosovës derisa kanë konfirmuar rastin në fjalë kanë theksuar po ashtu se tashmë janë i..