Author: admin

Kryediplomati maqedonas nga Ohri: Të shfrytëzohet ky momentum

Bujar Osmani, Ministri i Punëve të Jashtme i Maqedonisë së Veriut, ka deklaruar që janë këtu për të mundësuar një dialog për palët dhe për të inkurajuar palët që të ndjekur shembullin tonë për të arritur paqen në rajon.
Ai ka thënë se dialogu Kosovë-Serbi po mbahet në të njejtat hapësira fizike ku janë mbajtur negociatat për marrëveshjen e Ohrit.

Osmani ka thënë se duhet të shfrytëzohet momentumi i sotëm politik, pasiqë sipas tij përkushtim dhe bashkëpunim më të madh ndërkombëtar nuk ka pasur asnjëherë. Duhet të shfrytëzohet kjo energji e faktorit ndërkombëtar.

Ai ka treguar që sot Ali Ahmeti ka pasur takim me Lajçak me Borrel.

Borrell shihet në disponim të mirë në takim me Vuçiqin

Ka nisur takimi i presidentit serb, Aleksander Vuçiq, me përfaqësuesin e lartë të BE-së të politikës së jashtme, Joseph Borrell, si dhe emisarin e BE-së për dialogun, Miroslav Lajçak.
RTS ka publikuar pamje nga ky takim, në të cilin Borrell shihet në disponim të mirë, shkruan lajmi.net.

Paraprakisht, kryeministri i Kosovës, Albin Kurti, ka thënë se ka ardhur sot në Ohër për bisedime për marrëveshje dhe jo për bisedime për bisedime tjera. /Lajmi.net/

Shefi i NATO-s del me deklaratë për takimin në Ohër, ka një kërkesë për Kurtin e Vuçiqin

Sekretari i NATO-s, Jens Stoltenberg ka thënë sot se pret konstruktivitet nga kryeministri i Kosovës, Albin Kurti dhe presidenti i Serbisë, Aleksandar Vuçiq nga takimi në Ohër të Maqedonisë së Veriut.
Stoltenberg në një postim në Twitter shkruan se ky është çelësi për stabilitetin e qëndrueshëm dhe të ardhmen evropiane dhe euroatlantike të rajonit.

“Bisedimet e ndërmjetësuara nga BE në Ohër janë të rëndësishme dhe pres që presidenti i Serbisë, Aleksandar Vuçiq dhe kryeministri Albin Kurti të angazhohen në mënyrë konstruktive dhe të bëjnë përparim. Ky është çelësi për stabilitetin e qëndrueshëm dhe të ardhmen evropiane dhe euroatlantike të rajonit. NATO, KFOR vazhdon të punojë për një Kosovë stabile dhe paqësore”, thuhet në postim. /Lajmi.net/

Escobar çon mesazh të prerë nga Ohri: S’jemi të fokusuar tek nënshkrimi, por tek finalizimi

I dërguari i Shteteve të Bashkuara të Amerikës për Ballkanin Perëndimor, Gabriel Escobar, po qëndron në Ohër prej nga foli të shtunën.
Escobar do të marrë pjesë në takimet e Ohrit ndërmjet kryeministrit të Kosovës, Albin Kurti, dhe presidentit të Serbisë, Aleksandar Vuçiq, në cilësinë e vëzhguesit.

Ndërmjetësues të takimit Kurti-Vuçiq janë shefi i politikës së jashtme të Bashkimit Evropian, Josep Borrell, dhe i dërguari i posaçëm i BE-së për dialogun Kosovë-Serbi, Mirosllav Lajçak.

Radio Evropa e Lirë: Zoti Escobar, teksa flasim, liderët e Kosovës dhe Serbisë janë duke zhvilluar një takim në kuadër të dialogut, këtu në Ohër. Ditëve të fundit ju kemi dëgjuar duke folur për shpresat që keni për këtë takim. Por, cilat janë pritjet tuaja realiste për ditën e sotme?

