Author: admin

Arrestohen tre persona në Deçan, u rrahën për një varr

Tre persona janë arrestuar të dielën në qytetin e Deçanit, për shkak të një varri.
Policia e Kosovës, në raportin 24- orësh thekson se rrahja ka ndodhur si pasojë e dëmtimit të një varreze nga njëri prej të dyshuarve, përcjell lajmi.net.

“Janë arrestuar tre të dyshuar meshkuj kosovarë pasi që të njëjti janë rrahur mes vete si pasojë e dëmtimit të një varreze nga njëri prej të dyshuarëve. Të dyshuarit janë intervistuar dhe me vendim të prokurorit, njëri prej tyre është dërguar në mbajtje ndërsa dy të tjerë janë liruar në procedurë të rregullt.”, thuhet në raport./Lajmi.net/

Katër persona të lënduar nga një aksident në Prizren, shoferi kishte konsumuar alkool

Katër persona kanë mbetur të lënduar, si shkak i një aksidenti të djeshëm në hyrjen jugore të Prizrenit.
Policia bënë të ditur se njëri ka shoferët kishte qenë nën ndikimin e alkoolit, përcjell lajmi.net.

“Ka ndodhur aksident trafiku në mes të dy veturave njëra me targa të Shqipërisë me ngasës të dyshuarin mashkull shtetas i Shqipërisë dhe tjetra me targa vendore me ngasës viktimën mashkull kosovar. Si pasojë e aksidentit lëndime trupore kanë pësuar katër persona dy shtetas të Shqipërisë dhe dy të Kosovës të cilët kanë pranuar tretman mjekësor. I dyshuari ka rezultuar me alkool në gjak 1.12 promilë dhe i njëjti është arrestuar dhe me vendim të prokurorit dërgohet në mbajtje”, thuhet në raportin 24- orësh të policisë./Lajmi.net/

Jep dorëheqje drejtori Ekzekutiv i Odës së Avokatëve të Kosovës, Besim Curri

Pas publikimit nga “Betimi për Drejtësi” të hulumtimit për “Mashtrimet në emër të avokatëve”, bëhet e ditur se ka dhënë dorëheqje drejtori Ekzekutiv i Odës së Avokatëve, Besim Curri.
Lajmin për dorëheqjen e tij e ka bërë të ditur Oda e Avokatëve nëpërmjet një komunikate për media.

“”Oda e Avokatëve të Kosovës, pas publikimit të emisionit “Betimi për Drejtësi” të shtunën me datë 11.03.2023 në KTV, njofton të gjithë avokatët dhe publikun e gjerë si dhe bënë me dije se: Bazuar në pretendimet e dhëna në këtë emision, sot në mëngjes Kryetari i Odës së Avokatëve të Kosovës, z. Behar Ejupi me tu paraqitur në zyrat e OAK-së, ka ftuar në takim Drejtorin Ekzekutiv, nga i cili ka kuptuar se i njëjti ka ofruar dorëheqjen e tij”, thuhet në njoftimin e OAK-ut.

Arrestohen tre persona në Deçan, u rrahën për një varr

Tre persona janë arrestuar të dielën në qytetin e Deçanit, për shkak të një varri.
Policia e Kosovës, në raportin 24- orësh thekson se rrahja ka ndodhur si pasojë e dëmtimit të një varreze nga njëri prej të dyshuarve, përcjell lajmi.net.

“Janë arrestuar tre të dyshuar meshkuj kosovarë pasi që të njëjti janë rrahur mes vete si pasojë e dëmtimit të një varreze nga njëri prej të dyshuarëve. Të dyshuarit janë intervistuar dhe me vendim të prokurorit, njëri prej tyre është dërguar në mbajtje ndërsa dy të tjerë janë liruar në procedurë të rregullt.”, thuhet në raport./Lajmi.net/

Mbi 236 mijë lëndë në pritje për t’u zgjidhur nëpër gjykatat e Kosovës

Mbi 236 mijë lëndë të ndryshme nëpër gjykatat e vendit janë në pritje për t’u zgjidhur. Gjykata Themelore e Prishtinës prin me më se shumti lëndë të pazgjidhura.
Sipas të dhënave të Këshillit Gjyqësor, në periudhën janar-qershor të vitit 2022 janë regjistruar 236 mijë e 329 lëndë të pazgjidhura në gjykata.

Këshilli Gjyqësor i Kosovës në raportin për vitin 2022 thekson se Gjykata Supreme, Dhomat e Posaçme, Gjykatat e Apelit dhe ato Themelore kanë pasur mbi 295 mijë lëndë, ku 222 mijë janë lëndë të trashëguar, ndërsa janë pranuar 73 mijë e 276 të tjera.

Zvarritja e lëndëve sipas Institutit të Kosovës për Drejtësi, po ndodh për shkak të mos trajtimit të tyre brenda afateve ligjore, si dhe mos menaxhimi adekuat i lëndëve nga ana e gjyqtarëve, shkruan RTK.

“Jo vetëm në çështjet administrative, penale dhe komerciale por edhe planifikimi jo adekuat i KGJK-ës me shpërndarjen e gjyqtarëve nëpër gjykata në bazë të numrit..

Lajçaku sot në Beograd, takon Vuçiqin

I dërguari special i Bashkimit Evropian për dialogun Kosovë-Serbi, Miroslav Lajçak, do të takohet të hënën në Beograd me presidentin serb, Aleksandar Vuçiq.
Sipas mediumit serb “Danar”, takimi do të fillojë në ora 14:30, ku temë kryesore do jetë marrëveshja mes Kosovës dhe Serbisë.

