Author: admin

Tasholli: UÇK-ja, vlera më sublime që e kemi krijuar si komb

Njëri nga organizatorët e marshit për krerët e UÇK-së, Ismail Tasholli ka folur sot para të pranishmëve.
Tasholli ka treguar se si ishte në moshën 13 vjeçare kur kishte parë ushtarin e parë të UÇK-së, shkruan lajmi.ne.

“Si në filma epik, ishte një betejë mes të mirës dhe të keqës. Mes lirisë dhe robërisë. Mes jetës dhe vdekjes. Unë, sikurse të gjithë moshatarët e mi, e kam ndjerë në palcë pabarazinë. Ushtari i lirisë në sytë e mi e kishte marrë trajtën e një superheroi magjik. Luftëtari i së mirë, lirisë, se të tilla kanë qenë pjesëtarët e UÇK-së”, tha ai.

“UÇK-ja është vlera më sublime që e kemi krijuar si komb. Ne si komb, bashkë siç na ka hijë, marshojmë kundër ndryshimit të historisë. Ne sot u bëmë bashk, dhe siç e shihni doli dielli”, tha ai./Lajmi.net/

Ismail Tasholli: Liderët do të kthehen fitimtarë

Ismail Tasholli dhe Eliza Hoxha, të cilët janë dy nga ideatorët e marshit për drejtësi, mbajtën një fjalim para mijëra marshuesve, të cilët dolën në përkrahje të liderëve të UÇK-së, të cilët po mbahen në Hagë.

Tasholli tha se gjatë luftës e ka ndjerë në palcë pabarazinë e dëbimin.

“Unë kam qenë 13 vjeç kur për herë të parë kam pa në uniformë ushtarin e Ushtrisë Çlirimtare të Kosovës. Një gjë ishte e qartë për mua atë botë, ishte një betejë mes lirisë dhe robërisë, mes jetës dhe vdekjes.Unë sikur bashkëmosharatët e kam ndjerë në palcë, pabarazinë, dëbimin”, u shpreh ai.

“Marshojmë për drejtësi, ish-liderët nesër e fillojnë betejën për drejtësi, si gjithmonë do të na kthehen fitimtarë e faqebardhë”, tha ai.

Lushtaku në marsh: Ky është mesazh për Qeverinë e Kosovës

Ish-gjenerali i UÇK-së, Sami Lushatku, ka thënë se “ushtarët e Ushtrisë Çlirimtare të Kosovës nuk e kanë vendin e në Hagë”, por “vendin në burgje e kanë ata që kanë kryer krime në Kosovë”.
Ai ka pasur një thirrje për Qeverinë e Kosovës.

“Ky është një mesazh fillimisht për Qeverinë e Kosovës, që nuk është duke bërë asgjë për atë që kanë luftuar për Kosovën dhe mesazh për drejtësinë ndërkombëtare”, ka thënë Sami Lushtaku.

Ndërkohë ka kërkuar nga politika që kur është në pyetje UÇK-ja, të mos ketë dallime.

Pozhari kundër mbishkrimeve “UÇK” në Qeveri: Kurti ka qenë gjithmonë kundër Speciales

Analisti Xhevdet Pozhari ka dalë kundër mbishkrimeve “UÇK” në ndërtesën e Qeverisë.
Në një postim në Facebook, Pozhari ka thënë se Qeveria udhëhiqet nga një kryeministër që sipas tij gjithëherë ka qenë kundër Gjykatës Speciale, shkruan lajmi.net.

Postimi i plotë i Pozharit:

Marshues të shumtë në mbrojtje të luftës së UÇK-së. Përballë ndërtesa e Qeverisë që udhëhiqet nga një kryeministër i cili gjithmonë ka qenë kundër Gjykatës Speciale.
Rrjedhimisht, edhe dje, edhe sot, edhe nesër Albin Kurti ka qenë dhe mbetet në mbrotje të luftës së UÇK-së. /Lajmi.net/

Mërgimtari vjen nga Gjermania në mbështetje të ish-liderëve të UÇK-së

Shumë qytetarë nga Kosova po marrin pjesë në marshin për drejtësi, marsh i cili po mbahet si shenjë përkrahje për ish-liderët e e UÇK-së, ku nesër pritet të fillojë gjykimi i tyre në Hagë.