Gabriel Escobar: Pritja jonë më e madhe sot është për finalizimin e aneksit të zbatimit të Marrëveshjes për normalizim [të marrëdhë..

Ambasadori britanik kërkon vullnet nga Kurti e Vuçiq: Mund të ketë rezultate pozitive

Pak para nisjes së takimit mes Kurtit dhe Vuçiqit në Ohër, ka reaguar ambasadori britanik në Kosovë, Nicholas Abbott.
Ky i fundit me anë të një postimi në Facebook ka thënë se një rezultat pozitiv nga ky takim mund të ndodhë me vullnet politik, guxim dhe pragmatizëm nga dy liderët, ai serb dhe kosovar, shkruan lajmi.net.

Ai thotë se nga kjo qasje do të përfitojnë dy popujt.

“Një rezultat pozitiv nga bisedimet e Ohrit për normalizimin e marrëdhënieve Kosovë-Serbi mund të ndodhë me vullnet politik, guxim dhe pragmatizëm nga Albin Kurti dhe Aleksandar Vuçiq. Nga kjo do të përfitojnë të gjithë qytetarët dhe komunitetet. Britania e Madhe mbështet lehtësuesit e BE-së dhe është i gatshëm të ndihmojë në zbatimin”, shkruan Abbott. /Lajmi.net/

Borrell shton presionin para takimit Kurti – Vuçiq: Sytë e BE-së janë te Ohri

Përfaqësuesi i lartë i BE-së, Joseph Borrell, ka folur para nisjes së takimit mes Kurtit e Vuçiqit.
Në një postim në Twitter, Borrell ka thënë se sytë e BE-së dhe Ballkanit Perëndimore sot janë në Ohër, shkruan lajmi.net.

Ai ka thënë se sot do të diskutohet për ankesin e zbatimit të planit evropian, që sipas tij është pjesë integrale e marrëveshjes për normalizimin e raporteve mes dy vendeve.

“Sytë e BE-së dhe Ballkanit Perëndimor janë sot te Ohri. Pas diplomacisë intensive ndërmjet Beogradit dhe Prishtinës, do të diskutojmë me Aleksander Vuçiq dhe Albin Kurtin aneksin e zbatimit – pjesë integrale e Marrëveshjes për rrugën drejt normalizimit të marrëdhënieve”, ka shkruar Borrell. /Lajmi.net/

The eyes of the EU & the Western Balkans are on Ohrid today.

After intense shuttle diplomacy between Belgrade and Pristina, we will discuss with @predsednikrs and @albinkurti the implementation annex – an integral p..

Kurti: Liqeni i Ohrit është liqe tektonik, kam ardhur për bisedime për marrëveshje

Kryeministri i Kosovës, Albin Kurti, ka thënë se ka ardhur me qëllim të mirë në Ohër për të nënshkruar marrëveshje me Serbinë për normalizimin e mardhënieve. Mirëpo, ka shtuar se derisa nuk ka tekst të përfunduar për planin e zbatimt nuk mund të ketë marrëveshje.
Nga Ohri, pak para takimeve me shefin e diplomacisë se BE-së, Josep Borrell dhe emisarin Lajçak, Kurti tha se ka ardhur këtu për bisdime për marrëveshje dhe jo bisedime për bisedime.

“Liqeni i Ohrit është liqe tektonik, mirëpo është vend i qetë dhe i bukur siç po e shihni të gjithë këtu. Unë jam optimist, jam i vëmendshëm dhe do të bëjmë më të mirën për Republikën e Kosovës, kushtetutshmërinë, sovranitetin, integritetin territorial, interesin publik dhe të popullit për gjithë qytetarët pa dallim sepse unë jam kryeministër i të gjithëve…Përveç se jam optimist kam ardh me qëllim dhe vullnet të mirë dhe në mirëbesim që dakordimin e arritur më he..