Author: admin

Gjermania pret marrëveshje në Ohër për zbatimin e propozimit evropian

Gjermania pret që në rundin e ri të dialogut mes Kosovës dhe Serbisë – që mbahet në Ohër më 18 mars – palët do të arrijnë marrëveshje për zbatimin e propozimit evropian për normalizimin e raporteve.
Ambasada gjermane në Beograd i tha Radios Evropa e Lirë se avancimi drejt integrimit evropian të shteteve të Ballkanit Perëndimor është synim i Procesit të Berlinit, por në rastin e Kosovës dhe Serbisë ka një pengesë në këtë rrugë.

“Raportet e pazgjidhura mes Kosovës dhe Serbisë vazhdojnë të paraqesin pengesë. Takimi i ri i nivelit të lartë në Ohër shënon një hap të rëndësishëm drejt tejkalimit të kësaj pengese dhe avancimit në rrugën evropiane”, thanë nga Ambasada gjermane.

Në takimin e Ohrit, palët pritet të diskutojnë për planin e zbatimit të propozimit të BE-së.

Sipas Berlinit zyrtar, propozimi evropian për normalizimin e raporteve, për të cilin ranë dakord më 27 shkurt kryeministri i Kosovës, Albin Kurti, dhe pr..

Prishtina “mbytet” nga mbeturinat, reagon Rama: Po punojmë për të gjetur një zgjidhje sa më të shpejtë

Kryetari i Komunës së Prishtinës, Përparim Rama, ka reaguar rreth grevës së punëtorëve të ndërmarrjes “Pastrimi”, me ç’rast nëpër rrugët e kryeqytetit është shkaktuar grumbullim i madh i mbeturinave, të cilat nuk janë mbledhur nga ndërmarrja në fjalë shkaku i grevës.
Rama ka thënë se e kupton zhgënjimin e punëtorëve dhe e njeh të drejtën e tyre për të protestuar, por se vendimi i tyre për të ndërprerë punën ka pasur një ndikim të rëndë në pastërtinë e qytetit të Prishtinës, shkruan lajmi.net.

“Rrugët janë të mbushura me mbeturina dhe kjo situatë është e papranueshme. Ne kemi qenë aktivisht të angazhuar me Ndërmarrjen për të gjetur një zgjidhje për këtë çështje dhe jemi të përkushtuar për të arritur një marrëveshje të drejtë nga e cila do të përfitojnë edhe punëtorët dhe kryeqyteti. Ndërkohë, ne jemi duke vendosur të gjitha burimet në dispozicion për të menaxhuar situatën dhe për të..

Osmani: Modeli aktual për pakicat, më i mirë sesa 15 modelet e propozuara

Presidentja Vjosa Osmani është shprehur se model aktuale që ka Kosova për pakicat është më i miri sesa ato 15 modelet e propozuara nga emisari i Bashkimit Evropian për dialog , Miroslav Lajçak.

Ajo tha se Kosova është e gatshme t’i diskutojë këto modele evropiane por jo diçka që rrezikon e cenon funksionimin demokratik të vendit.

Këto komente, presidentja Osmani i bëri pas pjesëmarrjes në edicionin e dhjetë të Javës së Gruas që po organizohet nga NDI.

“Modelet të cilat janë prezantuar të 15-ta nuk kanë të bëjnë me asociacione janë modele të drejtash për pakicat, pra secila prej tyre janë modele të cilat disa japin më shumë të drejta, në disa modele ka më pak të drejta sesa që tashmë Kosova u jep pakicave apo komuniteteve joshumicë. Ne i kemi analizuar të gjithë këto modele dhe natyrisht ka elemente që mund të merren prej secilës prej tyre, por unë do të thosha sërish që modeli shumë më i mirë se të gjitha at..

Dreshaj: Ministria e Shëndetësisë me qeverisjen Kurti ka qenë ministri e eksperimenteve

Deputeti i Aleancës për Ardhmërinë e Kosovës, Shemsedin Dreshaj ka kritikuar sot qeverinë për gjendjen në shëndetësi, duke potencuar se Ministria e Shëndetësisë me qeverisjen Kurti ka qenë ministri e eksperimenteve.
Ai, në një konferencë për media, ka potencuar se shëndetësia nuk menaxhohet me ushtrues të detyrave.

“Asnjë dikaster për këtë qeverisje për dy vite nuk mund të merret si mostër për qeverisje të mirë….Ministria e Shëndetësisë me qeverisjen Kurti ka qenë ministri e eksperimenteve duke u ndërruar ministra, duke u ndërruar shefat e departamenteve e madje kishte edhe raste ku këto pozita mbetën bosh për muaj të tërë, e dini rastin e ministrit. Shëndetësia nuk menaxhohet me ushtrues të detyrave dhe të cilët janë të padëshmuar dhe pa përvojë menaxheriale”, ka thënë ai.

Dreshaj është shprehur se pakënaqësitë në shëndetësi deri më tani janë të shumta dhe ka nënvizuar se është penguese në orga..