Por përveç shumë qytetarëve nga Kosova dhe rajoni, në këtë marsh po marrin pjesë edhe shumë qytetarë nga vendet e largëta.

një qytetar për Klan Kosovën tregoi se ka ardhur nga Gjermania, vetëm për të marrë pjesë në këtë marsh.

Ai tha se ka ardhur për të kërkuar liri për Thaçin dhe të tjerët dhe se gjithmonë beson në pafajësinë e tyre.

Çerkini për ish-krerët e UÇK-së: Me emër të Zotit, të gjithë do të dalin të pastër

Bajram Çerkini nga Qendra Burime për të Pagjeturit, ka marrë fjalën në Marshin për Drejtësi.
Mes emocionesh e përkundër moshës, Çerkini elektrizoi masën duke kërkuar drejtësinë diku tjetër, nëse ajo ekziston.

Sipas tij, drejtësi duhet të japin ata që 24 vite më parë shkaktuan masakrat më të mëdha, e jo ish-krerët e UÇK-së, përcjell lajmi.net.

Megjithatë, sipas tij, me emër të Zotit, do të dalin të pastër.

“I përshëndes të gjithë familjarët dhe ato zemra që thërrasin Liria ka Emër. Familjarë të pagjetur, ju pjesëmarrës, nuk është lehtë me gjetë fjalë që iu pëlqen të gjithëve. Por, kur ndalesh me mendu që ky popull ende është i fortë. E nderuar Ushtri Çlirimtare dhe ushtarë të UÇK-së. Të nderuar veteranë të luftës.

Të nderuar ata pjesëtarë. Nëse të flasim për zhvillimin, të flasim për llogaridhënien e atyre që kanë bërë këtë masakër, ne përkujtojmë, jo vetëm se po na pëlqen, por se është një drejtës..

“Ushton” Prishtina, Memli Krasniqi bën me dije se krerët e UÇK-së po e përcjellin marshin

Para të pranishmëve në Marshin për Drejtësi ka folur edhe kryetari i PDK-së, Memli Krasniqi.
Ai ka bërë me dije se ky marsh po ndiqet edhe nga ish-ushtarët që janë në Hagë, shkruan lajmi.net.

Në ato momente, turma është “elektrizuar” duke duartrokitur për krerët.

“Në këto momente, janë duke na përcjellur drejtpërdrejtë nga Haga, çlirimtarët tanë. Po na përcjellin drejtpërdrejtë, Thaçi, Veseli, Rexhep Selimi, Jakup Krasniqit”, tha Krasniqi.

“Ju ftoj që me një duartrokitje që s’e ka dëgju Prishtina, t’ju tregojmë që jemi me ta gjithmonë”, tha ai./Lajmi.net/

Agim Bahtiri në Marshin për Drejtësi: Liria ka emër, UÇK me zemër

Ish-kreu i Komunës së Mitrovicës së Jugut, Agim Bahtiri po merr pjesë në Marshin për Drejtësi.

Këtë e konfirmoi vet ai përmes një postimi në rrjetin social “Facebook”, përcjell lajmi.net.

Siç edhe shihet, ai është pranë bashkëshortes së tij, që edhe mban një pankartë ku thuhet se po marshojnë për drejtësi.

Më poshtë edhe postimi i plotë:

Duda Balje merr pjesë në Marshin për Drejtësi

Deputetja e Kuvendit të Kosovës nga radhët e komunitetit boshnjak, Duda Balje po merr pjesë në Marshin për Drejtësi.
Në një foto të publikuar para pak çastesh, shihet ajo teksa pozon me qytetarët, përcjell lajmi.net.

Tashmë ka filluar Marshi për Drejtësi, në mbështetje të ish-krerëve të UÇK-së, ndërsa sheshet e kryeqytetit janë stërmbushur.

Më poshtë edhe disa nga pamjet e siguruara nga redaksia jonë.