Author: admin

Von Der Leyen flet me Biden për Kosovën e Serbinë: Presim konstruktivitet në takimin e 18 marsit

Çështja e dialogut të Kosovës me Serbinë ishte temë e takimit të presidentit amerikan, Joe Biden, me kryetaren e Komisionit Evropian, Ursula von Der Leyen.
Këtë e konfirmoi vet kjo e fundit në një konferencë shtypi me gazetarë pas takimit, transmeton lajmi.net.

Siç raportojnë mediat e huaja, Von Der Leyen tha se “Ne e prekëm shkurtimisht atë temë”, në takimin i cili u zhvillua në Zyrën Ovale të Shtëpisë së Bardhë.

Ajo foli edhe për takimin e 18 marsit mes Kurtit dhe Vuçiq, të planifikuar të ndodhë në Ohër të Maqedonisë.

Tha se pavarësisht problemeve, është e rëndësishme që dialogu të vazhdojë dhe palët të kenë konstruktivitet.

“Është shumë e rëndësishme që dialogu ndërmjet Serbisë dhe Kosovës të vazhdojë. Nuk është e lehtë. Ka ende shumë çështje që duhet të zgjidhen, por është duke ecur në drejtimin e duhur. Propozimi tashmë është në tavolinë dhe ka një udhërrëfyes se si të arrihet at..

17 vjet nga vdekja e Millosheviqit, kriminelit që mbeti pa u dënuar për gjenocidin në Kosovë

Sot janë bërë 17 vjet nga vdekja e Sllobodan Millosheviqit, ish-president i Serbisë dhe i ish-Jugosllavisë.
Millosheviq që ndryshe njihet edhe si “Kasapi i Ballkanit”, vdiq në një qeli të Tribunalit të Hagës, pa e pritur përfundimin e gjykimit ku ngarkohej me akuza më të rënda, duke përfshirë akuzat për krime lufte dhe gjenocid.

Ironikisht, vdekja Millosheviqin e shpëtoi nga vuajtja e dënimit për veprat që rëndonin mbi të.

Me të marrë pushtetin, “Slloba”, siç njihej në qarqet e ngushta, kishte bërë reforma për ndryshime kushtetuese të cilat reduktonin autonominë e provincave, çfarë ishte Kosova.

Krimet kundër njerëzimit nga regjimi i Millosheviqit cilësohen si më të rëndat qysh nga ato të nazizmit gjerman.

Vetëm në Srebrenicë të Bosnjës janë vrarë më së tetë mijë veta, në atë që tani njihet si masakra e Srebrenicës.

Krime të ngjashme ushtria serbe nën urdhrat e Millosheviqit ka kryer edh..

Mërgimtarët nga Suedia kapen për pronë në Prizren: Babai dhe vajza kërcënohen me vrasje nga familjarët

Një rast i kanosjes është hapur dje në Policinë e Prizrenit.
Siç bëhet e ditur në raportin e Policisë, njësitet policore pas pranimit të informatës për kanosje, kanë dalë në vendin e ngjarjes dhe kanë takuar viktimat (babë e bijë) me shtetësi suedeze, të cilët kanë deklaruar se për çështje pronësore, përmes telefonit janë kanosur me vrasje nga të dyshuarit: bashkëshortja, djali e vajza po ashtu me shtetësi suedeze, të cilët kanë ardhur në Kosovë.

Të dyshuarit sapo kanë arritur në Aeroportin “Adem Jashari”, nga njësitë policore janë shoqëruar në Stacionin Policor Prizren.

Në lidhje me rastin është konsultuar prokurori i shtetit i cili ka rekomanduar që pas intervistimit palët të lirohen dhe rasti të procedohet në procedurë të rregullt. /Lajmi.net/

Haradinaj për planin evropian: Kosova mund të kishte mundësi tjera, me një kryeministër tjetër

Ish-kryeministri i Kosovës, Ramush Haradinaj, ka thënë se ka kritika të mëdha për qeverisjen e Kurtit, dhe mënyrën sesi është zhvilluar procesi i dialogut, porse Propozimi Evropian duhet të përkrahet edhe nga partitë opozitare.
Lideri i AAK-së, në një deklarim për Ekonomia Online, ka thënë se e konsideron si arritje të madhe për Kosovën propozimin për normalizim të marrëdhënieve me Serbinë. Megjithëse beson se marrëveshja ka mundur të jetë edhe më e mirë me “një kryeministër tjetër”.

Derisa, zyrtarët qeveritarë dhe disa analistë po përsërisin se Marrëveshja që pritet të nënshkruhet më 18 mars në Ohër është njohje “de facto” e Kosovës nga Serbia, Haradinaj shkon edhe më tutje.

“Marrëveshja ka njohjen edhe de-jure në planin ndërkombëtar, por nuk e ka njohjen bilaterale me Serbinë. Kjo e arritur është falë aleatëve tanë dhe me siguri reflekton realitetet në rajon e Kosovë. Kjo është një arri..

Edhe sot mot me shi në Kosovë, këto pritet të jenë temperaturat

Sot (e shtunë) parashihet të mbajë mot kryesisht i vranët dhe vende-vende me riga shiu. Në fushat termike parashihet rënie të lehta.
Dita e diele parashihet të jetë më e ftohtë dhe temperaturat do të zbresin për 4-5 gradë celsius.

