Author: admin

​Nëntëmbëdhjetë vjet nga trazirat e marsit

Nëntëmbëdhjetë vite më parë, shpërtheu revolta popullore kundër UNMIK-ut.
Pas përfundimit të luftës në qershor të vitit 1999, në Kosovë instalohet misioni i OKB-së, i cili lejoi krijimin e strukturave paralele serbe në Kosovë dhe ndikoi në ngulfatjen e ekonomisë së Kosovës.

Kështu më 17 mars 2004, filluan trazirat që më vonë janë përfolur shumë si “Trazirat e marsit”. Këto trazira filluan pasi që dy fëmijë shqiptar në pjesën veriore të Mitrovicës u mbytën në lumin Ibër. Disa fëmijë që mbijetuan në orët e vona po atë natë treguan para kamerave se ata ishin ndjekur nga serbët dhe duke ikur dy fëmijë kishin humbur jetën në lum.

Gjatë këtyre trazirave u vranë 19 persona, prej tyre ishin 12 shqiptarë.

Ngjarjet e ditës së sotme

Lajmi.net ju sjell ngjarjet e ditës së sotme:
Presidentja e Republikës së Kosovës, Vjosa Osmani Sadriu pret në takim zëvendës Ndihmës Sekretarin e Shtetit të SHBA-ve, Gabriel Escobar. Mediat mund të marrin pamje në fillim të takimit. (Ora 09:00)

Mbahet mbledhja e Komisioni Ad-hoc për Zhvillimin e Procesit të Vlerësimit Kalimtar, ku bëhet njoftimi në lidhje me procedimin e projekt-amendamenteve kushtetuese dhe formimi i grupit të punës për shqyrtimin e Projektligjit për Kontrollin e Integritetit të Pozitave të caktuara në Sistemin e Drejtësisë. (Kuvendi, N302, ora 09:00)

Mbahet ceremoninë e nënshkrimit të marrëveshjes së partneritetit ndërmjet Odës së Mjekëve të Kosovës, Spitaleve të Përgjithshme të Sllovenisë (Izola, Celje, Murska Sobota) dhe Spitaleve të Përgjithshme të Gjilanit dhe Prizrenit.(Hotel Emerald, Prishtinë, ora 09:00)

Presidentja e Republikës së Kosovës, Vjosa Osmani Sadriu dhe zëvendës Ndihmës Sekretari Escobar, deklarohen për media. (Ora 10..

Moti sot në Kosovë

Instituti Hidrometeorologjik i Kosovës ka njoftuar se sot do të mbaj mot i vranët dhe me intervale me diell.
Sipas institutit, temperaturat minimale do të lëvizin rreth zeros, ndërsa maksimalet parashihen të shënojnë ngritje të lehta.

Në fundjavë parashihet kryesisht me kthjellime e diell dhe më butë.

31 vjeçari arrestohet për kanosje, i konfiskohen dy armë dhe municion

Një 31 vjeçar me inicialet B.D është arrestuar në fshatin Damjan të Gjakovës, pasi dyshohet për kanosje.
Sipas Policisë, rasti ka ndodhur dje dhe në posedim të të dyshuarit janë gjetur dhe konfiskuar dy pistoleta dhe 30 copë fishekë, të cilat ai i posedonte në mënyrë të paautorizuar.

Me vendim të Prokurorit të Shtetit (në koordinim me të cilin janë ndërmarrë të gjitha veprimet hetimore) i dyshuari është ndalur në mbajtje për 48 orë dhe është iniciuar rast “Kanosje” dhe “Mbajtje në pronësi, kontroll ose posedim të paautorizuar të armëve”.

Nuk respektoi urdhrin mbrojtës dhe sulmoi fizikisht viktimën, dërgohet në mbajtje i dyshuari në Suharekë

Një rast i dhunës në familje është raportuar dje rreth orës 17:00 në Komunën e Suharekës.
Sipas raportit 24 orësh të policisë, viktima femër kosovare ka raportuar në polici se i dyshuari mashkull kosovar e ka sulmuar fizikisht, me ç’rast ka shkelur edhe urdhërin mbrojtës të lëshuar nga gjykata kompetente, shkruan lajmi.net.

“Me vendim të prokurorit i dyshuari është arrestuar dhe është dërguar në mbajtje”, thuhet në raport.

Njoftimi i plotë:

Suharekë 16.03.2023 – 17:00. Viktima femër kosovare ka raportuar se i dyshuari mashkull kosovar e ka sulmuar fizikisht e me këtë rast ka shkelur urdhërin mbrojtës lëshuar nga gjykata kompetente. Me vendim të prokurorit i dyshuari është arrestuar dhe është dërguar në mbajtje. /Lajmi.net/

Agjenda e sotme e Escobarit në Kosovë, pritet të takojë përfaqësuesit e institucioneve

I dërguari i posaçëm i Uashingtonit për Ballkanin Perëndimor, Gabriel Escobar, ka nisur vizitën dyditore në Kosovë, ku do të zhvillojë takime me përfaqësuesit e partive opozitare dhe liderët shtetërorë.
Fillimisht, të enjten ai u takua me përfaqësuesit e partive opozitare në Kosovë, ndërkaq, të premten pritet të takohet fillimisht me presidenten e Kosovës, Vjosa Osmani, kryeparlamentarin, Glauk Konjufca, më pas me kryeministrin Albin Kurti.

Takimi me Osmanin është paraparë të nisë në orën 09:00 dhe dy zyrtarët më pas do të deklarohen për media.

Më pas, në orën 10:20 ai do të takohet me kryetarin e Kuvendit të Kosovës, Glauk Konjufca.

Në selinë e Qeverisë së Kosovës, për t’u takuar me Kurtin, Escobar do të shkojë në orën 11.00.

Vizita e zyrtarit të lartë amerikan në Kosovë vjen pasi ai qëndroi dy ditë në Beograd të Serbisë. Atje, ai u takua me presidentin e Serbisë, Aleksandar Vuçiq, dhe kryemin..