Author: admin

Dëgjoi një krismë derisa po ruante një objekt në Pejë, Policia gjen granatë dore në vendin e ngjarjes

Një rast i shkaktimit të rrezikut të përgjithshëm është raportuar dje në Pejë.
Ankuesi mashkull, punëtor sigurimi ka njoftuar se derisa ka qenë në sigurim të objektit nga një veturë në lëvizje është dëgjuar një krismë e vogël, ndërsa në mëngjes është gjetur një granatë dore.

Njësitet deminuese kanë dalë në vendin e ngjarjes dhe kanë bërë shpërthimin e mjetit pa incidente./Lajmi.net/

Qytetarit i shitet prona që e kishte në emër të nënës, i dyshuari arrestohet

Policia e Kosovës ka raportuar së fundi një rast të ndodhur në Malishevë e që ka të bëjë me uzurpim të paligjshëm të pronës.
Ankuesi mashkull ka njoftuar se pronën e tij e cila është në emër të nënës së tij, një person i dyshimtë e kishte shituar pa autorizim apo ndonjë dokument valid, transmeton lajmi.net.

I dyshuari në këtë rast është intervistuar dhe me vendim të prokurorit është dërguar në mbajtje./Lajmi.net/

Osmani pranon ftesë nga Biden për pjesëmarrje në Samitin për Demokraci

Presidentja e Kosovës, Vjosa Osmani, ka marrë ftesë nga Presidenti i SHBA-ve, Joe Biden, për pjesëmarrje në Samitin e Dytë për Demokraci.
Këtë e ka bërë të ditur Presidenca e Kosovës përmes një komunikate për media, shkruan lajmi.net.

Presidenca njofton se Osmani është përzgjedhur në mesin e dhjetë liderëve që do të jenë folës kryesor në seancën plenare në të cilën do të flitet për rolin e demokracisë në krijimin e institucioneve stabile.

Njoftimi i plotë nga Zyra e Presidencës:

Presidentja Vjosa Osmani ka marrë ftesë nga Presidenti i Shteteve të Bashkuara të Amerikës, Joe Biden për të marrë pjesë në Samitin e Dytë për Demokraci.

Sipas ftesës, përveç fjalimit që do të mbajë krahas krerëve të shteteve të tjera sipas formatit të vitit të kaluar, Presidentja Osmani është përzgjedhur edhe në mesin e dhjetë liderëve që do të jenë folës kryesor në seancën plenare në të cilën do të diskutohet për rolin e demokracisë ..

Dy vdekje të dyshimta brenda 24 orëve, njëra në Mitrovicë tjetra në rajonin e Gjilanit

Një vdekje e dyshimtë është raportuar gjatë ditës së djeshme në Mitrovicë.
Raportohet se viktima mashkull është gjetur pa shenja jete në banesën e tij. Vdekjen e viktimës e ka konstatuar mjeku kujdestar.

Me vendim të prokurorit, trupi i pajetë dërgohet në IML për obduksion.

Një rast tjetër i “Vdekjes së dyshimtë” është raportuar gjithashtu në rajonin e Gjilanit, saktësisht në Ranillukë.

Viktima mashkull dyshohet se është rrëzuar aksidentalisht.

Viktima ka pësuar lëndimet rupore dhe është dërguar në shtëpinë e shëndetit ku mjeku kujdestar ka konstatuar se viktima nuk ka shenja jete.

Trupi i pajetë i viktimës është dërguar në IML për obduksion./Lajmi.net/

Deputetja Bajrami: Ministrave të Kurtit dje u dolën pagat 400 euro më të larta

Deputetja e Kuvendit të Kosovës nga radhët e LDK-së, Hykmete Bajrami është deklaruar në lidhje me pagat të cilët morën dje zyrtarët shtetërore pas miratimit të Ligjit të Pagave.
Deputetja Bajrami tha se ministrave nga Qeveria Kurti dje u kanë dalë pagat për rreth 400 euro më të larta, në krahasim me muajin janar.

Madje ajo tha se tashmë ka filluar edhe një tallje nga këta ministra karshi qytetarëve, transmeton lajmi.net.

Bajrami reagoi edhe në lidhje me deklaratën e ministres së Ekonomisë, Artane Rizvanolli e cila tha se konfiskimi i pajisjeve për mihje të kriptovalutave ndikoi në kursimin e 1 milion eurove.

Sipas Bajramit, kjo nuk përputhet me të dhënat e KOSTT-it dhe të ZRRE-së.

Postimi i plotë:

Ministrave të Kurtit dje u ka dalë paga për rreth 400 Euro më e lartë, në krahasim me muajin janar. Tani paskan fillu edhe u tallë me qytetarët.

