Author: admin

Stano: Po punojmë drejt asaj që Kosova dhe Serbia të vazhdojnë në zbatimin e marrëveshjes

Zëdhënësi i Bashkimit Evropian, Peter Stano ka deklaruar sot se dialogu ndërmjet Kosovës dhe Serbisë do të vazhdojë javën e ardhshme në nivel të kryenegociatorëve, në Bruksel.
Ai ka thënë se kryenegociatorët e Kosovës dhe Serbisë janë ftuar nga ndërmjetësuesi i BE-së për të çuar përpara gjithçka, për të cilat palët janë pajtuar në Ohër.

“Dua të them që dialogu vazhdon, dialogu si i tillë vazhdon dhe do të ketë takime të tjera të nivelit të lartë. Por, përsëri, ne i shpallim ato të përshtatshme në këtë fazë, dhe mund të ndaj me ju se javën e ardhshme do të jetë në Bruksel takimi i kryenegociatorëve të të dyja palëve, të cilët u ftuan nga ndërmjetësuesi i BE-së të vijnë në Bruksel për të çuar përpara gjithçka që u ra dakord në Ohër dhe të fillojë të bëjë hapat e parë drejt zbatimit”, është shprehur ai.

Ai ka thënë se janë të kënaqur të shohin se dialogu Kosovë-Serbi po bëhet i njohur në rajon.

..

Gjendet një trup i pajetë në Vushtrri, Policia jep detaje

Policia e Kosovës është duke hetuar një vdekje të ndodhur së fundi në fshatin Vërnicë të Vushtrrisë.
Rreth orës 11:00, zyrtarët policorë kanë pranuar informatën për gjetjen e një trupi të pajetë në këtë fshat.

Trupi deri më tani i paidentifikuar është i gjinisë mashkullore, i moshës së shtyrë.

Kjo është bërë e ditur për lajmi.net nga zëdhënësi i policisë për rajonin e Mitrovicës, Avni Zahiti.

“Hetuesit policor me autorizim të prokurorit kanë nisur hetimet për identifikimin dhe zbardhjen e rrethanave të rastit”,tha ai.

Gjithashtu Zahiti theksoi se me urdhër të prokurorit trupi i pajetë dërgohet në IML për obduksion./Lajmi.net/

“Tash do ta bëjmë operacion në fyt”, rrëfen e moshuara nga Izbica për vrasjen e burrit të saj

“Tash do ta bëjmë operacion në fyt”, kështu rrëfen nënë Eminja e cila kujton mirë ditën e ftohtë të 28 marsit, kur pa për herë të fundit bashkëshortin e saj.
E moshuara nga Izbica tregon për rezistencën para ushtrisë e policisë serbe që bashkëshorti i saj mos të ndahet nga kolona. Ajo po jeton me pamjet e tmerrshme dhe zërat që i përsëriten në kokë të kërcitjeve të armëve që nuk u ndalën për më shumë se 20 minuta.

Për rreth 12 muaj, Emine Dajaku bashkë me fëmijët po strehoheshin kudo, pas djegies së shtëpisë. Ajo tregon se si në Izbicë ranë në tytat e armikut, ku vet u plagos e burrin ia vranë.
“Burri mu ka vra këtu në Izbicë, në opqinë jena ardh, se në ’98 na janë djegur shtëpia, tani një vit nëpër dynja duke ndejt. Burri tha duam të shkojmë në Izbicë, jena ardh. Burri ka qenë ulur në traktor na ka sjell mua, fëmijët e djalit, renë, fëmijët e mi, tha shkau shqip foli ‘qu shqiptare, çfarë p..

1402 grave dhe 71 burrave u aprovohet statusi i personave të dhunuar gjatë luftës

1881 aplikacione janë pranuar nga Komisioni Qeveritar për njohjen dhe verifikimin e statusit të personave të dhunuar gjatë luftës, ndërsa edhe 58 të tjerë janë në shqyrtim.
Prej tyre janë 1402 gra dhe 71 burra. Këtë e ka bërë të ditur kryetarja e këtij komisioni qeveritar, Leonora Selmani.

Gjatë raportimit në Komisionin për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, ajo tha se mandati i tyre është zgjatur edhe për tri vite.

“Deri sot nga 1939 aplikacione, janë trajtuar 1881 dhe 58 janë në shqyrtim. Në vitin 2023 janë 68 aplikime, pra në vetëm 3 muajt e parë. Të aprovuara deri më tani janë afër 1473 raste. 3 panele intervistuese po bëhen brenda një muaji. Shumë raste vendosen edhe pa qenë prezentë në intervistë, në bazë të dokumenteve. Këtu është keqkuptuar sepse është menduar se duhet të ketë shumë dokumente, dhe kjo nuk është e v..

Konjufca takon Escobarin në Amerikë, “rroket” tema e Asociacionit

Kryetari i Kuvendit të Kosovës, Glauk Konjufca, ka takuar sot në SHBA emisarin amerikan për dialogun, Gabriel Escobar.
Në një postim në Facebook, Konjufca ka thënë se me Escobarin kanë diskutuar për zhvillimet aktuale politike në vend dhe rajon, shkruan lajmi.net.

Në kuadër të kësaj, ai tha se ka folur me Escobar për Marrëveshjen e Ohrit dhe hapat e radhës për normalizimin e raporteve mes Kosovës dhe Serbisë.

“Ritheksuam qëndrimin e shtetit të Kosovës, por edhe garantimin e Departamentit të Shtetit, se nuk mund të formohet kurrfarë asociacioni apo ndonjë mekanizëm tjetër që cenon sovranitetin, pavarësinë, integritetin territorial dhe rendin kushtetues të Republikës së Kosovës”, tha Konjufca.