Kurti pyetet për takimin e 18 marsit: Mendoj se fle mirë dhe lexoj literaturë sa i përket negociatave

Kreu i Qeverisë së Kosovës, Albin Kurti ka folur për atë se si i kalon ditët në prag të takimit të radhës të nivelit të lartë me presidentin e Serbisë, Aleksander Vuçiq.
Kurti ka thënë se është aktiv gjatë gjithë kohës, meqë ka angazhim edhe në Qeveri por edhe në Lëvizjen Vetëvendosje, por shton se një pjesë të kohës për aq sa mundet përgatitet duke i lexuar marrëveshjet që janë nënshkruar dhe gjithashtu edhe literaturë sa i përket dialogut dhe negociatave.

Ai thotë se për këtë e ndihmojnë këshilltarët e tij por edhe të zëvendëskryeministrit Besnik Bislimi.

“Unë jam shumë aktiv tërë kohën, sepse Qeveria i ka 3 zv/kryeministra dhe 15 ministri. Jam edhe kryetar i VV-së. Po një pjesë të kohës, krejt çka mundem përgatitem duke i lexuar dokumentet e deritanishme, por duke lexuar edhe literaturë sa i përket bisedimeve dhe negociatave. E këtu natyrisht që më ndihmojnë shumë këshilltarët s..

Lista Serbe humb mbështetje të konsiderueshme

“Politika e keqe në dhjetë vjetët e fundit” dhe “barrikadat në veri të Kosovës” janë disa nga arsyet përse Lista Serbe po e humb besimin e disa banorëve të Mitrovicës së Veriut, me të cilët bisedoi Radio Evropa e Lirë.
Se kjo parti – më e madhja e serbëve në Kosovë – ka humbur mbështetje, e tregon edhe një hulumtim i organizatës joqeveritare, Aktiv, për pozitën e komunitetit serb në veri të Kosovës. Rezultatet e tij u publikuan në fillim të marsit dhe nga 350 të anketuar, vetëm 2.4 për qind thanë se i besojnë Listës Serbe.

Nga viti 2013, kur edhe është formuar me mbështetjen e Beogradit zyrtar, Lista Serbe ka marrë mbi 90 për qind të votave pothuajse në të gjitha zgjedhjet.

Megjithatë, vëzhgues nga Bashkimi Evropian kanë thënë në raportet e tyre se kjo parti “ka monopolizuar jetën politike mes serbëve në Kosovë”. Sipas tyre, kandidatë dhe aktivistë të Listës Serbe kanë bërë trysni mbi votuesit.

Kujt i besojnë serbët e veriut të Kosovës..

Kurti: Isha i gatshëm të nënshkruaj në Bruksel, por jam pesimist se marrëveshja mund të nënshkruhet në Ohër

Kryeministri i Kosovës, Albin Kurti është shprehur pesimist se marrëveshja e zbatimit mund të nënshkruhet në Ohër.
Kurti theksoi se janë dakorduar për propozimin evropian, me iniciativë franko-gjermane dhe aty janë pesë fjali, 11 nene dhe kësisoj do të mund të diskutohet plani i zbatimit.

“Ne jemi dakorduar për propozimin evropian, me iniciativë franko-gjermnane dhe aty janë pesë fjali në preambulë, janë 11 nene gjithsej, le ta diskutojmë planin e zbatimit. Unë e di që Serbia shtynë shumë për themelimin e Asociacionit të komunave me shumicë serbe, por ne e dimë qëndrimin e Serbisë por unë dua t’i referohem asaj për çfarë jemi marrë vesh dhe atë që keni mundur ta lexoni që të gjithë, e plani i zbatimit duhet të negociohet në Ohër, e mbase jo vetëm në Ohër”, tha Kurti.

Kryeministri tha se nuk varet vetëm nga ana e Kosovës se a do të ketë sukses, apo jo.

“A do të ketë sukses ap..

Osmani për zgjedhjet në veri: Institucionet e sigurisë po punojnë që qytetarët të ndihen të sigurt e të dalin në votime

Presidentja Vjosa Osmani ka thënë se qytetarët serb të cilët i kanë bojkotuar institucionet e Kosovës, e kanë bërë këtë nga presioni i Serbisë.
Ajo ka thënë se këta qytetarë duhet ta kuptojnë se Kushtetuta ua garanton të drejtat e tyre e se nuk mund të bëjnë përpjekje tjera përtej “asaj që na jep Kushtetuta dhe demokracia”.

“Sa i përket gjyqtarëve dhe prokurorëve, siç e dini së bashku edhe me pjesëtarët e institucioneve të tjera ata janë larguar nga puna me presion të Serbisë. Përpjekjet tona janë përpjekje demokratike që t’i bindim që të drejtat e tyre të garantuara me Kushtetutë janë të drejta që nuk mund t’i gjejnë askund në Evropë”.

“Përpjekje përtej asaj që na jep Kushtetuta dhe demokracia në vend nuk mund të ketë. Të gjithë qytetarët serb duhet ta kuptojnë që mënyra më e mirë për garantimin e të drejtave të tyre është që t’i shfrytëzojnë të drejtat që Kushte..