Mosni se nuk është mirë kështu!

Ministrja paska thanë janë k..

Gjoshi “i çepon” Kurtit për marrëveshjen: Nuk i solli asgjë Kosovës, përpos helmit e vrerit

Zyrtari i lartë i PDK-së, Betim Gjoshi, ka akuzuar kryeministrin Kurti për pajtimin e tij me planin evropian.
Ai në një postim në Facebook ka thënë se jeta politike e Kurtit është e mbushur me helm dhe vrerë, dhe se sipas tij, kryeministri s’mund t’i sjellë asgjë tjetër Kosovës, përveç këtyre dy gjërave, shkruan lajmi.net.

“Neni 7 është i rrezikshëm për Kosovën dhe kjo duhet thënë hapur. Përmes tij, Albin Kurti ka pranuar që të krijohen kushtet për autonomi të Zajednicës. Çuditërisht, “vetë-menaxhimi” i pranuar nga Kurti është i njëjtë me emrin e partisë së tij, Vetëvendosje. Pra, atë që nuk arriti asnjëherë ta realizoj për shqiptarët, Vetëvendosjen, ia dha dhuartë komunitetit serb në Kosovë”, shkroi Gjoshi.

Postimi i plotë:

Ashtu sikur jeta e tij politike që është e mbushur me helm dhe vrerë, Albin Kurti nuk arriti t’i sjellë asgjë tjetër Kosovës pos këtyre dy gjërave.

Përmes dorëzimit të..

Rasti kundër krerëve: Publikohen emrat e rreth 80 viktimave të pretenduara të UÇK-së

Zyra e Prokurorit të Specializuar në Hagë ka publikuar një version më pak të redaktuar të aktakuzës ndaj krerëve të Ushtrisë Çlirimtare të Kosovës, Hashim Thaçit, Kadri Veselit, Rexhep Selimit e Jakup Krasniqit.
Heqja e redaktimeve dhe publikimi në këso lloj forme, ka bërë që Prokuroria t’i bëj të ditur edhe emrat e atyre që pretendon të jenë viktima të UÇK-së në rastin e krerëve, shkruan lajmi.net.

Në aktakuzë, janë publikuar emrat e rreth 80 personave që dyshohet të jenë viktima të UÇK-së në forma të ndryshme, përfshirë mbajtjen e paligjshme, zhdukjen apo edhe vrasjen e tyre.

Shumica nga emrat e publikuar, vërehet se i përkasin nacionalitetit serb.

Gjithashtu, në aktakuzë ka edhe emra të tjerë që pretendohet të jenë viktima, mirëpo të cilët janë redaktuar. /Lajmi.net/

Besian Mustafa publikon pagën sa ishte ministër: E sfidoj Hekuran Muratin ta publikojë pagën e tij për muajin shkurt 2023

Deputeti i Kuvendit të Kosovës nga radhët e Lidhjes Demokratike të Kosovës, Besian Mustafa është deklaruar në lidhje me Ligjin e Pagave dhe ndryshimet që pasuan në ditën e djeshme tek ata që morën paga nga institucionet shtetërore.
Deputeti Mustafa ka publikuar pagën të cilën mori ai në shkurt 2021 sa ishte ministër i Bujqësisë, duke thënë se e sfidon ministrin e Financave, Hekuran Murati që të bëjë publike pagën e tij për muajin shkurt 2023.

Ai tha se në vitin 2021 kur ishte ministër, paga e tij ka qenë 1.208,42 euro, transmeton lajmi.net.

Ndryshe gjatë ditës së djeshme pati vërejtje të shumta nga zyrtarë të shumtë shtetërorë të cilët ndër të tjerash theksuan se nga Ligji i Pagave nuk patën ngritje të pagave, por ulje dhe humbje.

Reagimi i Mustafës:

E sfidoj Hekuran Muratin ta publikojë pagën e tij për muajin shkurt 2023!

Paga ime e ministrit për muajin shku..

I ulur në karrocë, Kurti pret në takim përfaqësuesit e Handikos-it

Kryeministri i Kosovës, Albin Kurti ka pritur sot në takim përfaqësuesit e Handikos-it, me rastin e 1 Marsit, Ditës Ndërkombëtare të Përdoruesve të Karrocës.
Kurti dhe kabineti i tij pritën përfaqësuesit ulur në karroca, në shenjë solidariteti me ta.

Ndërsa gjatë ditës së sotme përfaqësuesit e Handikos-it pritet të takohen edhe me presidenten Vjosa Osmani si dhe të parin e Kuvendit të Kosovës, Glauk Konjufca./Lajmi.net/