Postimi i plotë i Konjufcës:

Sot, në kuadër të vizitës sime zyrtare në Shtetet e Bashkuara të Amerikës, i shoqëruar nga ambasadori i Republikës së Kosovës në Ëashington DC, Ilir Dugolli dhe Shefi i Stafit, Ilir Kërçeli, takova ..

Eurodeputetja gjermane: Serbia kukull ruse në Ballkan, anëtarësimi i Kosovës në OKB s’varet ajo

Raportuesja për Kosovën në Parlamentin Evropian, Viola von Cramon, tha se anëtarësimi i Kosovës në OKB nuk varet nga Serbia, ndërsa ka shtuar se kjo e fundit është kukull ruse në Ballkan.
Cramon tha se anëtarësimi i Kosovës në OKB nuk varet nga Serbia, pozicioni ndërkombëtar i së cilës, sipas saj, do të ishte shumë më i mirë nëse do të kishte vendosur sanksione ndaj Rusisë.

E pyetur nëse është e mundur të zbatohet ajo që thotë presidenti i Serbisë – të zbatohet gjithçka, përveç pikës që lidhet me anëtarësimin e Kosovës në OKB, Cramon tha se kjo nuk varet nga ai.

“Le të jemi të sinqertë – nuk i takon Serbisë të vendosë nëse Kosova mund të hyjë në OKB. E kuptoj që kjo (deklarata si kjo) është për audiencën e brendshme, por në fund të fundit nuk është në dorën e Serbisë, sepse pranimi në OKB varet nga vendimi i Këshillit të Sigurimi, ku Kina apo Rusia ende mund të vënë veton”, ka thënë ajo…

Kurti në Izbicë kujton Mustafë Dragajn, dëshmitarin e masakrës që dëshmoi kundër Millosheviqit

Kryemistri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani Sadriu, ministren e Drejtësisë, Albulena Hazhiu, dhe të shoqëruar nga deputetë të Kuvendit bënë homazhe në fshatin Izbicë të Komunës së Skenderajt, ku regjimi fashist e gjenocidal i Millosheviqit vrau 147 shqiptarë, 6 prej të cilëve janë ende të zhdukur.
Pranë Memorialit të të vrarëve, Kryeministri Kurti tha se kjo masakër ndodhet në aktakuzat e gjashtë krerëve të lartë shtetërorë politikë, policorë e ushtarakë të Serbisë dhe është dëshmi e gjenocidit të Serbisë.

“Ata janë rrëmbyer si njerëz, si shqiptarë e më pastaj pas pushkatimit u janë rrëmbyer edhe kufomat, janë dërguar në Serbi dhe në fund janë zhvarrosur prej atje, por jo që të gjithë meqenëse 6 ende nuk dihet se ku janë, në Petrovo Sello dhe i kanë sjellë këtu, në atdheun e tyre, në vendlindjen e tyre”, u shpreh kryeminist..

Kryeshefi i IPK-së: Po hetojmë policë të të gjitha niveleve për përfshirje në veprimtari kriminale

Inspektorati Policor i Kosovës ka hetuar 257 punonjës policorë gjatë vitit 2022, derisa ka arrestuar 108 prej tyre në dyshimet për përfshirje në veprimtari penale.
Kryeshefi i Inspektoratit Policor, Kushtrim Hodaj, në raportimin në Komisionin Parlamentar për Siguri të martën, tha se vitin e kaluar kanë pranuar rreth 1700 ankesa, ku 66 për qind prej tyre i kanë adresuar për hetim disiplinor në Polici, kurse 34 për qind për hetim penal.

“Gjatë vitit 2022 kemi administruar 1697 ankesa të pranuara në mënyra të ndryshme nga ana e qytetarëve. 34 për qind prej tyre i kemi orientuar për hetim penal në departamentin e hetimeve në kuadër të Inspektoratit të Kosovës, pjesën e mbetur prej 66 për qind i kemi orientuar për hetim disiplinor apo administrativ në divizionin e hetimeve të brendshme në kuadër të Policisë së Kosovës. Në fushën e parandalimit dhe hetimit të veprimtarisë penale kemi pasur a..

Zhvillime në Speciale: Pjetër Shala largohet i nervozuar nga salla e gjyqit

Pjetër Shala është larguar i nervozuar nga salla e gjyqit në Speciale ku po zhvillohet gjykimi ndaj tij.
Largimi i tij erdhi pas një kërkese që e parashtroi përmes avokatit të tij, nën arsyetimin se nuk po i pëlqen forma se si po shkojnë zhvillimet, shkruan lajmi.net.

“Ai është pak nervoz, nuk i pëlqen si po shkojnë zhvillimet dhe preferon ta ndjekë seancën me videolidhje. E takuam dy herë, ishte shumë nervoz, në ankth, po dridhej. Andaj shpresoj të na merrni parasysh kërkesën për ta lejuar të kthehet në paraburgim dhe ta ndjekë seancën me videolidhje”, tha mbrojtja.

Nga Trupi Gjykues ndërkaq thanë se situata konkrete që Shala dëshiron të mos marrë pjesë në seancë ka ndikim në zhvillimin e shpejtë dhe të drejtë të gjykimit.

Trupi Gjykues tha se Shala ka mundësi ta përcjell procesin dhe të komunikojë përmes video-lidhjes.

“Kjo i jep mundësi zotit Shala për të mos përcjellë procesin gjyqësor sot në sallën e..