Instituti Hidrometeorologjik i Kosovës parashikon që minimalet do të lëvizin ndërmjet -2 deri 1 gradë celsius, ndërsa maksimalet e ditës parashihen të lëvizin ndërmjet 5-9 gradë celsius.

Do të fryjë erë nga drejtimi i jugperëndimit dhe verilindjes me shpejtësi 1-6m/s. /Lajmi.net/

Lajçak takon ambasadorët në Kosovë, i informon për atë që po ndodhë me dialogun

Përfaqësuesi special i Bashkimit Evropian për dialogun Prishtinë-Beograd dhe çështje të tjera rajonale të Ballkanit Perëndimor, Miroslav Lajçak, e ka mbyllur vizitën dyditore në vendin tonë duke takuar të gjithë ambasadorët e akredituar në Kosovë.
Lajçak deklaroi në një postim në orët e vona në Twitter se e kishte informuar komunitetin ndërkombëtar për hapat e ardhshëm dhe pritjet rreth dialogut mes Kosovës dhe Serbisë.

“E fundit, por jo më pak e rëndësishme, e informova komunitetin ndërkombëtar në Kosovë për gjendjen e dialogut, hapat e ardhshëm dhe pritjet tona për ditët dhe javët në vijim. Mirënjohës për interesimin dhe mbështetjen e tyre”, shkroi Lajçak.

Zyrtari i BE-së qëndroi për dy ditë në Kosovë një javë para takimit në Ohër ku pritshmëritë janë që të dakordohet mbi udhërrëfyesin e zbatimit të planit të Bashkimit Evropian për dialogun Kosovë-Serbi.

Përpos takimeve me krerët shtetërorë, Lajçak s..

Plagosje në Drenas, viktima qëllohet me armë zjarri në kokë

Një tentim vrasje e rëndë ka ndodhur dje në fshatin Baicë të Drenasit.
Policia përmes raportit 24 orësh njofton se dy të dyshuar meshkuj kosovarë për motive deri më tani të pa njohura, e kanë sulmuar fizikisht dhe kanë shtënë me armë zjarri duke e plagosur në kokë viktimën mashkull kosovar.

Viktima është duke u trajtuar në QKUK, ndërsa të dyshuarit kanë ikur në drejtim të pa njohur.

Njëri nga të dyshuarit është arrestuar dhe me vendim të prokurorit është dërguar në mbajtje.

Njësitë relevante policore janë duke e trajtuar rastin. /Lajmi.net/

Nëna e Astrit Deharit: Nuk na kanë lajmëruar se janë gjetur mostrat

Gjatë ditës së djeshme në mediet është raportuar se është gjetur një pjesë e mostrave të ish-aktivistit të Lëvizjes Vetëvendosje, Astrit Dehari, të cilat ishin zhdukur në dhjetor të 2022-ës.
Lidhur me këtë rast, në “Lajmet e fundit”, në RTK, përmes lidhjes telefonike ka folur nëna e Astrit Deharit, Xhemile Dehari.

Ajo, për raportimin e mediave në ditën ka thënë se nuk ka kurrfarë lajmi dhe që askush nuk i ka lajmëruar për këto gjëra. Ajo, më tutje sqaroi se këto i ka dëgjuar në media.

Nëna e Astritit, Xhemile Dehari, theksoi se për këto gjëra duhet kontaktuar prokurori i rastit.

“Nuk di pse duhet me na pyet mediet, kur është vetë prokurori për këtë punë. Prokuroria e ka këtë punë”, vuri në dukje ajo, derisa shtoi se “edhe ma herët kam thënë se për të gjitha këto gjëra me Prokurorinë duhet të merreni vesh”.

Tutje, ajo deklaroi se është njoftuar nëpër medie të ndryshme se paskësh dhënë deklaratë lidhur me ngjarjen ..

Një person në Sllatinë konfrontohet me policët, u nervozua pse e gjobitën në trafik

Një person në Sllatinë të Fushë Kosovës dje u nervozua fort me një gjobë që policët i shqiptuan për kundërvajtje në trafik.
Siç bën të ditur policia, i njëjti është arrestuar pasi është ndaluar me veturë dhe i njëjti ka penguar zyrtarët policor në kryerjen e detyrës derisa ishin duke i shqiptuar një gjobë për kundërvajtje në trafik.

Në konsultim me prokurorin, i dyshuari pas intervistimit është liruar në procedurë të rregullt.

Detaje tjera rreth rastit nuk janë dhënë. /Lajmi.net/

Vdes në rrethana të dyshimta foshnja dy muajshe në Prishtinë, policia nis hetimet

Policia e Kosovës ka nisur dje hetimet për vdekjen e një foshnje dy muajshe në Prishtinë.
Siç raportohet, viktima ka ndërruar jetë në rrethana aktualisht të panjohura, shkruan lajmi.net.

Njësitet policore kanë dalë në vendin e ngjarjes ndërsa ekipi mjekësor ka konstatuar vdekjen.

Me urdhër të prokurorit, trupi i pajetë i viktimës është dërguar në IML për obduksion, ndërsa njësitet policore janë duke hetuar rastin. /Lajmi.net/