Takimi i Lajçakut me Vuçiq ndodh disa ditë pas takimit me kryeministrin e Kosovës, Albin Kurti.

Lajçak ka deklaruar në Kosovë se palët duhet të pajtohen edhe për aneksin e marrëveshjes, që sipas tij, çon drejt normalizimit të marrëdhënieve.

Zgjedhjet në veri: Sot mbyllet afati për deklarim të mospjesëmarrjes të partive politike

Sot përfundon afati për partitë politike në Kosovë që ta njoftojnë Komisionin Qendror të Zgjedhjeve se nuk dëshirojnë të marrin pjesë në zgjedhjet e jashtëzakonshme për kryetar të katër komunave: Mitrovicë e Veriut, Zveçan, Leposaviq dhe Zubin Potok dhe zgjedhjeve të parakohshme për kuvendet komunale të dy komunave: Zveçan dhe Leposaviq, të cilat do të mbahen më 23 prill 2023.
Këtë e ka bërë të ditur për EO, zëdhënësi i KQZ-së, Valmir Elezi.

“Afati i vendosur nga KQZ-së për partitë politike për të deklaruar mospjesëmarrjen në zgjedhje përfundon më 13 mars”, ka thënë Elezi.

Sipas njoftimeve të fundjavës nga KQZ-ja, deri të premten në këtë institucion janë paraqitur deklarimet e mospjesëmarrjes në zgjedhje nga 8 parti politike: Partia Demokratike e Diasporës, Iniciativa e Re Demokratike e Kosovës, Pokret za Gora, Socialdemokratska Unija, Fjala, Partia e Ashkalinjëve për Integrim, Kosovaki Nevi Ro..

​Parashikimi i motit për këtë javë

Instituti Hidrometeorologjik i Kosovës ka njoftuar se gjatë ditës së sotme do të ketë mot të vranët dhe me intervale me diell.
Sipas IHK-së, në mëngjes parashihen ngrica të dobëta, ndërsa në ultësira paraqiten kushte për mjegull.

Ndërsa gjatë ditëve në vijim pritet të ketë një mot i ndryshueshëm.

E martë – Mot me vranësira të shpërndara dhe i nxehtë. Temperaturat minimale mbeten rreth zeros, ndërsa maksimalet parashihen të jenë mbi vlerat e mesatareve.

E mërkurë – Mot i vranët dhe me reshje shiu. Temperaturat minimale do të shënojnë vlera pozitive, ndërsa maksimalet e ditës do të shënojnë ulje në krahasim me ditën e martë.

E enjte – Mot kryesisht i vranët dhe i freskët. Temperaturat do të shënojnë ulje, por nuk parashihet të ketë minuse.

E premte – Mot i vranët dhe me intervale me diell. Temperaturat minimale do të lëvizin rreth zeros, ndërsa maksimalet parashihen të shënojnë ngritje të lehta.

Sasitë e reshjeve të fundit ishin nga 4 deri 70 l/..

24 vjet nga masakra në tregun e Mitrovicës

Në Mitrovicë sot përkujtohet masakra që ndodhi në tregun e këtij qyteti 24 vjet më parë e ku pati viktima dhe qindra të plagosur.
Atë kohë, forcat serbe sulmuan me minahedhës derisa tregu ishte përplot me njerëz, ndërsa si pasojë mbetën të vdekur gjashtë qytetarë, në mesin e të cilëve kishte fëmijë dhe gra, ndërsa u plagosën edhe 128 të tjerë.

Përfaqësues të institucioneve komunale dhe asociacioneve të tjera në Mitrovicë, familjarë të viktimave e martirëve, si dhe qytetarë tjerë, çdo vit mblidhen në vendin e ngjarjes në nderim të viktimave të masakrës së tregut në Mitrovicë, që ndodhi 24 vjet më parë.

Pasojat shëndetësore e psikologjike të këtij sulmi të ushtrisë dhe policisë serbe i vuajnë edhe sot shumë prej atyre që ishin atë ditë në treg.

Ngjarjet e ditës së sotme, ja çfarë pritet të ndodhë

Gjatë ditës së sotme në Kosovë janë paraparë të zhvillohen disa ngjarje.
Në kuadër të këtyre ngjarjeve është edhe mbledhja e Kryesisë së Kuvendit, përcjell lajmi.net.

Ngjarjet e ditës:

Ministria e Ekonomisë dhe Universiteti “Columbia” në New York do të nënshkruajnë memorandum të bashkëpunimit, përmes të cilit Universiteti do të mbështesë Ministrinë drejt zbatimit të suksesshëm të Strategjisë së Energjisë përmes përgatitjes së studimeve e hulumtimeve akademike. (Ndërtesa e Qeverisë së Kosovës, salla P38, ora 08:20)

Koalicioni i OJQ-ve për Mbrojtjen e Fëmijëve në Kosovë, Këshilli për Zhvillim të Qëndrueshëm dhe Komisioni Parlamentar për Shëndetësi dhe Mirëqenie Sociale, mbajnë tryezën “Ndikimi i shërbimeve sociale tek qytetarët në nevojë”. (Hotel International Prishtina, ora 10:00)

Komuna e Gjakovës organizon dëgjim publik lidhur me procedurat e shpronësimit të pronave me qëllim të ndërtimit të rrugës/dalja për Pejë. (Salla e Kuv..